ಶೀಘ್ರವೇ ಮಾತ್ರೆಗಳ ಮೇಲೆಯೂ ಕ್ಯೂಆರ್ ಕೋಡ್..!

ಕ್ಯೂಆರ್ ಕೋಡ್:

ಔಷಧಗಳಲ್ಲಿ ಕ್ಯೂಆರ್ ಕೋಡ್ ಗಳನ್ನು ಅಳವಡಿಸುವುದರಿಂದ ರೋಗಿಗಳಿಗೆ ಹೆಚ್ಚಿನ ಸಹಾಯವು ಆಗಲಿದೆ. ತಾವು ಬಳಸುವ ಔಷಧಗಳ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಅವರು ಪಡೆದುಕೊಳ್ಳಲಿದ್ದಾರೆ. ಮಾತ್ರೆಗಳ ಮೇಲೆ ಇರುವ ಕೋಡ್ ಅನ್ನು ಸ್ಕ್ಯಾನ್ ಮಾಡಿದರೆ ಸಾಕು ಅದರ ಸಂಪೂರ್ಣ ಮಾಹಿತಿಯೂ ದೊರೆಯಲಿದೆ.

ಫಿನ್ ಲ್ಯಾಂಡ್ ಸಂಶೋಧಕರು:

ಫಿನ್ ಲ್ಯಾಂಡ್ ನ ಸಂಶೋಧಕರು ಈ ಕ್ಯೂಆರ್ ಕೋಡ್ ಹೊಂದಿರುವ ಡ್ರಗ್ ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಮುಂದಾಗಿದ್ದಾರೆ. ಮಾತ್ರೆಗಳ ಮೇಲೆ ಕ್ಯೂಆರ್ ಕೋಡ್ ಪ್ರಿಂಟ್ ಮಾಡಲು ಮುಂದಾಗಿದ್ದಾರೆ. ಇದು ಔಷಧ ಉತ್ಪಾದನೆಯ ಲೋಕಕ್ಕೆ ಹೊಸ ಸಾಧ್ಯತೆಯನ್ನು ತೋರಿಸಿಕೊಟ್ಟಿದೆ.

ಮಾತ್ರೆಗಳ ಸಂಪೂರ್ಣ ವಿವರ:

ಕ್ಯೂಆರ್ ಕೋಡ್ ಗಳನ್ನು ಮಾತ್ರೆಗಳ ಮೇಲೆಯೇ ಪ್ರಿಂಟ್ ಮಾಡುವುದರಿಂದಾಗಿ ಬಳಕೆದಾರರಿಗೆ ಅದರ ಸಂಫೂರ್ಣ ಡೇಟಾ ದೊರೆಯಲಿದೆ. ಇದರಿಂದಾಗಿ ಯಾವುದೋ ಮಾತ್ರೆಯನ್ನು ತೆಗೆದುಕೊಂಡು ತೊಂದರೆಗೆ ಸಿಲುಕುವುದನ್ನು ತಪ್ಪಿಸಬಹುದಾಗಿದೆ. ನೀವು ತೆಗೆದುಕೊಳ್ಳಬೇಕಾದ ಮಾತ್ರೆಯನ್ನು ಸುಲಭವಾಗಿ ಗುರುತಿಸಬಹುದಾಗಿದೆ.