ಮುಗಿತು ಜಿಯೋ ಫೋನ್ ಕತೆ: ರೂ.1,399ಕ್ಕೆ ಏರ್‌ಟೆಲ್ ಸ್ಮಾರ್ಟ್‌ಫೋನ್‌ ಬಿಡುಗಡೆ..!

ಮೇರಾ ಪೇಹೆಲಾ 4G ಸ್ಮಾರ್ಟ್‌ಫೋನ್:

ಈಗಾಗಲೇ ಭಾರತೀಯ ಮಾರುಕಟ್ಟೆಯಲ್ಲಿ 4G ಸ್ಮಾರ್ಟ್‌ಫೋನ್‌ಗಳ ಹಾವಳಿ ಹೆಚ್ಚಾಗಿದ್ದು, ಈ ಹಿನ್ನಲೆಯಲ್ಲಿ ಜಿಯೋ ಸಹ 4G ಫೀಚರ್ ಫೋನ್ ಬಿಡುಗಡೆ ಮಾಡಿತ್ತು. ಇದೇ ಮಾದರಿಯಲ್ಲಿ ಏರ್‌ಟೆಲ್ ಈ ಫೋನ್ ಬಿಡುಗಡೆ ಮಾಡಿದ್ದು, ಇದನ್ನು ಮೇರಾ ಪೇಹೆಲಾ 4G ಸ್ಮಾರ್ಟ್‌ಫೋನ್ ಎಂದು ಕರೆದಿದೆ.

ಬೆಲೆ ರೂ.3,499 ಆದರೆ ಕ್ಯಾಷ್ ಬ್ಯಾಕ್ ಇದೆ:

ಕಾರ್ಬನ್ A40 ಇಂಡಿಯನ್ ಸ್ಮಾರ್ಟ್‌ಫೋನ್ ಬೆಲೆ ರೂ. 3,499 ಆಗಿದ್ದು, ಆದರೆ ಈ ಫೋನ್ ಸದ್ಯ ರೂ. 2,899ಕ್ಕೆ ದೊರೆಯುತ್ತಿದ್ದು, ಗ್ರಾಹಕರು ಮೊದಲು ರೂ.2,899 ಡೌನ್‌ ಪೇಮೆಂಟ್ ಮಾಡಬೇಕಾಗಿದೆ. ಇದಾದ ಮೇಲೆ ಏರ್‌ಟೆಲ್‌ ನಿಂದ ರೂ. 1500 ಕ್ಯಾಚ್ ಬ್ಯಾಕ್ ದೊರೆಯಲಿದೆ.

ಮೂರು ವರ್ಷಗಳಲ್ಲಿ ಈ ಕ್ಯಾಚ್ ಬ್ಯಾಕ್ ದೊರೆಯಲಿದೆ:

ಏರ್‌ಟೆಲ್ ಪೇಮೆಂಟ್ ಬ್ಯಾಂಕ್ ನಿಂದ ಹಣ ಪಾವತಿ ಮಾಡಿ ಈ ಮೊಬೈಲ್ ಖರೀದಿ ಮಾಡಿದರೆ ಗ್ರಾಹಕರಿಗೆ ರೂ.1500ಕ್ಕೆ ದೊರೆಯಲಿದೆ. ಆದರೆ ಇದು ಮೂರು ವರ್ಷಗಳಲ್ಲಿ ಹಂತ ಹಂತವಾಗಿ ದೊರೆಯಲಿದೆ.

ಕ್ಯಾಷ್ ಬ್ಯಾಕ್ ಪಡೆಯುವುದು ಹೇಗೆ?

ಈ ಕ್ಯಾಷ್ ಬ್ಯಾಕ್ ಪಡೆದುಕೊಳ್ಳಲು ಗ್ರಾಹಕರು ಮೊದಲ 18 ತಿಂಗಳಿನಲ್ಲಿ ರೂ. 3000 ರೀಚಾರ್ಜ್ ಮಾಡಿಸಿಕೊಂಡರೆ ರೂ. 500 ಕ್ಯಾಚ್ ಬ್ಯಾಕ್ ಬರಲಿದೆ. ಹಾಗೆಯೇ ನಂತರದ 18 ತಿಂಗಳಲ್ಲಿ ಅಷ್ಟೆ ಪ್ರಮಾಣದ ರೀಚಾರ್ಜ್ ಮಾಡಿಸಿಕೊಂಡರೆ ರೂ.1000 ಕ್ಯಾಷ್ ಬ್ಯಾಕ್ ದೊರೆಯಲಿದೆ.