ಪರ್ಫೆಕ್ಟ್ ಪ್ರೊಫೈಲ್ ಚಿತ್ರವನ್ನು ಈ ವಿಧಾನಗಳಲ್ಲಿ ತೆಗೆಯಿರಿ

#1

ಇದು ಅತ್ಯಂತ ಮೂಲ ಅಂಶವಾಗಿದೆ. ನಿಮ್ಮ ಬಾಲ್ಯದ ಫೋಟೋಗಳು ಅಥವಾ ಮುದ್ದಿನ ಸಾಕುಪ್ರಾಣಿಯ ಫೋಟೋಗಳನ್ನು ಅಪ್‌ಲೋಡ್ ಮಾಡದಿರಿ. ನಿಮ್ಮದೇ ಫೋಟೋ ಆಗಿರುವುದು ಕಡ್ಡಾಯವಾಗಿದೆ. ಇದರಿಂದ ನಿಮ್ಮ ಸ್ನೇಹಿತರು ನಿಮ್ಮನ್ನು ಸುಲಭವಾಗಿ ಗುರುತಿಸುತ್ತಾರೆ ಮತ್ತು ನಿಮ್ಮ ಸೌಂದರ್ಯವನ್ನು ಮೆಚ್ಚಿಕೊಳ್ಳುತ್ತಾರೆ.

#2

ನಿಮ್ಮ ಫೋಟೋವನ್ನು ನೀವೇ ತೆಗೆಯುವುದಕ್ಕಿಂತ ಬೇರೆಯವರು ನಿಮ್ಮ ಫೋಟೋ ತೆಗೆಯುವುದು ಒಳ್ಳೆಯದು. ಇದರಿಂದ ನಿಮ್ಮ ಮುಖದ ಭಾವನೆ ಸ್ವಾಭಾವಿಕ ಹಾಗೂ ಸುಂದರವಾಗಿರುತ್ತದೆ. ಸ್ವಲ್ಪ ನಗುವುದು ಉತ್ತಮ ಅಂಶವಾಗಿದೆ.

#3

ನಿಮ್ಮ ಫೋಟೋವನ್ನು ಅಥವಾ ಪ್ರೊಫೈಲ್ ಅನ್ನು ಸಾಮಾಜಿಕ ತಾಣದಲ್ಲಿ ನೀವು ಪ್ರಚಾರ ಮಾಡುವಾಗ ವೃತ್ತಿಪರರಾಗಿರುವುದು ಅಗತ್ಯವಾಗಿರುತ್ತದೆ. ನೀವು ಸ್ವತಂತ್ರ ಉದ್ಯಮಿಗಳಾಗಿಯೇ ಇರಿ ಅಥವಾ ಸ್ವತಂತ್ರ ವ್ಯಕ್ತಿಗಳಾಗಿರಿ. ಆದರೆ ಸೋಶಿಯಲ್ ಸೈಟ್‌ನಲ್ಲಿ ನಿಮ್ಮ ಪ್ರಸ್ತುತತೆ ಅತಿ ಮುಖ್ಯವಾಗಿರುತ್ತದೆ.

#4

ಫೋಟೋ ತೆಗೆಯುವಾಗ ನಿಮ್ಮ ಮುಖ ಚೆನ್ನಾಗಿ ಕಾಣುವಂತೆ ಫೋಟೋ ತೆಗೆಯಿರಿ. ನಿಮ್ಮ ಮುಖ ಸ್ಪಷ್ಟವಾಗುವಂತಿರಲಿ. ಹೆಚ್ಚು ಚಿನ್ನಾಭರಣಗಳನ್ನು ಧರಿಸಿದ ಫೋಟೋ ತೆಗೆದು ಅದರ ಅಂದಗೆಡಿಸದಿರಿ. ಆದಷ್ಟ ಸರಳ ಮತ್ತು ನೈಸರ್ಗಿಕ ತನಕ್ಕೆ ಬೆಲೆ ಕೊಡಿ.

#5

ನಿಮ್ಮ ಫೋಟೋ ಈ ಅಂಶವನ್ನು ಮೀರದಂತಿರಲಿ. ಹೆಚ್ಚು ಸೆಕ್ಸಿ ಲುಕ್‌ಗಳು, ಓವರ್ ಎಕ್ಸ್‌ಪೋಸಿಂಗ್ ನಿಮ್ಮ ಫೋಟೋದಲ್ಲಿರದಂತೆ ಜಾಗ್ರತೆ ವಹಿಸಿ.

#6

ನೀವು ಹೊರಗಡೆ ಶೂಟಿಂಗ್ ಮಾಡುತ್ತಿದ್ದೀರಿ ಎಂದಾದಲ್ಲಿ, ನೇರವಾದ ಸೂರ್ಯನ ಬೆಳಕನ್ನು ಅವೋಯ್ಡ್ ಮಾಡಿ. ಇದರಿಂದ ನಿಮ್ಮ ಕಣ್ಣುಗಳು ಹಾಗೂ ಮೂಗಿನ ಮೇಲೆ ಬೆಳಕಿನ ನೆರಳು ಬೀಳಬಹುದು. ನೆರಳು ನಿಮ್ಮ ಫೋಟೋವನ್ನು ತಿಂದುಹಾಕದಂತೆ ನೋಡಿಕೊಳ್ಳಿ.

#7

ಲೆನ್ಸ್ ಅಥವಾ ಜೂಮ್ ಲೆನ್ಸ್ ಆಯ್ಕೆಯನ್ನು ಮಾಡುವ ಅವಕಾಶ ನಿಮಗೆ ಒದಗಿದ್ದರೆ, 70 ರಿಂದ 135 ಮಿಲಿಮೀಟರ್‌ಗಳಲ್ಲಿ ಫೋಕಲ್ ಲೆಂತ್ ಇರುವಂತೆ ನೋಡಿಕೊಳ್ಳಿ. ನಿಮ್ಮ ಮೊಬೈಲ್ ಫೋನ್ ನಿಮ್ಮ ಪ್ರೊಫೈಲ್ ಫೋಟೋವನ್ನು ತೆಗೆಯಲು ಉತ್ತಮ ಆಯ್ಕೆಯಲ್ಲ ಏಕೆಂದರೆ ನಿಮ್ಮ ಮುಖವನ್ನು ಫೋನ್‌ನಲ್ಲಿರುವ ಲೆನ್ಸ್ ತಿರುಚುತ್ತದೆ ಇದರಿಂದ ನಿಮ್ಮ ಪ್ರೊಫೈಲ್ ಫೋಟೋ ಆಕರ್ಷಣೆಯನ್ನು ಕಳೆದುಕೊಳ್ಳಬಹುದು.