ಓಲಾ, ಒನ್‌ಪ್ಲಸ್ ಕಂಪನಿಗಳ 'ಏಪ್ರಿಲ್ ಫೂಲ್‌' ಸುದ್ದಿ ನಿಮಗೆ ಶಾಕ್‌ ಜೊತೆ ನಗು ತರಿಸಲಿದೆ.!

ಒನ್‌ಪ್ಲಸ್‌

ಚೀನಾ ಮೂಲದ ಜನಪ್ರಿಯ ಒನ್‌ಪ್ಲಸ್‌ ಸ್ಮಾರ್ಟ್‌ಫೋನ್‌ ಕಂಪನಿಯು ಇದೀಗ ಕಾರ ಒಂದನ್ನು ಪರಿಚಯಿಸಲು ಮುಂದಾಗಲಿದೆ ಎನ್ನುವ ಕಂಪನಿಯ ಟೀಸರ್‌ ಸುದ್ದಿಯಾಗಿದೆ. ಈ ಉತ್ಪನ್ನ ವಾರ್ಪ್ ಚಾರ್ಚ್‌ ಟೆಕ್ನೊಲಜಿಯನ್ನು ಹೊಂದಿರಲಿದೆ ಎಂದು ತಿಳಿಸಿದೆ. ಕಂಪನಿಯ ಒನ್‌ಪ್ಲಸ್‌ 6T McLaren ಎಡಿಷನ್‌ನಲ್ಲಿ ಈ ಟೆಕ್ನಾಲಜಿಯ ಇದೆ. ಒನ್‌ಪ್ಲಸ್‌ನ ಕಾರ ಟೀಸರ್, ತೆಲ್ಸಾ ಟೀಸ್‌ ಮಾಡಿದ್ದ ಎಲೆಕ್ಟ್ರಿಕ್ ಕಾರಿನಂತೆ ಇದೆ.

ಓಲಾ ಕ್ಯಾಬ್‌

ಓಲಾ(ola) ಭಾರತದಲ್ಲಿ ಅತೀ ದೊಡ್ಡ ಬಾಡಿಗೆ ಟ್ಯಾಕ್ಸಿ ಸೇವೆ ಒದಗಿಸುತ್ತಿರುವ ಸಂಸ್ಥೆಯಾಗಿದ್ದು, ಈ ಟ್ಯಾಕ್ಸಿ ಸೇವೆ ಆಪ್‌ ಆಧಾರಿತವಾಗಿದೆ. ಸಂಸ್ಥೆಯು 'ಟಾಯ್ಲಟ್ ಆನ್‌ ವಿಲ್ಸ್' ಎಂಬ ಹೊಸ ಸೇವೆಯನ್ನು ಏಪ್ರಿಲ್ 1 ರಂದು ಘೋಷಿಸಿದ್ದು, ಗ್ರಾಹಕರು ಓಲಾ ಆಪ್‌ ಮೂಲಕ ಈ ಸೇವೆಯನ್ನು ಬುಕ್ಕ್ ಮಾಡಬಹುದಂತೆ. 'ಟಾಯ್ಲಟ್ ಆನ್‌ ವಿಲ್ಸ್' ಕುರಿತ ವಿಡಿಯೊ ಒಂದು ವೈರಲ್‌ ಆಗಿದೆ. ಈ ಸೇವೆ ಗ್ರಾಹಕರನ್ನು ಮೂರ್ಖರನ್ನಾಗಿಸುವ ಪ್ರಯತ್ನ ಎಂದು ಹೇಳಲಾಗುತ್ತಿದೆ.

ಟಿ-ಮೊಬೈಲ್

ಯುಎಸ್‌ ಮೂಲದ ಪ್ರಮುಖ ಮೊಬೈಲ್ ಕಂಪನಿಗಳಲ್ಲಿ ಒಂದಾಗಿರುವ ಟಿ-ಮೊಬೈಲ್ ಸಹ ಏಪ್ರಲ್‌ ಮೊದಲ ದಿನ ಪ್ರಾಂಕ್ ಮಾಡಿದೆ. ಕಂಪನಿ ಫೋನ್ ಬೂತ್‌ಇ ಸೇವೆಯನ್ನು ಆರಂಭಿಸುವ ಮೂಲಕ ಪ್ರಾಂಕ್ ಮಾಡಿದ್ದು, ಅದು ನಕಲಿ 5G E ಸೇವೆ ಆಗಿದೆ ಎಂದು ಹೇಳಲಾಗಿದೆ.

ಇದೇ ಮೊದಲಲ್ಲಾ

ಈ ಹಿಂದೆಯು ಪ್ರಮುಖ ಟೆಕ್‌ ಕಂಪನಿಗಳು ಗ್ರಾಹಕರು ಊಹಿಸಿರದಂತಹ ಉತ್ಪನ್ನಗಳನ್ನು ಮತ್ತು ಸೇವೆಗಳನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿ ಪ್ರಾಂಕ್ ಮಾಡಿವೆ. 2017ರಲ್ಲಿ ಗೂಗಲ್ ಸಾಕುಪ್ರಾಣಿಗಳಿಗೆ ಗೂಗಲ್ ಪ್ಲೇ ಸ್ಟೋರ್‌ ಅನ್ನು ಬಿಡುಗಡೆ ಮಾಡುವುದಾಗಿ ಹೇಳಿ ಪ್ರಾಂಕ್ ಮಾಡಿದ್ದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.