1.02 ಲಕ್ಷ ಬೆಲೆಯ ಐಫೋನ್ X ಇಲ್ಲಿ ಕೇವಲ ರೂ.6500ಕ್ಕೆ ಲಭ್ಯ

ಈಗಾಗಲೇ ಐಪೋನ್ X ಬೆಲೆಯೂ ದುಬಾರಿ ಆಗಿದೆ ಎನ್ನುವ ಮಾತು ಕೇಳಿ ಬರುತ್ತಿದೆ. ಇದರ ಬೆಲೆಯೂ ಭಾರತೀಯ ಮಾರುಕಟ್ಟೆಯಲ್ಲಿ ರೂ.1.02 ಲಕ್ಷದ ವರೆಗೂ ಇರುವ ಸಾಧ್ಯತೆ ಇದೆ.

By Srinidhi

Updated: Saturday, September 16, 2017, 12:24 [IST]

ಜಾಗತೀಕ ಮಾರುಕಟ್ಟೆಯಲ್ಲಿ ಯಾವುದೇ ಫೋನ್ ಲಾಂಚ್ ಆದರೂ ಅದರ ನಕಲು ತಯಾರು ಮಾಡುವ ಚೀನಿರು ಈ ಬಾರಿ ಸದ್ದು ಮಾಡುತ್ತಿರುವ ಐಫೋನ್ X ಅನ್ನು ನೀವು ಊಹಿಸಲಾಗದ ಬೆಲೆಗೆ ನೀಡಲು ಮುಂದಾಗಿದ್ದಾರೆ.

1.02 ಲಕ್ಷ ಬೆಲೆಯ ಐಫೋನ್ X ಇಲ್ಲಿ ಕೇವಲ ರೂ.6500ಕ್ಕೆ ಲಭ್ಯ

ಓದಿರಿ: ಭಾರತದಲ್ಲಿ ಐಫೋನ್ X ಬೆಲೆ ರೂ. 1.02 ಲಕ್ಷ: ಅಮೇರಿಕಾಕ್ಕಿಂತ ಶೇ.39 ಅಧಿಕ ಯಾಕೆ ಹೀಗೆ?

ಈಗಾಗಲೇ ಐಪೋನ್ X ಬೆಲೆಯೂ ದುಬಾರಿ ಆಗಿದೆ ಎನ್ನುವ ಮಾತು ಕೇಳಿ ಬರುತ್ತಿದೆ. ಇದರ ಬೆಲೆಯೂ ಭಾರತೀಯ ಮಾರುಕಟ್ಟೆಯಲ್ಲಿ ರೂ. 1.02 ಲಕ್ಷದ ವರೆಗೂ ಇರುವ ಸಾಧ್ಯತೆ ಇದೆ. ಈ ಫೋನ್ ಕೊಳ್ಳಲು ಸಾಧ್ಯವಿಲ್ಲದವರಿಗೆ ಚೀನಾ ಕಂಪನಿಯೂ ಕ್ಲೋನ್ ಐಫೋನ್ X ಅನ್ನು ನೀಡಲು ಮುಂದಾಗಿದೆ.

ರೂ.6,500ಕ್ಕೆ ಲಭ್ಯ:

ಈಗಾಗಲೇ ಜಾಗತೀಕ ಮೊಬೈಲ್ ಮಾರುಕಟ್ಟೆಯಲ್ಲಿ ಹೊಸ ಅಲೆಯನ್ನು ಎಬ್ಬಿಸಿರುವ ಐಫೋನ್ X ಮಾದರಿಯ ಚೀನಾ ಫೋನ್ ರೂ. 6,500ಕ್ಕೆ ಲಭ್ಯವಿದ್ದು, ಓರ್ಜಿನಲ್ ಫೋನ್ ಬೆಲೆಯ ಸಣ್ಣ ತುಣಕಾಗಿದೆ. ಚೀನಾ ಕಂಪನಿ ತನ್ನ ನಕಲು ಫೋನ್‌ಗೆ ಗೋ ಫೋನ್ ಎಂದು ನಾಮಕರಣ ಮಾಡಿದೆ.

ವಿನ್ಯಾಸ ಹಾಗೇ ಇದೆ:

ಐಫೋನ್ ಮಾದರಿಯಲ್ಲೇ ವಿನ್ಯಾಸವನ್ನು ಹೊಂದಿದೆ. ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾವನ್ನು ಹೊಂದಿದೆ. ಅಲ್ಲದೇ ನೋಡಲು ಸಹ ಹಾಗೇ ಕಾಣಿಸಿಕೊಂಡಿದೆ. ಬಣ್ಣ ಮಾತ್ರ ವ್ಯತ್ಯಾಸವಾಗಿದೆ ಇದು ಗೊಲ್ಡನ್ ಬಣ್ಣದಲ್ಲಿ ದೊರೆಯುತ್ತಿದೆ.

ಗೊಪೋನ್ X ವಿಶೇಷತೆ:

ಗೊಪೋನ್ X ಆಂಡ್ರಾಯ್ಡ್ ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಇದು 5.5-ಅಂಗುಲ ಎಡ್ಜ್-ಟು-ಎಡ್ಜ್ ವಿನ್ಯಾಸ ಹೊಂದಿದೆ. ಮೀಡಿಯಾ ಟೆಕ್ ಎಂಟಿಕೆ 6580 ಪ್ರೋಸೆಸರ್ ಜೊತೆಗೆ 1 GB RAM, 16 GB ಆಂತರಿಕ ಮೆಮೊರಿ ಮತ್ತು 720x1280 HD ಡಿಸ್ಪ್ಲೇ ಅನ್ನು ಒಳಗೊಂಡಿದೆ.