ವಾಟ್ಸಾಪ್‌ನಲ್ಲಿ ಮೆಸೆಜ್ ಸೆಡ್ಯೂಲ್ ಮಾಡಲು ಈ ಕ್ರಮ ಅನುಸರಿಸಿ!

ಹೌದು, ಫೇಸ್‌ಬುಕ್ ಮಾಲೀಕತ್ವದ ವಾಟ್ಸಾಪ್ ತನ್ನ ಬಳಕೆದಾರರಿಗೆ ಹಲವು ಆಕರ್ಷಕ ಫೀಚರ್ಸ್‌ ಪರಿಚಯಿಸಿದೆ. ಇದರೊಂದಿಗೆ ಕೆಲವು ಥರ್ಡ್‌ಪಾರ್ಟಿ ಆಪ್‌ಗಳು ವಾಟ್ಸಾಪ್‌ ಬಳಕೆಯನ್ನು ಮತ್ತಷ್ಟು ವಿಶೇಷವಾಗಿಸಿವೆ. ಆ ಪೈಕಿ ವಾಟ್ಸಾಪ್‌ನಲ್ಲಿ ಮೆಸೆಜ್‌ ಸೆಡ್ಯೂಲ್‌ ಆಯ್ಕೆಯು ಸಹ ಒಂದು ಗಮನ ಸೆಳೆಯುವ ಟ್ರಿಕ್ ಆಗಿದೆ. ಬಳಕೆದಾರರು ಸೆಡ್ಯೂಲ್ ಮಾಡಿದರೇ, ಮೆಸೆಜ್‌ ಆಟೋಮ್ಯಾಟಿಕ್ ಆಗಿ ಸೆಂಡ್‌ ಆಗುತ್ತವೆ. ಅಧಿಕೃತವಾಗಿ ವಾಟ್ಸಾಪ್ ಈ ಆಯ್ಕೆಯನ್ನು ಪರಿಚಯಿಸಿಲ್ಲ. ಹಾಗಾದರೇ ವಾಟ್ಸಾಪ್ನಲ್ಲಿ ಮೆಸೆಜ್ ಸೆಡ್ಯೂಲ್ ಮಾಡುವುದು ಹೇಗೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ವಾಟ್ಸಾಪ್‌ನಲ್ಲಿ ಮೆಸೆಜ್‌ಗಳನ್ನು ಸೆಡ್ಯೂಲ್ ಮಾಡಲು ಹೀಗೆ ಈ ಕ್ರಮ ಅನುಸರಿಸಿ:

ಹಂತ 1: ನಿಮ್ಮ ಆಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್‌ನಲ್ಲಿ ಗೂಗಲ್ ಪ್ಲೇ ಸ್ಟೋರ್ ತೆರೆಯಿರಿ.

ಹಂತ 2: ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ SKEDit ಅನ್ನು ಡೌನ್‌ಲೋಡ್ ಮಾಡಿ ಮತ್ತು ಇನ್‌ಸ್ಟಾಲ್ ಮಾಡಿ.

ಹಂತ 3: SKEDit ತೆರೆಯಿರಿ ಮತ್ತು ಸೈನ್ ಇನ್ ಮಾಡಿ.

ಹಂತ 4: ಈಗ ಮುಖ್ಯ ಮೆನುವಿನಲ್ಲಿರುವ ವಾಟ್ಸಾಪ್ ಆಯ್ಕೆಯನ್ನು ಟ್ಯಾಪ್ ಮಾಡಿ.

ಹಂತ 5: ಈಗ ನೀವು ಅದಕ್ಕೆ ಅನುಮತಿಗಳನ್ನು ನೀಡಬೇಕು. ಪ್ರವೇಶಿಸುವಿಕೆ ಸಕ್ರಿಯಗೊಳಿಸುವ ಆಯ್ಕೆಯನ್ನು ಟ್ಯಾಪ್ ಮಾಡಿ, ನಂತರ SKEDit ಆಯ್ಕೆಯನ್ನು ಟ್ಯಾಪ್ ಮಾಡಿ. ಈಗ, ಸೇವೆಯನ್ನು ಬಳಸಿ ಬಟನ್ ಟಾಗಲ್ ಮಾಡಿ ಮತ್ತು ಅನುಮತಿಸು ಬಟನ್ ಟ್ಯಾಪ್ ಮಾಡಿ.

ಹಂತ 6: ಅಪ್ಲಿಕೇಶನ್‌ಗೆ ಹಿಂತಿರುಗಿ, ಸ್ವೀಕರಿಸುವವರನ್ನು ಆಯ್ಕೆ ಮಾಡಿ, ನಿಮ್ಮ ಸಂದೇಶವನ್ನು ಸೇರಿಸಿ, ನಿಗದಿತ ದಿನಾಂಕ ಮತ್ತು ಸಮಯವನ್ನು ಹೊಂದಿಸಿ.

ಹಂತ 7: ‘Ask me before sending' ಬಟನ್ ಆನ್ ಮಾಡಿ.

ಹಂತ 8: ಟಿಕ್ ಐಕಾನ್ ಮೇಲೆ ಟ್ಯಾಪ್ ಮಾಡಿ ಮತ್ತು ನಿಮ್ಮ ಮೆಸೆಜ್‌ ಅನ್ನು ಸೆಡ್ಯೂಲ್ ಮಾಡಲಾಗುತ್ತದೆ.

ಹಂತ 9: ಸೆಡ್ಯೂಲ್ ಸಮಯ ಬಂದಾಗ, ಕ್ರಿಯೆಯನ್ನು ಪೂರ್ಣಗೊಳಿಸಲು ಅಪ್ಲಿಕೇಶನ್ ನಿಮಗೆ ನೋಟಿಫಿಕೇಶನ್ ಕಳುಹಿಸುತ್ತದೆ. ಮೆಸೆಜ್‌ ಅನ್ನು ಕಳುಹಿಸಲು ನೀವು ಸೆಂಡ್ ಬಟನ್ ಟ್ಯಾಪ್ ಮಾಡಬಹುದು. ಕಳುಹಿಸುವ ಮೊದಲು ನೀವು ಅದನ್ನು ಎಡಿಟ್ ಸಹ ಮಾಡಬಹುದಾಗಿದೆ.