ಜಿಯೋ ಆಧಾರ್ ಲೀಕ್ ಆಗಿದ್ದು ನಿಜ: ಬಂಧಿತನಿಂದ ಹೊರ ಬಿತ್ತು ಭಾರಿ ಸತ್ಯ..!!

ರಾಜಸ್ಥಾನ ಮೂಲದ ವ್ಯಕ್ತಿಯ ಬಂಧನ:

ರಿಲಯನ್ಸ್ ಜಿಯೋದಿಂದ ಆಧಾರ್ ಮಾಹಿತಿಗಳಿಗೆ ಕನ್ನ ಹಾಕಿದ್ದ ವ್ಯಕ್ತಿಯೊಬ್ಬನ್ನು ಪೊಲೀಸರು ಬಂಧಿಸಿದ್ದಾರೆ. ರಾಜಸ್ಥಾನ ಮೂಲದ ಇಮ್ರಾನ್ ಚಿಂಪಾ ಬಂಧಿತ ಆರೋಪಿಯಾಗಿದ್ದು, ಈತ ಜಿಯೋ ಮಾಹಿತಿಗಳನ್ನು ಸಂಗ್ರಹಿಸಿ ವೈಬ್ ಸೈಟ್ವೊಂದರಲ್ಲಿ ಲೀಕ್ ಮಾಡಿದ್ದ ಎನ್ನಲಾಗಿದೆ.

ಬಂಧಿತ ಪ್ರಳಯಾಂತಕ ಟೆಕ್ಕಿ:

ಜಿಯೋ ದಿಂದ ಮಾಹಿತಿಯನ್ನು ಲಪಟಾಯಿಸಿದ್ದ ವ್ಯಕ್ತಿಯೂ 24 ವರ್ಷದವನಾಗಿದ್ದು, ಟೆಕ್ನಾಲಜಿ ವಿಷಯದಲ್ಲಿ ಪರಿಣಿತಿಯನ್ನ ಪಡೆದುಕೊಂಡಿದ್ದ ಎಂದು ಫೆನಾಷಿಯಲ್ ಎಕ್ಸ್‌ಪ್ರೆಸ್ ವರದಿ ಮಾಡಿದೆ.

ತನ್ನದೇ ಸರ್ಚ್ ಇಂಜಿನ್ ನಿರ್ಮಾಣಕ್ಕಾಗಿ ಈ ಕಾರ್ಯ:

ಬಂಧಿತ ಟೆಕ್ಕಿಯನ್ನು ಮಹಾರಾಷ್ಟ್ರದಲ್ಲಿ ವಿಚಾರಣೆಗೆ ಗುರಿಪಡಿಸಲಾಗಿದ್ದು, ಈ ವೇಳೆಯಲ್ಲಿ ಆತ ತನ್ನೇ ಸರ್ಚ್ ಇಂಜಿನ್ ಆರಂಭಿಸಬೇಕು ಎನ್ನುವ ಕಾರಣಕ್ಕೆ ಈ ಕಾರ್ಯಕ್ಕೆ ಕೈ ಹಾಕಿದ್ದಾಗಿ ಬಾಯಿಬಿಟ್ಟಿದ್ದಾನೆ.

ಇನ್ನು ಪ್ಲಾನ್ ಇತ್ತು:

ಇದಲ್ಲದೇ ಎಲ್ಲಾ ಟೆಲಿಕಾಂ ಕಂಪನಿಗಳ ಗ್ರಾಹಕರ ಮಾಹಿತಿಯನ್ನು ಕದಿಯುವ ಪ್ರಯತ್ನಕ್ಕೆ ಈತ ಮುಂದಾಗಲು ಯೋಜನೆಯನ್ನು ರೂಪಿಸಿದ್ದ ಎನ್ನಲಾಗಿದೆ. ಅಷ್ಟರಲ್ಲಿ ಮಹಾರಾಷ್ಟ್ರ ಸೈಬರ್ ಪೊಲೀಸರ ಬಲೆಗೆ ಬಿದ್ದಿದ್ದಾನೆ.

ಯಾವ ಮಾಹಿತಿ ಲೀಕ್ ಆಗಿತ್ತು:

ಜಿಯೋ ಫೋನ್ ನಂಬರ್ ನಿಂದ ಹಿಡಿದು ನಿಮ್ಮ ಮೊದಲನೆ ಹೆಸರು, ಕೊನೆಯ ಹೆಸರು, ವಿಳಾಸಗಳು ಲೀಕ್ ಆಗಿತ್ತು. ಆದರೆ ಕೆಲವು ಗಂಟೆಗಳಲ್ಲೇ ವೈಬ್ ಸೈಟನ್ನು ಬಂದ್ ಮಾಡಲಾಗಿತ್ತು.