ಜಿಯೋ ಫೀಚರ್ ಫೋನ್ ಫೋಟೋ ಲೀಕ್: ಬೆಲೆ ಏಷ್ಟು..? ಬಿಡುಗಡೆ ಎಂದು..??

ಎರಡು ಫೀಚರ್ ಫೋನ್‌ಗಳ ಬಿಡುಗಡೆ:

ಜಿಯೋ ಒಟ್ಟು ಎರಡು ಕಡಿಮೆ ಬೆಲೆಯ ಫೀಚರ್ ಫೋನ್ ಬಿಡುಗಡೆ ಮಾಡಲು ಮುಂದಾಗಿದೆ ಎನ್ನುವ ಮಾಹಿತಿಯೂ ಲಭ್ಯವಾಗಿದೆ. ಈ ಎರಡು ಫೋನ್‌ಗಳ ಫೋಟೋಗಳು ಸದ್ಯ ಲೀಕ್ ಆಗಿದ್ದು, ಹೆಚ್ಚಿನ ಗಮನವನ್ನು ಸೆಳೆಯುತ್ತಿದೆ.

LYF ಬ್ರಾಂಡ್ ನಿಂದ ಮಾರಾಟ:

ರಿಲಯನ್ಸ್ ಜಿಯೋ ಪರಿಚಯಿಸಿದ LYF ಬ್ರಾಂಡ್ ನಿಂದಲೇ ಈ ಫೋನ್ ಗಳನ್ನು ಮಾರಾಟ ಮಾಡಲಾಗುವುದು. ಈ ಎರಡು ಫೋನ್‌ಗಳನ್ನು LYF ಬ್ರಾಂಡ್ ನಡಿಯಲ್ಲಿ ಜಿಯೋ ಪರಿಚಯಿಸಲಿದೆ ಎನ್ನುವ ಮಾಹಿತಿ ದೊರೆತಿದೆ. ಎರಡು ಫೋನಿನ ಮೇಲೆ ಇದೇ ಬ್ರಾಂಡಿನ ಲೊಗೋವನ್ನು ಕಾಣಬಹುದಾಗಿದೆ.

ಸ್ಪ್ರೆಡ್ಟ್ರಾಮ್ ಚಿಪ್ ಆವೃತ್ತಿ:

ಜಿಯೋ ಎರಡು ಆವೃತ್ತಿಯ ಫೋನ್ ಬಿಡುಗಡೆ ಮಾಡುತ್ತಿದೆ. ಅದರಲ್ಲಿ ಸ್ಪ್ರೆಡ್ಟ್ರಾಮ್ ಚಿಪ್ ಆವೃತ್ತಿಯೂ ಒಂದು. ಇದರಲ್ಲಿ 2.4 ಇಂಚಿನ ಸ್ಕ್ರೀನ್ ಇದೆ. ಹಿಂಭಾಗದಲ್ಲಿ 2MP ಕ್ಯಾಮೆರಾ, ಮುಂಭಾಗದಲ್ಲಿಯೂ 2 MP ಕ್ಯಾಮೆರಾವನ್ನು ಕಾಣಬಹುದಾಗಿದೆ. ಅಲ್ಲದೇ ಇದು ವೈಫೈ ಮತ್ತು ಬ್ಲೂಟೂಟ್ ಸಫೋರ್ಟ್ ಮಾಡಲಿದೆ.

ಕ್ವಾಲ್ಕಮ್ 205 ಚಿಪ್ ಆವೃತ್ತಿ:

ಇದೇ ಮಾದರಿಯಲ್ಲಿ ಕ್ವಾಲ್ಕಮ್ 205 ಚಿಪ್ ಸೆಟ್ ಆವೃತ್ತಿಯೂ ಲಭ್ಯವಿದೆ, ಈ ಎರಡು ಫೋನಿನಲ್ಲಿ ಒಂದೇ ಮಾದರಿಯ ಆಯ್ಕೆಗಳಿರಲಿದ್ದು, ಚಿಪ್ ಸೆಟ್ ಮಾತ್ರವೇ ಬದಲಾಗಲಿದೆ. 512 MP RAM 4GB ಇಂಟರ್ನಲ್ ಮೆಮೊರಿಯನ್ನು ಕಾಣಬಹುದಾಗಿದೆ. ಅಲ್ಲದೇ ಮೊಮೊರಿ ಕಾರ್ಡ್ ಸಫೋರ್ಟ್ ಮಾಡಲಿದೆ.

ಲಾಂಚ್ ಆಫರ್:

ಈಗಾಗಲೇ LYF ಸ್ಮಾರ್ಟ್‌ಫೋನ್‌ಗಳನ್ನು ಕೊಂಡರೆ 20% ಹೆಚ್ಚು ಡೇಟಾವನ್ನು ನೀಡುವುದಾಗಿ ಜಿಯೋ ಘೋಷಣೆ ಮಾಡಿದ್ದು, ಇದೇ ಮಾದರಿಯಲ್ಲಿ ಈ ಫೀಚರ್ ಫೋನ್ ಮಾರಾಟದ ಸಂದರ್ಭದಲ್ಲಿ ಆಕರ್ಷಕ ಆಫರ್ ಗಳು ದೊರೆಯಲಿದೆ ಎನ್ನುವ ಮಾತು ಕೇಳಿ ಬಂದಿದೆ.

ಬೆಲೆ ಮತ್ತು ಲಾಂಚ್:

ಸ್ಪ್ರೆಡ್ಟ್ರಾಮ್ ಚಿಪ್ ಆವೃತ್ತಿಯ ಬೆಲೆಯೂ ಸುಮಾರು ರೂ. 1.700 ಆಗಲಿದ್ದು, ಇದೇ ಮಾದರಿಯಲ್ಲಿ ಕ್ವಾಲ್ಕಮ್ 205 ಚಿಪ್ ಹೊಂದಿರುವ ಆವೃತ್ತಿಯೂ ರೂ.1,800 ಗಳಾಗಲಿದೆ. ಈ ಫೋನ್‌ಗಳು ಜುಲೈ ಮೊದಲ ವಾರದಲ್ಲಿ ಜಿಯೋ ಲಾಂಚ್ ಮಾಡಲಿದೆ ಎನ್ನಲಾಗಿದೆ.