ಚೀನಾದ ಆ್ಯಪಲ್ ಶಿಯೋಮಿ ಬಿಡುಗಡೆಗೊಳಿಸಿರುವ ಹತ್ತು ವಿಶಿಷ್ಟ ಗ್ಯಾಜೆಟ್ಟುಗಳು.

ಎಂ.ಐ ಛತ್ರಿ

ಇತ್ತೀಚೆಗೆ, ಶಿಯೋಮಿ ನೀರ ಹನಿಗಳು ತಾನೇ ತಾನಾಗಿ ಕೆಳಗೆ ಬಿದ್ದುಬಿಡುವಂತಹ ಎಂ.ಐ ಛತ್ರಿಯನ್ನು ತಯಾರಿಸಿದೆ. ತೈವಾನಿನ ಕೆರಮ್ ಬಟ್ಟೆಯನ್ನು ಉಪಯೋಗಿಸಿ ತಯಾರಿಸಲಾಗಿರುವ ಈ ಛತ್ರಿಯಲ್ಲಿ ಜಲ ನಿರೋಧಕ ಟೆಫ್ಲಾನ್ ಕೋಟಿಂಗ್ ಮಾಡಲಾಗಿದೆ. ಅಪಾಯಕಾರಿ ಯು.ವಿ ಕಿರಣಗಳಿಂದ ಬಳಕೆದಾರರನ್ನು ಈ ಛತ್ರಿ ರಕ್ಷಿಸುತ್ತದೆ.

ಸೊಳ್ಳೆ ಓಡಿಸುವ ಎಂ.ಐ.ಜೆ.ಐ.ಎ ಪೋರ್ಟಬಲ್ ಸಾಧನ

ಶಿಯೋಮಿಯ ಸೊಳ್ಳೆ ಓಡಿಸುವ ಪೋರ್ಟಬಲ್ ಸಾಧನದ ಬೆಲೆ $4 (ಅಂದಾಜು 250 ರುಪಾಯಿ). ಇದು ಕಾರ್ಯನಿರ್ವಹಿಸಲು ಪವರ್ ಬ್ಯಾಂಕಿಗೆ ಕನೆಕ್ಟ್ ಮಾಡಬೇಕು. ಬಳಕೆದಾರರು ಇದರಲ್ಲಿ ಸೊಳ್ಳೆ ಬತ್ತಿಯನ್ನು ಇಟ್ಟರೆ ಸಾಧನ ಕೆಲಸ ಮಾಡಲರಾಂಭಿಸುತ್ತದೆ. ತುಂಬ ವಿಶೇಷ ತಂತ್ರಜ್ಞಾನವೇನೂ ಇಲ್ಲಿ ಇಲ್ಲ.

ಎಂ.ಐ.ಜೆ.ಐ.ಎ ಪೆನ್

ಎಂ.ಐ ಪೆನ್ ಮಾಮೂಲಿ ರಿಫಿಲ್ ಮಾಡಬಹುದಾದ ಪೆನ್, ಇದಕ್ಕೆ ಸ್ವಿಸ್ ಪ್ರೆಮೆಕ್ ರಿಫಿಲ್ಲುಗಳನ್ನು ಉಪಯೋಗಿಸಬೇಕು. ಜಪಾನಿನ ಶೀಘ್ರ ಒಣಗಿಬಿಡುವ ಇಂಕನ್ನು ಬೇಕಾದರೂ ಈ ಪೆನ್ನಿನೊಡನೆ ಉಪಯೋಗಿಸಬಹುದು. ಈ ಪೆನ್ ಮುರಿಯುವುದಿಲ್ಲ, ಹೊಳಪು ಕಳೆದುಕೊಳ್ಳುವುದಿಲ್ಲ. ಕಪ್ಪು ಬಿಳುಪು ಬಣ್ಣದಲ್ಲಿ ಲಭ್ಯವಿದೆ.

ಯೀಲೈಟ್ ಬೆಡ್ ಸೈಡ್ ಲ್ಯಾಂಪ್

ಶಿಯೋಮಿ ಕಂಪನಿಯ ಬೆಡ್ ಸೈಡ್ ಲ್ಯಾಂಪನ್ನು ನಿಮ್ಮ ಸ್ಮಾರ್ಟ್ ಫೋನಿನಿಂದಲೇ ನಿಯಂತ್ರಿಸಬಹುದು. ಒಟ್ಟು 16 ಮಿಲಿಯನ್ ಕಲರ್ರುಗಳನ್ನು ಹೊರಹಾಕಬಲ್ಲದು, ಕೈಸನ್ನೆಯ ಮೂಲಕ ಬಣ್ಣ, ಬೆಳಕಿನ ಪ್ರಖರತೆಯನ್ನು ಬದಲಿಸುವ ಸೌಕರ್ಯವಿದೆ.

ಎಂ.ಐ ಕೆಟಲ್

ಶಿಯೋಮಿ ಎಂ.ಐ ಕೆಟಲ್ ನೀರನ್ನು ಬಿಸಿ ಮಾಡುವ ಸಾಮಾನ್ಯ ಎಲೆಕ್ಟ್ರಿಕ್ ಕೆಟಲ್ ಅಲ್ಲ. ಇದೊಂದು ಸ್ಮಾರ್ಟ್ ಕೆಟಲ್. ಈ ಕೆಟಲ್ ಅನ್ನು ನಿಮ್ಮ ಸ್ಮಾರ್ಟ್ ಫೋನಿನಿಂದ ಎಂ.ಐ ಹೋಮ್ ಆ್ಯಪ್ ಮೂಲಕ ನಿಯಂತ್ರಿಸಬಹುದು.

