Related Articles
-
ರೆಡ್‌ಮಿ ನೋಟ್ 5 ಸೆಡ್ಡು ಹೊಡೆಯುವ ಭಾರತದ ಸ್ಮಾರ್ಟ್ಫೋನ್ ಬೆಲೆ ರೂ.3,999..! -
ನಷ್ಟದಲ್ಲಿದ್ದರೂ ಕ್ಯಾಷ್ ಬ್ಯಾಕ್ ಆಫರ್ ನೀಡಿದ ಐಡಿಯಾ: ಯಾಕೆ ಕೊಟ್ಟಿದ್ದು..? -
ಏರ್ಟೆಲ್ನಿಂದ 169 ರೂ.ಗೆ ಅನ್ಲಿಮಿಟೆಡ್ ಕರೆ ಮತ್ತು ಡೇಟಾ ಆಫರ್!..ಮತ್ತೆರಡು ಫೋನ್ ರಿಲೀಸ್!! -
ಜಿಯೋ ಮಣಿಸುವ ಸಲುವಾಗಿ ನಂಬಲಾದ ಬೆಲೆಗೆ ಎರಡು ಸ್ಮಾರ್ಟ್ಫೋನ್ ಬಿಡುಗಡೆ ಮಾಡಿದ ಏರ್ಟೆಲ್..! -
ಮಾರುಕಟ್ಟೆಗೆ ಬಜೆಟ್ ಬೆಲೆಯಲ್ಲಿ ಸೆಲ್ಫಿ ಕ್ಯಾಮೆರಾ ಪರಿಚಯಿಸಿದ ಕಾರ್ಬನ್ -
ಟೈಟೆನಿಯಮ್ ಜಂಬೊ ಸ್ಮಾರ್ಟ್ಫೋನ್: ಬದಲಾಯಿಸಲಿದೆ ಬಜೆಟ್ ಫೋನ್ ಇತಿಹಾಸ
ಭಾರತೀಯ ಮಾರುಕಟ್ಟೆಯಲ್ಲಿ ಗುರುತಿಸಿಕೊಂಡಿರುವ ಕಾರ್ಬನ್ ಕಂಪನಿ ಹೊಸ ವರ್ಷದ ಸಂಭ್ರಮಕ್ಕೆ ಒಟ್ಟು ನಾಲ್ಕು 4G ಸ್ಮಾರ್ಟ್‌ಪೋನುಗಳನ್ನು ಏಕಕಾಲಕ್ಕೆ ಬಿಡುಗಡೆ ಮಾಡುತ್ತಿದ್ದು, ಈ ಪೋನುಗಳು 10 ಸಾವಿರದ ಒಳಗಿನವಾಗಿವೆ. ಸಾಮಾನ್ಯರ ಕೈಗೆ ಎಟುಕುವ ಬೆಲೆಯಲ್ಲಿ ಫೋನ್ ಗಳನ್ನು ಲಾಂಚ್ ಮಾಡಲು ಕಾರ್ಬನ್ ಮುಂದಾಗಿದೆ.
ರೆಡ್‌ಮಿ ನೋಟ್ 4 ಮತ್ತು ಮೊಟೋ G4 ಪ್ಲಸ್: ಎರಡರಲ್ಲಿ ಯಾವುದು ಬೆಸ್ಟ್..!
ಕಾರ್ಬನ್ ಕಂಪನಿಯು ಈ ಬಾರಿ Aura Note 4G, K9 Smart 4G, Titanium Vista 4G, ಮತ್ತು K9 Viraat 4G ಎಂಬ ನಾಲ್ಕು 4G ಸ್ಮಾರ್ಟ್‌ಪೋನುಗಳನ್ನು ಮಾರುಕಟ್ಟೆಗೆ ಪರಿಚಯಿಸುವ ಕಾರ್ಯಕ್ಕೆ ಮುಂದಾಗಿದೆ. Aura Note 4G ಮತ್ತು Titanium Vista 4G ಪೋನುಗಳು ಕ್ರಮವಾಗಿ 6,490 ರೂ ಮತ್ತು 5,090 ರೂಗಳಿಗೆ ಲಭ್ಯವಿದ್ದರೆ, K9 Smart 4G ಮತ್ತು K9 Viraat 4G ಪೋನುಗಳು ಕ್ರಮವಾಗಿ ರೂ. 5,090 ಮತ್ತು 5,790 ರೂಗಳಾಗಿದೆ.
