ಬಿಎಸ್‌ಎನ್‌ಎಲ್‌ ಗ್ರಾಹಕರಿಗೆ ಪ್ರತಿ ಭಾನುವಾರ ಅನ್‌ಲಿಮಿಟೆಡ್‌ ಉಚಿತ ಕರೆ ಆಫರ್

ಬಿಎಸ್‌ಎನ್ಎಲ್ ಗ್ರಾಹಕರಿಗೆ ಆಫರ್ ಮೇಲೆ ಆಫರ್. ಟೆಲಿಕಾಂ ಆಪರೇಟರ್ ಬಿಎಸ್‌ಎನ್‌ಎಲ್‌ ತನ್ನ ಗ್ರಾಹಕರಿಗೆ ಅನ್‌ಲಿಮಿಟೆಡ್‌ ಉಚಿತ ಕರೆ ಯೋಜನೆ ಬಗ್ಗೆ ಮಾಹಿತಿ ಪ್ರಕಟಗೊಳಿಸಿದೆ. ಲ್ಯಾಂಡ್‌ಲೈನ್‌ ಬ್ಯುಸಿನೆಸ್‌ ಅಭಿವೃದ್ದಿಗಾಗಿ ಈ ತೀರ್ಮಾನವನ್ನು ಟೆಲಿಕಾಂ ಆಪರೇಟರ್‌ ಕೈಗೊಂಡಿದೆ.

ಬಿಎಸ್‌ಎನ್‌ಎಲ್‌ ಲ್ಯಾಂಡ್‌ ಲೈನ್‌ ಫೋನ್‌ನಿಂದ ಯಾವುದೇ ನೆಟ್‌ವರ್ಕ್‌ ಮೊಬೈಲ್‌ ಮತ್ತು ಲ್ಯಾಂಡ್‌ಲೈನ್‌ಗೆ ಪ್ರತಿ ಭಾನುವಾರಗಳಲ್ಲಿ ಉಚಿತವಾಗಿ ಕರೆ ಮಾಡಬಹುದಾಗಿದೆ. ಆದ್ರೆ ಈ ಆಫರ್‌ 2016 ನೇ ವರ್ಷಕ್ಕೆ ಮಾತ್ರ. ಈ ಆಫರ್‌ ಬಿಎಸ್‌ಎನ್‌ಎಲ್‌ ಗ್ರಾಹಕರಿಗೆ 'Night Hour' ಯೋಜನೆಯಡಿ ಸಿಗಲಿದೆ.

ಭಾರತದಾದ್ಯಂತ ಬಿಎಸ್‌ಎನ್‌ಎಲ್‌ ಉಚಿತ ಇಂಟರ್ನೆಟ್‌ ಬಳಕೆ ಹೇಗೆ?

"ಸುಂಕದ ಸಮಿತಿ ಶಿಫಾರಿಸ್ಸಿನ ಅಧಿಕಾರದ" ಮೇರೆಗೆ 'ಸಿಎಫ್‌ಎ' ಅನ್‌ಲಿಮಿಟೆಡ್‌ ಉಚಿತ ಕರೆ ಆಫರ್‌ ಅನ್ನು ಎಲ್ಲಾ ನೆಟ್‌ವರ್ಕ್‌ಗಳಿಗಾಗಿ ಅನುಮತಿ ನೀಡಿದೆ. ಈ ಆಫರ್ 'ಪಾನ್‌ ಇಂಡಿಯಾ' ಸೇವೆಯಡಿ ಆಗಸ್ಟ್‌ 15 ರಿಂದ ಬಿಎಸ್‌ಎನ್‌ಎಲ್‌ ಗ್ರಾಹಕರಿಗೆ ದೊರೆಯಲಿದೆ. ಈ ಹಿಂದೆ ಬಿಎಸ್‌ಎನ್‌ಎಲ್‌ ತನ್ನ ಗ್ರಾಹಕರಿಗೆ ರಾತ್ರಿ 9 ರಿಂದ ಬೆಳಗಿನ 7 ಗಂಟೆವರೆಗೆ ಉಚಿತ ಕರೆ ಆಫರ್‌ ನೀಡಿತ್ತು.

ಆಗಸ್ಟ್‌ 15 ರಿಂದ 90 ದಿನಗಳವರೆಗೆ ಹೊಸದಾಗಿ ಬಿಎಸ್‌ಎನ್‌ಎಲ್‌ ಲ್ಯಾಂಡ್‌ಲೈನ್‌ ಇನ್‌ಸ್ಟಾಲ್‌ ಮಾಡಿಕೊಳ್ಳುವ ಗ್ರಾಹಕರಿಗೆ ಉಚಿತವಾಗಿ ಇನ್‌ಸ್ಟಾಲ್ ಮಾಡಿಕೊಡಲಾಗುತ್ತದೆ. ಅಲ್ಲದೇ ಗ್ರಾಹಕರು ತಿಂಗಳಿಗೆ ರೂ 49 ಮಾತ್ರ ರೀಚಾರ್ಜ್‌ ಮಾಡಿಸಬೇಕಾಗುತ್ತದೆ. ಈ ಆಫರ್ ನೀಡಿರದಿದ್ದರೆ ಗ್ರಾಹಕರು 500 ರೂಪಾಯಿ ಇನ್‌ಸ್ಟಾಲ್‌ ಚಾರ್ಜ್‌ ಅನ್ನು ನೀಡಬೇಕಿತ್ತು ಎಂಬುದನ್ನು ಅಧಿಕೃತ ಮೂಲಗಳಿಂದ ತಿಳಿಯಲಾಗಿದೆ.

ಮೊಬೈಲ್‌ನಿಂದ ಲ್ಯಾಂಡ್‌ಲೈನ್‌ಗೆ ಉಚಿತ ಕರೆ ವರ್ಗಾವಣೆ: ಬಿಎಸ್ಎನ್ಎಲ್