ಜಿಯೋಗೆ ಸೆಡ್ಡು: ದೀಪಾವಳಿಗೆ ಏರ್‌ಟೆಲ್‌ನಿಂದ 2500ಕ್ಕೆ 4G ಸ್ಮಾರ್ಟ್‌ಫೋನ್.!!

ರೂ. 2500 ರಿಂದ ರೂ.2700:

ಏರ್‌ಟೆಲ್ ಲಾಂಚ್ ಮಾಡಲಿರುವ 4G ಸ್ಮಾರ್ಟ್‌ಫೋನ್ ಬೆಲೆಯೂ ರೂ.2500 ರಿಂದ ರೂ.2700ಗೆ ದೊರೆಯಲಿದೆ ಎನ್ನಲಾಗಿದೆ. ಇದಕ್ಕಾಗಿ ಹಲವಾರು ಸ್ಮಾರ್ಟ್‌ಫೋನ್ ತಯಾರಕ ಕಂಪನಿಗಳೊಂದಿಗೆ ಮಾತುಕತೆ ನಡೆಸಿದೆ ಎನ್ನಲಾಗಿದೆ.

ದೀಪಾವಳಿಗೆ ಬಿಡುಗಡೆ:

ಈಗಾಗಲೇ ಅಂತಿಮ ಸಿದ್ಧತೆಯಲ್ಲಿರುವ ಏರ್‌ಟೆಲ್ 4G ಸ್ಮಾರ್ಟ್‌ಫೋನ್ ಅನ್ನು ದೀಪಾವಳಿ ಸಮಯದಲ್ಲಿ ಬಿಡುಗಡೆ ಮಾಡಲಿದೆ ಎನ್ನಲಾಗಿದೆ. ಅಲ್ಲದೇ ಜಿಯೋ ಮಾದರಿಯಲ್ಲಿ ಈ ಫೋನ್ ಸಹ ಏರ್‌ಟೆಲ್‌ ಸಿಮ್‌ ನೊಂದಿಗೆ ಕಾಣಿಸಿಕೊಳ್ಳಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ಹೊಸ ಫೋನ್‌ಗಾಗಿ ಹೊಸ ಆಫರ್:

ಜಿಯೋ ಫೋನ್‌ಗಾಗಿ ಜಿಯೋ ಹೊಸ ಮಾದರಿಯ ಆಫರ್ ನೀಡಿದಂತೆ ಏರ್‌ಟೆಲ್ ಸಹ ತನ್ನ ನೂತನ ಫೋನ್‌ಗಾಗಿ ವಾಯ್ಸ್ ಮತ್ತು ಡೇಟಾ ಪ್ಲಾನ್ ಘೋಷಣೆ ಮಾಡಲಿದೆ ಎನ್ನಲಾಗಿದೆ. ಅದುವೆ ಕಡಿಮೆ ಆಕರ್ಷಕ ಬೆಲೆಯಲ್ಲಿ.

ಡ್ಯುಯಲ್ ಸಿಮ್:

ಏರ್‌ಟೆಲ್ ಬಿಡುಗಡೆ ಮಾಡುವ ಸ್ಮಾರ್ಟ್‌ಫೋನ್‌ನಲ್ಲಿ ಎರಡು ಸಿಮ್ ಕಾರ್ಡ್ ಹಾಕಿಕೊಳ್ಳುವ ಅವಕಾಶ ವನ್ನು ನೀಡಲಾಗುವುದು ಎನ್ನುವ ಮಾಹಿತಿಯೂ ಇದೆ. ನಾಲ್ಕು ಇಂಚಿನ ಡಿಸ್‌ಪ್ಲೇ ಇರಲಿದ್ದು, ಹಿಂಭಾಗ ಮತ್ತು ಮುಂಭಾಗದಲ್ಲಿ ಕ್ಯಾಮೆರಾ ಇದೆ. ದೊಡ್ಡ ಬ್ಯಾಟರಿ ಇರಲಿದ್ದು, ಜೊತೆಗೆ VoLTE ಕಾಲಿಂಗ್ ಸೇವೆಯೂ ಇರಲಿದೆ.

ಫೀಚರ್ ಫೋನ್ ಗ್ರಾಹಕರಿಗೆ ಗಾಳ:

ಜಿಯೋ ಮಾದರಿಯಲ್ಲಿ ಸದ್ಯ ಫೀಚರ್ ಫೋನ್ ಬಳಕೆ ಮಾಡಿಕೊಳ್ಳುತ್ತಿರುವ ಮಂದಿಗೆ ಏರ್‌ಟೆಲ್‌ ಸಹ ಗಾಳ ಹಾಕಲು ಮುಂದಾಗಿದೆ, ಡೊಡ್ಡ ಪ್ರಮಾಣದಲ್ಲಿರುವ ಈ ಸಮುಹಕ್ಕೆ ಹೆಚ್ಚಿನ ಸೇವೆಯನ್ನು ನೀಡಲು ಮತ್ತು ತನ್ನನ ಬಳಕೆದಾರರ ಸಂಖ್ಯೆಯನ್ನು ಹೆಚ್ಚಿಸಲಿಕೊಳ್ಳಲು ಈ ಕ್ರಮಕ್ಕೆ ಮುಂದಾಗಿದೆ ಎನ್ನಲಾಗಿದೆ.