ಕಾರ್ಬನ್ Aura Note 4G ವಿಶೇಷತೆಗಳು: ಬೆಲೆ 6,490 ರೂ
ಆಂಡ್ರಾಯ್ಡ್ 6.0 ನಲ್ಲಿ ಕಾರ್ಯನಿರ್ವಹಿಸಲಿರುವ Aura Note 4G ಸ್ಮಾರ್‌ಪೋನಿನಲ್ಲಿ 5.5 ಇಂಚಿನ HD ಡಿಸ್‌ಪ್ಲೇ ಇದ್ದು, ಉತ್ತಮ ವಿಡಿಯೋ ವೀಕ್ಷಣೆಗೆ ಸಹಾಯಕಾರಿಯಾಗಿದೆ. ವೇಗದ ಕಾರ್ಯಚರಣೆಗಾಗಿ 1.25GHz ವೇಗದ ಕ್ವಾಡ್ ಕೋರ್ ಮಿಡಿಯಾಟೆಕ್ ಪ್ರೊಸೆಸರ್, 2GB RAM ಮತ್ತು 16BG ಇಂಟರ್ನಲ್ ಮೆಮೊರಿ ಅಳವಡಿಸಲಾಗಿದೆ. 8 MP ಹಿಂಬದಿ ಮತ್ತು 5 MP ಮುಂಬದಿ ಕ್ಯಾಮೆರಾ ಇದ್ದು, ಹಿಂಭಾಗದಲ್ಲಿ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಸಹ ಇದೆ. ಜೊತೆಗೆ 2800mAh ಸಾಮರ್ಥ್ಯದ ಬ್ಯಾಟರಿ ಇದೆ.
ಕಾರ್ಬನ್ K9 Smart 4G ವಿಶೇಷತೆಗಳು: 5,090 ರೂ
ವಿಶೇಷವಾಗಿ ಒಡೆಯದ ಪರದೆಯೊಂದಿಗೆ ಬಿಡುಗಡೆಯಾಗುತ್ತಿರುವ K9 Smart 4G ಪೋನಲ್ಲಿ ಇಂಡಸ್ OS ಬಳಸಿದ್ದು, ಇದು ಸ್ಥಳೀಯ ಭಾಷೆಗಳಲ್ಲಿ ಧ್ವನಿ ಹುಡುಕುವಿಕೆಗೆ ಸಹಾಯಕಾರಿಯಾಗಿದೆ ಎಂದು ಕಂಪನಿ ತಿಳಿಸಿದೆ. ಈ ಪೋನಿನಲ್ಲಿ 5 ಇಂಚಿನ ಡಿಸ್‌ಪ್ಲೇ, 1.25GHz ವೇಗದ ಕ್ವಾಡ್ ಕೋರ್ ಮಿಡಿಯಾಟೆಕ್ ಪ್ರೊಸೆಸರ್, 1GB RAM, ಎರಡು ಬದಿಯಲ್ಲೂ 5 MP ಕ್ಯಾಮೆರಾ ಇದ್ದು ಎರಡು ಬಣ್ಣಗಳಲ್ಲಿ ಲಭ್ಯವಿದೆ.
ಕಾರ್ಬನ್ Titanium Vista 4G ವಿಶೇಷತೆಗಳು: 5,090 ರೂ.
5 ಇಂಚಿನ HD ಡಿಸ್‌ಪ್ಲೇ ಹೊಂದಿರುವ ಕಾರ್ಬನ್ Titanium Vista 4G ಸ್ಮಾರ್ಟ್‌ಪೋನಿನಲ್ಲಿ 1.3 GHz ವೇಗದ ಕ್ವಾಡ್ ಕೋರ್ ಮಿಡಿಯಾಟೆಕ್ ಪ್ರೊಸೆಸರ್, 1GB RAM ಮತ್ತು 8GB ಆಂತರಿಕ ಮೆಮೊರಿ ಇದೆ. ಬಿಳಿ ಮತ್ತು ಕಪ್ಪು ಬಣ್ಣದಲ್ಲಿ ಈ ಪೋನ್ ಲಭ್ಯವಿದ್ದು, ಹಲವು ಜನಪ್ರಿಯ ಆಪ್ ಗಳು ಒಂದೇ ಟಿಪ್ ನಲ್ಲಿ ಈ ಪೋನಿನಲ್ಲಿ ದೊರೆಯಲಿವೆ.
ಕಾರ್ಬನ್ K9 Viraat 4G ವಿಶೇಷತೆಗಳು: 5,790 ರೂ.
K9 Viraat 4G ಪೋನಿನಲ್ಲಿ 5.5 ಇಂಚಿನ HD ಡಿಸ್‌ಪ್ಲೇ ಇದೆ. 1.3GHz ವೇಗದ ಕ್ವಾಡ್ ಕೋರ್ ಮಿಡಿಯಾಟೆಕ್ ಪ್ರೊಸೆಸರ್, 8 MP ಹಿಂಬದಿ ಮತ್ತು 5 MP ಮುಂಬದಿ ಕ್ಯಾಮೆರಾ ಮತ್ತು 800mAh ಸಾಮರ್ಥ್ಯದ ಬ್ಯಾಟರಿ ಹೊಂದಿದೆ. ಎರಡು ಬಣ್ಣದಲ್ಲಿ ಲಭ್ಯವಿದೆ.
