ಎಪ್ರಿಲ್ 28ಕ್ಕೆ ನೋಕಿಯಾ 3310 ರೀಲಿಸ್: ಪ್ರೀ ಬುಕಿಂಗ್ ಆರಂಭ, ಬೆಲೆ ಎಷ್ಟು..?

ನೋಕಿಯಾ 3310 ರೀಲಿಸ್:

ಈ ಹಿಂದೆಯೇ ಹೇಳಿದಂತೆ ಮೊದಲು ಮಾರುಕಟ್ಟಗೆ ಬರುವುದು ನೋಕಿಯಾ 3310. ಈ ಹಿಂದೆ ಚೀನಾ ಮಾರುಕಟ್ಟೆಯಲ್ಲಿ ನೋಕಿಯಾ 6 ಕಾಣಿಸಿಕೊಂಡಿತ್ತು. ಆದರೆ ಇದೇ ಮೊದಲ ಬಾರಿಗೆ ನೋಕಿಯಾ ಲಾಂಚ್ ಮಾಡಿರುವ ಫೀಚರ್ ಫೋನ್ ಮಾರುಕಟ್ಟೆಗೆ ಬಿಡುಗಡೆಯಾಗುತ್ತಿದೆ. ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.

ಪ್ರೀ ಬುಕಿಂಗ್ ಆರಂಭ:

ಈಗಾಗಲೇ ಜರ್ಮನ್ ಮತ್ತು ಆಸ್ಟ್ರೀಯ ಮಾರುಕಟ್ಟೆಯಲ್ಲಿ ನೋಕಿಯಾ 3310 ಕಾಣಿಸಿಕೊಂಡಿದ್ದು, ಈಗಾಗಲೇ ಪ್ರೀ ಬುಂಕಿಂಗ್ ಆರಂಭವಾಗಿದೆ ಎನ್ನಲಾಗಿದೆ. ಈ ಹಿಂದೆ ಚೀನಾ ಮಾರುಕಟ್ಟೆಯಲ್ಲಿ ಅನುಸರಿಸಿದ ರೀತಿಯನ್ನೇ ನೋಕಿಯಾ ಇಲ್ಲಿಯೂ ಬಳಕೆ ಮಾಡಿಕೊಳ್ಳುತ್ತಿದೆ.

ಆನ್‌ಲೈನಿನಲ್ಲಿ ಮಾರಾಟ:

ನೋಕಿಯಾ ಈ ಹಿಂದಿನಂತೆ ಮೊದಲು ಸಾಮಾನ್ಯ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳುವ ಬದಲು ಮೊದಲು ಆನ್‌ಲೈನಿನಲ್ಲಿ ಮಾರಾಟ ಆರಂಭಿಸಲಿದೆ. ಇದು ಹೆಚ್ಚಿನ ಜನರನ್ನು ತಲುಪುವುದಲ್ಲದೇ ಇದರಿಂದ ನೋಕಿಯಾ ಖ್ಯಾತಿಯೂ ಹೆಚ್ಚಲಿದೆ. ಇದು ನೋಕಿಯಾ ಮಾರ್ಕೆಟಿಂಗ್ ತಂತ್ರ ಎಂದೇ ಹೇಳಬಹುದು.

ನೋಕಿಯಾ 3310 ಬೆಲೆ:

ನೋಕಿಯಾ 3310 ಜರ್ಮನ್ ಮತ್ತು ಆಸ್ಟ್ರೀಯ ಮಾರುಕಟ್ಟೆಯಲ್ಲಿ EUR 49 (ರೂ.3,400)ಕ್ಕೆ ಮಾರಾಟವಾಗಲಿದೆ ಎನ್ನಲಾಗಿದೆ. ಆದರೆ ಭಾರತೀಯ ಮಾರುಕಟ್ಟಗೆ ಬಂದರೆ ಈ ಫೋನಿನ ಬೆಲೆ ಕಡಿಮೆ ಆಗುವ ಸಾಧ್ಯತೆ ಇದೇ ಎನ್ನಲಾಗಿದೆ.