ಸಿಗ್ನಲ್‌ ಆಪ್‌ನಲ್ಲಿ ಗ್ರೂಪ್ ರಚಿಸಲು ಈ ಕ್ರಮ ಅನುಸರಿಸಿರಿ!

ಹೌದು, ಸಿಗ್ನಲ್ ಆಪ್‌ ಅಪಡೇಟ್ ಮಾಡಿರುವ ಬಳಕೆದಾರರ ಡಿವೈಸ್‌ಗಳಲ್ಲಿ ಗ್ರೂಪ್ ರಚಿಸುವ ಸೌಲಭ್ಯ ಲಭ್ಯವಿದೆ. ಆದರೆ ಡೆಸ್ಕ್‌ಟಾಪ್‌ನಲ್ಲಿ ಹೊಸ ಗ್ರೂಪ್ ರಚನೆ ಮಾಡಲು ಸಪೋರ್ಟ್‌ ಇಲ್ಲ. ಆದಾಗ್ಯೂ, ಡೆಸ್ಕ್‌ಟಾಪ್‌ನಲ್ಲಿ ಗ್ರೂಪ್‌ಗಳಿಂದ ಮೆಸೆಜ್‌ ಸ್ವೀಕರಿಸಲು ಸಾಧ್ಯವಿದೆ. ಇನ್ನು ಸಿಗ್ನಲ್ ಆಪ್‌ನಲ್ಲಿ ಆಂಡ್ರಾಯ್ಡ್ ಬಳಕೆದಾರರಿಗಾಗಿ ಮೂರು ಗುಂಪು ಮಾದರಿಗಳಿವೆ ಅವುಗಳು ಕ್ರಮವಾಗಿ new group, legacy group, ಮತ್ತು insecure MMS group ಆಗಿವೆ. ಇನ್ನು ಈ MMS ಗ್ರೂಪ್‌ನಲ್ಲಿ ಚಾಟ್‌ಗಳು ಖಾಸಗಿಯಲ್ಲ, ಶುಲ್ಕ ಇರುತ್ತದೆ ಹಾಗೂ ಕೇವಲ 10 ಸದಸ್ಯರನ್ನು ಮಾತ್ರ ಸೇರಿಸಬಹುದು.

ಸಿಗ್ನಲ್‌ನ ಹೊಸ ಗ್ರೂಪ್‌ಗಳಲ್ಲಿ ವೈಫೈ ಅಥವಾ ಮೊಬೈಲ್ ಡೇಟಾದ ಮೂಲಕ ಸಂದೇಶಗಳನ್ನು ಕಳುಹಿಸಲು ಬಳಕೆದಾರರಿಗೆ ಅವಕಾಶ ಇರುತ್ತದೆ. ಹಾಗೆಯೇ ಬಳಕೆದಾರರಿಗೆ ಗುಂಪು ಲಿಂಕ್ ಅಥವಾ ಕ್ಯೂಆರ್ ಕೋಡ್ ಮೂಲಕ ಆಹ್ವಾನಿಸಲು ಅನುವು ಮಾಡಿಕೊಡುತ್ತದೆ. ಹಾಗಾದರೇ ಸಿಗ್ನಲ್‌ನಲ್ಲಿ ಹೊಸ ಗ್ರೂಪ್‌ ಅನ್ನು ಹೇಗೆ ರಚಿಸುವುದು ಎಂಬುದರ ಬಗ್ಗೆ ಈ ಲೇಖನದಲ್ಲಿ ತಿಳಿಸಲಾಗಿದೆ ಮುಂದೆ ಓದಿರಿ.

ಆಂಡ್ರಾಯ್ಡ್‌ ಮತ್ತು iOS ಬಳಕೆದಾರರು ಈ ಕ್ರಮ ಅನುಸರಿಸಿ:

- ಸಿಗ್ನಲ್‌ನಲ್ಲಿ, ಹೊಸ ಗುಂಪನ್ನು ರಚಿಸುವುದನ್ನು ಟ್ಯಾಪ್ ಮಾಡಿ.
- ಕಾಂಟ್ಯಾಕ್ಟ್‌ಗಳನ್ನು ಆಯ್ಕೆ ಮಾಡಿ ಅಥವಾ ಸಂಖ್ಯೆಗಳನ್ನು ನಮೂದಿಸಿ.
- ಹೊಸ ಗುಂಪು ಸದಸ್ಯರ ಮಿತಿಯನ್ನು 1000 ಹೊಂದಿದೆ.
- ಗುಂಪು ಪ್ರಕಾರವನ್ನು ನೋಡಲು NEXT ಟ್ಯಾಪ್ ಮಾಡಿ.

ಕಾಂಟ್ಯಾಕ್ಟ್‌ ಹೆಸರನ್ನು ತೆಗೆದುಹಾಕಲು ಬಳಕೆದಾರರು ಅದನ್ನು ಟ್ಯಾಪ್ ಮಾಡಬೇಕು.

- ಗುಂಪಿನ ಹೆಸರನ್ನು ಆಯ್ಕೆಮಾಡಿ ಮತ್ತು ಸೇರಿಸಿ.

- Create ಟ್ಯಾಪ್ ಮಾಡಿ.

- ಹೊಸ ಗುಂಪು ಮತ್ತು legacy group ನಿಮ್ಮ ಚಾಟ್ ಪಟ್ಟಿಯಲ್ಲಿ ಮತ್ತು ಗುಂಪು ಸದಸ್ಯರ ಚಾಟ್ ಪಟ್ಟಿಯಲ್ಲಿ ಕಾಣಿಸುತ್ತದೆ.

- ಸದಸ್ಯರು ಗುಂಪಿನಲ್ಲಿ ಮೆಸೆಜ್ ಕಳುಹಿಸುವ ಮೊದಲು ಮೆಸೆಜ್ ವಿನಂತಿ ಅಥವಾ ಆಹ್ವಾನವನ್ನು ಸ್ವೀಕರಿಸಬೇಕಾಗಬಹುದು.