ವೈದ್ಯಲೋಕಕ್ಕೆ ಸವಾಲೆಸೆದ ಸೋಲಾರ್ ಕಿಡ್ಸ್ ಈಗ ಇಂಟರ್ನೆಟ್ ವೈರಲ್

#1

ಒಂಭತ್ತು ಮತ್ತು ಹದಿಮೂರರ ಹರೆಯದ ಈ ಇಬ್ಬರೂ ಮಕ್ಕಳು ದಿನದಲ್ಲಿ ಚಟುವಟಿಕೆಯಿಂದ ಕೂಡಿರುತ್ತಾರೆ. ಆದರೆ ಸೂರ್ಯ ಅಸ್ತಮವಾಗುತ್ತಿದ್ದಂತೆಯೇ, ಇಬ್ಬರೂ ಹಾಗೆಯೇ ನಿಸ್ತೇಜವಾಗಿ ಮಲಗುತ್ತಾರೆ. ಯಾವುದೇ ಚಟುವಟಿಕೆಗಳು ಇವರಲ್ಲಿ ಇರುವುದಿಲ್ಲ.

#2

ಪಾಕಿಸ್ತಾನದ ಮೆಡಿಕಲ್ ವಿದ್ಯಾನಿಲಯದ ಪ್ರೊಫೆಸರ್ ಜಾವೇದ್ ಅಕ್ರಮ್ ಹೇಳುವಂತೆ, ಈ ರೋಗದ ಬಗ್ಗೆ ತಮಗೆ ಏನು ಹೇಳಬೇಕು ಎಂಬುದೇ ತಿಳಿಯುತ್ತಿಲ್ಲ ಎಂದು ತಿಳಿಸಿದ್ದಾರೆ.

#3

ನಾವೊಂದು ಚಾಲೆಂಜ್‌ನಂತೆ ಈ ಕೇಸ್ ಅನ್ನು ಪರಿಗಣಿಸಿದ್ದೇವೆ. ನಮ್ಮ ವೈದ್ಯರುಗಳು ಈ ರೋಗದ ಬಗ್ಗೆ ಸಮಗ್ರ ಪರಿಶೀಲನೆಯನ್ನು ನಡೆಸುತ್ತಿದ್ದು ಬೆಳಗ್ಗಿನ ಹೊತ್ತು ಚಟುವಟಿಕೆಯಿಂದಿರುವ ಈ ಮಕ್ಕಳು ಸೂರ್ಯ ಮುಳುಗುತ್ತಿದ್ದಂತೆಯೇ ಮಾತನಾಡರು, ಚಲಿಸಲಾರರು ಎಂಬುದಾಗಿ ಮಕ್ಕಳ ಚಟುವಟಿಕೆಯಿಂದ ಕಂಡುಕೊಂಡಿದ್ದಾರೆ.

#4

ವೈದ್ಯರು ಹೇಳಿರುವಂತೆ, ಸಹೋದರರಿಗೆ ಉಚಿತ ವೈದ್ಯಕೀಯ ನೆರವನ್ನು ಸರಕಾರ ನೀಡುತ್ತಿದೆ. ಮಕ್ಕಳು ಬಡ ಕುಟುಂಬದಿಂದ ಬಂದಿವೆ.

#5

ಹೆಚ್ಚಿನ ವೈದ್ಯಕೀಯ ಪರೀಕ್ಷೆಗಳಿಗೆ ಮಕ್ಕಳನ್ನು ಒಳಪಡಿಸಲಾಗುತ್ತಿದೆ,ಅವರ ರಕ್ತದ ನಮೂನೆಗಳನ್ನು ಹೆಚ್ಚುವರಿ ಪರೀಕ್ಷೆಗಾಗಿ ಕಳುಹಿಸಲಾಗಿದೆ ಎಂಬುದಾಗಿ ವೈದ್ಯರು ತಿಳಿಸಿದ್ದಾರೆ. ಕುಟುಂಬದ ಮೂಲ ಮನೆಯಿಂದ ಗಾಳಿ ಮತ್ತು ಮಣ್ಣಿನ ನಮೂನೆಗಳನ್ನು ಪರೀಕ್ಷೆಗಾಗಿ ತೆಗೆದುಕೊಳ್ಳಲಾಗುತ್ತಿದೆ.

#6

ಈ ಇಬ್ಬರೂ ಮಕ್ಕಳ ತಂದೆ ಕ್ವೆಟ್ಟಾ ಎಂಬ ಹಳ್ಳಿಯಿಂದ ಬಂದವರಾಗಿದ್ದಾರೆ. ಇವರು ಆರು ಮಕ್ಕಳಲ್ಲಿ ಮೊದಲ ಇಬ್ಬರು ಮಕ್ಕಳು ಅಸುನೀಗಿದ್ದಾರೆ. ಇನ್ನಿಬ್ಬರು ಮಕ್ಕಳು ಈ ರೀತಿಯ ಯಾವುದೇ ಲಕ್ಷಣಗಳನ್ನು ತೋರಿಸುತ್ತಿಲ್ಲ.

#7

ಈ ಹುಡುಗರ ತಂದೆ ಹೇಳುವಂತೆ ಮಕ್ಕಳಿಗೆ ಸೂರ್ಯನಿಂದ ಹೆಚ್ಚುವರಿ ಶಕ್ತಿ ದೊರೆಯುತ್ತಿದೆ ಎಂದಾಗಿದೆ. ವೈದ್ಯಲೋಕ ಈ ವಾದವನ್ನು ಒಪ್ಪುತ್ತಿಲ್ಲ. ಮಕ್ಕಳನ್ನು ಕತ್ತಲೆ ಕೋಣೆಯಲ್ಲಿ ಹಗಲಲ್ಲಿ ಇರಿಸಿದಾಗ ಅವರು ಮೊದಲಿನಂತೆ ಚಟುವಿಟಿಕೆಯಿಂದಲೇ ಕಾರ್ಯನಿರ್ವಹಿಸುತ್ತಿದ್ದಾರೆ.

#8

ದಿನದಲ್ಲಿ ಶೋಯೆಬ್ ಅಹ್ಮದ್ ಮತ್ತು ಸಹೋದರ ಅಬ್ದುಲ್ ರಶೀದ್ ಸಾಮಾನ್ಯವಾಗಿ ಚಟುವಟಿಕೆಯಿಂದಲೇ ಆಟ ಪಾಠಗಳನ್ನು ನಡೆಸುತ್ತಿದ್ದು ಕತ್ತಲಾಗುತ್ತಿದ್ದಂತೆಯೇ ಪಾರ್ಶ್ವವಾಯು ಪೀಡಿತರಂತೆ ವರ್ತಿಸುತ್ತಾರೆ.

ಗಿಜ್‌ಬಾಟ್ ಲೇಖನಗಳು

ಗಿಜ್‌ಬಾಟ್ ಫೇಸ್‌ಬುಕ್ ತಾಣ

ಹೆಚ್ಚಿನ ಸುದ್ದಿಗಳಿಗಾಗಿ ಗಿಜ್‌ಬಾಟ್ ಫೇಸ್‌ಬುಕ್ ತಾಣಕ್ಕೆ ಭೇಟಿ ನೀಡಿ