ಶಿಯೋಮಿ ಹೇಳಿದಂತೆ ಕೇಳಿದ ಗೂಗಲ್.! ಯಾಕೆ..?

16:9 ಸ್ಕ್ರಿನ್ ಸೈಜ್ ಬದಲಾಯಿಸಿದ ಶಿಯೋಮಿ:

ಸದ್ಯ ಮಾರುಕಟ್ಟಯಲ್ಲಿ ಲಭ್ಯವಿರುವ ಸ್ಮಾರ್ಟ್‌ಫೋನ್‌ಗಳು ಅದರಲ್ಲೂ ಟಾಪ್ ಎಂಡ್ ಫೋನ್‌ಗಳಲ್ಲಿ 16:9 ಅನುಪಾತದ ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. ಅಲ್ಲದೇ ಇದೇ ಮಾದರಿಯಲ್ಲಿ ಸ್ಮಾರ್ಟ್‌ಫೋನ್ ಇರಬೇಕೆಂದು ಆಂಡ್ರಾಯ್ಡ್ ನಿಯಮ ರೂಪಿಸಿದೆ. ಆದರೆ ಇದನ್ನು ಮೀರಿದ ಶಿಯೋಮಿ ಮೊದಲ 18:9 ಸ್ಕ್ರಿನ್ ಅನುಪಾದ ಸ್ಮಾರ್ಟ್‌ಫೋನ್ ಲಾಂಚ್ ಮಾಡಿದೆ.

ಮಿ ಮಿಕ್ಸ್ 2 ಗಾಗಿ ನಿಯಮ ಬದಲಾಯಿಸಿದ ಗೂಗಲ್:

ಈ ಹಿಂದೆ ಎಲ್ಲಾ ಸ್ಮಾರ್ಟ್‌ಫೋನ್ ಗಳು 16:9 ಅನುಪಾತದ ಒಳಗೆ ಮಾತ್ರವೇ ಇರಬೇಕು ಎಂದು ನಿಯಮ ಮಾಡಿದ್ದ ಗೂಗಲ್, ಶಿಯೋಮಿಗಾಗಿಯೇ ತನ್ನ ನಿಯಮವನ್ನು ಬದಲಾಯಿಸಿಕೊಂಡಿದೆ ಎನ್ನಲಾಗಿದೆ. ಇದನ್ನು ಸ್ವತಃ ಶಿಯೋಮಿಯೇ ತಿಳಿಸಿದೆ. ಮಿ ಮಿಕ್ಸ್ 2 ಗಾಗಿ ಈ ನಿಯಮವನ್ನು ಬದಲಾಯಿಸಿದೆ.

ಟಾಪ್ 5 ಸ್ಥಾನ:

ಈಗಾಗಲೇ ಗೂಗಲ್ ಶಿಯೋಮಿಯೊಂದಿಗೆ ಆಂಡ್ರಾಯ್ಡ್ ಓನ್ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಿದ್ದು, ಇದೇ ಮಾದರಿಯಲ್ಲಿ ಈಗ ತನ್ನ ನಿಯಮವನ್ನು ಬದಲಾಯಿಸಿರುವುದಕ್ಕೆ ಪ್ರಬಲ ಕಾರಣವೂ ಇದೆ. ಆಂಡ್ರಾಯ್ಡ್ ಫೋನ್‌ಗಳಲ್ಲಿ ಶಿಯೋಮಿಯೂ ಅತೀ ಹೆಚ್ಚಿನ ಬೆಳವಣಿಗೆಯ ದರವನ್ನು ಹೊಂದಿದ್ದು, ಅಲ್ಲದೇ ವಿಶ್ವದ ಟಾಪ್ ಮೊಬೈಲ್ ತಯಾರಕ ಕಂಪನಿಗಳಲ್ಲಿ ಟಾಪ್ 5ನೇ ಸ್ಥಾನದಲ್ಲಿದೆ ಎನ್ನಲಾಗಿದೆ.