ಫೇಸ್‌ಬುಕ್‌ನಲ್ಲಿ ಆಟೊ ಪ್ಲೇ ವಿಡಿಯೊ ಮೋಡ್ ಆಫ್ ಹೇಗೆ?

By Shwetha

| Published: Monday, February 29, 2016, 12:11 [IST]

ಸಾಮಾಜಿಕ ತಾಣವಾದ ಫೇಸ್‌ಬುಕ್ ನಿತ್ಯವೂ ಒಂದಿಲ್ಲೊಂದು ಬದಲಾವಣೆಗಳನ್ನು ಮಾಡುತ್ತಲೇ ಇರುತ್ತದೆ. ಈ ಬದಲಾವಣೆಗಳು ಆಸಕ್ತಿಕರ ಮತ್ತು ಉಪಯುಕ್ತ ಎಂದೆನಿಸಲಿವೆ. ಅಂತಹುದೇ ವಿಶೇಷ ಫೀಚರ್ ಆಗಿದೆ ಫೇಸ್‌ಬುಕ್ ಅಟೊಮ್ಯಾಟಿಕ್ ವೀಡಿಯೊ ಪ್ಲೇಬ್ಯಾಕ್. ನಿಮ್ಮ ತಾಣದಲ್ಲಿರುವ ವೀಡಿಯೊಗಳು ಸ್ವಯಂಚಾಲಿತವಾಗಿ ಆನ್ ಆಗುವುದನ್ನು ನಿಮಗೆ ಕಂಡುಕೊಳ್ಳಬಹುದಾಗಿದೆ.

ಆದರೆ ಈ ಹೊಸ ಫೀಚರ್ ಕೆಲವೊಮ್ಮೆ ಕಿರಿಕಿರಿಯನ್ನುಂಟು ಮಾಡುವುದು ನಿಜವಲ್ಲವೇ? ಫೇಸ್‌ಬುಕ್ ಪುಟ ತೆರೆದೊಡನೇ ಈ ವೀಡಿಯೊಗಳು ಚಾಲನೆಗೊಳ್ಳಲು ಆರಂಭಗೊಳ್ಳುತ್ತವೆ. ಸ್ಮಾರ್ಟ್‌ಫೋನ್ ಟ್ಯಾಬ್ಲೆಟ್‌ಗಳಲ್ಲಿ ಈ ಫೀಚರ್ ನಿಮ್ಮ ಇಂಟರ್ನೆಟ್‌ಗೆ ಕತ್ತರಿ ಹಾಕುವುದು ಖಂಡಿತ. ತನ್ನಷ್ಟಕ್ಕೆ ವೀಡಿಯೊ ಚಾಲನೆಯಾಗುತ್ತಿದೆ ಎಂದಾದಲ್ಲಿ ಇಂಟರ್ನೆಟ್ ವೇಗವಾಗಿ ಖಾಲಿಯಾಗಿಬಿಡುವ ಸಾಧ್ಯತೆ ಕೂಡ ಇರುತ್ತದೆ.

ಹಾಗಿದ್ದರೆ ಇದನ್ನು ನಿಷ್ಕ್ರಿಯಗೊಳಿಸುವುದು ಹೇಗೆ ಎಂಬುದನ್ನೇ ಇಂದಿನ ಲೇಖನದಲ್ಲಿ ನಾವು ತಿಳಿದುಕೊಳ್ಳಲಿದ್ದೇವೆ.

#1

ನಿಮ್ಮ ಫೇಸ್‌ಬುಕ್ ಖಾತೆಗೆ ಲಾಗಿನ್ ಮಾಡಿ, ಬಲ ಮೇಲ್ಭಾಗದಲ್ಲಿರುವ ಕೆಳಮುಖ ಬಾಣದ ಗುರುತಿಗೆ ಹೋಗಿ ಇಲ್ಲಿ ಡ್ರಾಪ್ ಡೌನ್ ಮೆನು ದೊರೆಯುತ್ತದೆ. ಇದೀಗ ಸೆಟ್ಟಿಂಗ್ಸ್ ಆಪ್ಶನ್ ಕ್ಲಿಕ್ ಮಾಡಿ

#2

ಎಡಭಾಗದಲ್ಲಿರುವ ವೀಡಿಯೊಗಳು ಭಾಗಕ್ಕೆ ಹೋಗಿ. ಇದೀಗ ನೀವು ಆಟೊ ಪ್ಲೇ ವೀಡಿಯೊಗಳನ್ನು ಆಫ್ ಮಾಡಬಹುದಾಗಿದೆ.

#3

ನಿಮ್ಮ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಅಥವಾ ಟ್ಯಾಬ್ಲೆಟ್‌ನಲ್ಲಿ ಆಟೊ ಪ್ಲೇ ಸೆಟ್ಟಿಂಗ್‌ಗಳನ್ನು ನಿರ್ವಹಿಸಲು ಈ ಮೂರು ಆಯ್ಕೆಗಳನ್ನು ಆರಿಸಿಕೊಳ್ಳಬಹುದು - ಆನ್, ವೈಫೈ ಮಾತ್ರ ಅಥವಾ ಆಫ್