ಎಂ.ಐ ರೈಸ್ ಕುಕರ್

ಶಿಯೋಮಿಯ ರೈಸ್ ಕುಕ್ಕರಿನಲ್ಲಿ ಹಲವು ವೈಶಿಷ್ಟತೆಗಳಿವೆ. ವಿದ್ಯುತ್ ಕಾಂತೀಯ ತರಂಗಗಳನ್ನು ಉಪಯೋಗಿಸಿಕೊಂಡು ಬಿಸಿ ಮಾಡುವ ತಂತ್ರಜ್ಞಾನವಿದೆ ಮತ್ತು ಒಳಗಿನ ಒತ್ತಡವನ್ನು ನಿಯಂತ್ರಿಸಲು ಮ್ಯಾಗ್ನೆಟಿಕ್ ವಾಲ್ವ್ ಇದೆ. ಈ ಸಾಧನವು ಅಡುಗೆಗೆ ಬಳಸುವ ಅಕ್ಕಿಯನ್ನು ಸ್ಕ್ಯಾನ್ ಮಾಡಿ ಅದರ ಆಧಾರದ ಮೇಲೆ ಅನ್ನವಾಗುವ ಪ್ರಕ್ರಿಯೆಯನ್ನು ಸ್ವಯಂಚಾಲಿತವಾಗಿ ನಿಯಂತ್ರಿಸುತ್ತದೆ.

ಶಿಯೋಮಿ ಟೂಥ್ ಬ್ರಶ್

ಸೋಕೇರ್ x3 ಹೆಸರಿನ ಶಿಯೋಮಿ ಟೂಥ್ ಬ್ರಶ್ಶಿನ ಬೆಲೆ ಸುಮಾರು 2,300 ರುಪಾಯಿ. ಮ್ಯಾಗ್ನೆಟಿಕ್ ಅಕಾಸ್ಟಿಕ್ ಸಸ್ಪೆನ್ಷನ್ ಮೋಟಾರನ್ನು ಉಪಯೋಗಿಸುವ ಈ ಟೂಥ್ ಬ್ರಶ್ ಹಲ್ಲುಗಳನ್ನು ಸ್ವಚ್ವವಾಗಿಡಲು ಸಹಕಾರಿ. ಇದು ಜಲ ನಿರೋಧಕ ಮತ್ತು ಇದರ ಬ್ರಶ್ ತುಂಬ ಸೂಕ್ಷವಾಗಿದೆ.

ಎಂ.ಐ ವಾಟರ್ ಪ್ಯುರಿಫೈಯರ್

ಶಿಯೋಮಿ ಕಂಪನಿಯ ಎಂ.ಐ ವಾಟರ್ ಪ್ಯುರಿಫೈಯರ್ ನ ಬೆಲೆ ಸುಮಾರು 13,200 ರುಪಾಯಿ. ನಿಮ್ಮ ಸ್ಮಾರ್ಟ್ ಫೋನನ್ನು ಉಪಯೋಗಿಸಿ ಇದನ್ನು ನಿಯಂತ್ರಿಸಬಹುದು. ನೀರು ಶುದ್ಧೀಕರಿಸಲು ಆರ್.ಒ ತಂತ್ರಜ್ಞಾನವನ್ನಿದು ಉಪಯೋಗಿಸುತ್ತದೆ. ಈ ಸಾಧನವು ಮೆಡಿಕಲ್ ನೀರಿಗೆ, ನೀರಿನಲ್ಲಿರುವ ಉಪ್ಪಿನಂಶ ತೆಗೆಯುವುದಕ್ಕೆ ಮತ್ತು ಶುದ್ಧ ನೀರನ್ನ ಫಿಲ್ಟರ್ ಮಾಡುವುದುಕ್ಕೆ ಸೂಕ್ತವಾದುದು.

ಲಿ-ನಿಂಗ್ ಸ್ಮಾರ್ಟ್ ಶೂ

ಈ ಶೂಗಳನ್ನು ಬ್ಲೂಟೂಥ್ ಮೂಲಕ ನಿಮ್ಮ ಸ್ಮಾರ್ಟ್ ಫೋನಿಗೆ ಸಂಪರ್ಕಿಸಬಹುದು. ಹಾಕಿದ ಹೆಜ್ಜೆಗಳೆಷ್ಟು, ಎಷ್ಟು ಕ್ಯಾಲರಿಯನ್ನು ಉಪಯೋಗಿಸಿದ್ದೇವೆ ಮತ್ತು ಇತರೆ ಫಿಟ್ ನೆಸ್ ಸಂಬಂಧಿತ ಡಾಟಾಗಳನ್ನು ಈ ಶೂಗಳಲ್ಲಿರುವ ಸಂವೇದಕಗಳು ಗುರುತಿಸುತ್ತವೆ.

ಎಂ.ಐ ಏರ್ ಪ್ಯುರಿಫೈಯರ್ 2

ಶಿಯೋಮಿ ಏರ್ ಪ್ಯುರಿಫೈಯರ್ 2 ಗಾಳಿಯಲ್ಲಿರುವ 99.7 ಪ್ರತಿಶತಃದಷ್ಟು ಧೂಳಿನ ಕಣಗಳನ್ನು ಒಂದು ಘಂಟೆಯೊಳಗೆ ತೆಗೆದುಹಾಕಿ ಶುದ್ಧ ಗಾಳಿ ನೀಡಬಲ್ಲದು. ಇದು ಶಿಯೋಮಿ ಹೊರತಂದಿರುವ ಎರಡನೇ ಜೆನರೇಷನ್ನಿನ ಏರ್ ಪ್ಯುರಿಫೈಯರ್. ಇದರ ಬೆಲೆ ಸುಮಾರು 7,200 ರುಪಾಯಿಗಳು.