ಈಗ ಪ್ರಪಂಚದಲ್ಲಿ ಸ್ಮಾರ್ಟ್‍ಫೋನ್ ಬ್ಯಾಟರಿ ತಂತ್ರಜ್ಞಾನದಲ್ಲಿ ಮತ್ತೊಂದು ಕ್ರಾಂತಿ ಬೇಕಾಗಿದೆ

ಕಳೆದ 15 ವರ್ಷಗಳಲ್ಲಿ ಹೇಳಿಕೊಳ್ಳುವಂತಹ ಸುಧಾರಣೆಯಿಲ್ಲಾ

ಲಿಥಿಯಮ್ ಐಯೊನ್ ಬ್ಯಾಟರಿ ತಂತ್ರಜ್ಞಾನ ಈಗಾಗಲೆ ಸುಮಾರು 3 ದಶಕಗಳಷ್ಟು ಹಿಂದಿನದು. ಮೊದಲ ಬ್ಯಾಟರಿ 1991 ರಲ್ಲಿ ಸೋನಿ ಮತ್ತು ಆಸಾಹಿ ಕಸೈ ನಿಂದ ಬಿಡುಗಡೆಗೊಂಡಿತ್ತು. ಅಂದಿನಿಂದ ಇಂದಿನವರೆಗೆ ಸ್ಮಾರ್ಟ್‍ಫೋನ್ ಅಥವಾ ಲ್ಯಾಪ್‍ಟಾಪ್ ನಲ್ಲಿ ಉಪಯೋಗಿಸುತ್ತಿರುವ ಲೀಥಿಯಮ್ ಐಯೊನ್ ತಂತ್ರಜ್ಞಾನ ಸರಿಸುಮಾರು ಅದೇ ಆಗಿದೆ.

ಸ್ಮಾರ್ಟ್‍ಫೋನಿನಲ್ಲಿ ಕ್ರಾಂತಿ ಮೂಡಿದೆ

ಕಳೆದ 5 ರಿಂದ 6 ವರ್ಷಗಳಲ್ಲಿ ಮೊಬೈಲ್ ಕ್ಷೇತ್ರದಲ್ಲಿ ಬಹಳಷ್ಟು ಸುಧಾರಣೆಯಾಗಿದೆ. ಹಸ್ತದಷ್ಟು ಚಿಕ್ಕ ಗಣಕಯಂತ್ರ ವೇಗದ ಪ್ರೊಸೆಸರ್, ಜಿಪಿಯು, ಹೆಚ್ಚಿನ ರ್ಯಾಮ್ ಮತ್ತು ಶಕ್ತಿಯುತ ಸೆನ್ಸರ್ಸ್ ಅನ್ನು ಒಳಗೊಂಡಿದೆ. ಇವೆಲ್ಲದಕ್ಕೂ ಒಳ್ಳೆ ರೀತಿಯ ಶಕ್ತಿಬೇಕು ನಿರಂತರವಾಗಿ ಸುಲಲಿತವಾಗಿ ಕಾರ್ಯನಿರ್ವಹಿಸಲು. ಮೊಬೈಲ್ ಗೆ ಹೋಲಿಸಿದರೆ ಬ್ಯಾಟರಿ ತಂತ್ರಜ್ಞಾನ ಇನ್ನೂ ಅದೇ ಇದೆ. ಅದನ್ನು ಬದಲಾಯಿಸ ಬೇಕಾಗಿದೆ ಸ್ಮಾರ್ಟ್‍ಫೋನ್ ತಂತ್ರಜ್ಞಾನವನ್ನು ಸರಿದೂಗಿಸಲು.

ಎದುರಿಸುತ್ತಿರುವ ಸಮಸ್ಯೆ

ಸ್ಮಾರ್ಟ್‍ಫೋನ್ ತಯಾರಕರಲ್ಲಿ ದಿನದಿಂದ ದಿನಕ್ಕೆ ಸ್ಪರ್ಧೆ ಹೆಚ್ಚುತ್ತಿದೆ. ಬೇರೆ ಫೀಚರ್ ಗಳೊಂದಿಗೆ ಸಂಧಾನ ಮಾಡಿಕೊಳ್ಳದೆ ದೊಡ್ಡ ಗಾತ್ರದ ಬ್ಯಾಟರಿಯನ್ನು ಮೊಬೈಲ್ ನಲ್ಲಿ ಸೇರ್ಪಡಿಸುವುದು ಚಿಂತಿಸುವ ವಿಷಯ. ಅದಕ್ಕೆ ಪರಿಹಾರ ಡೆನ್ಸರ್ ಲೀಥಿಯಮ್ ಐಯೊನ್ ಬ್ಯಾಟರಿ ಯುನಿಟ್ಸ್, ಬೆಂಕಿ ತಾಗುತ್ತಿರಲು ಮುಖ್ಯ ಕಾರಣವು ಕೂಡ ಇದೇ ಆಗಿದೆ. ಪ್ರಶ್ಶರ್ ಸೆನ್ಸಿಟಿವಿಟಿಯಿಂದಾಗಿ ಹೈ ಡೆನ್ಸಿಟಿ ಬ್ಯಾಟರಿಯಿಂದ ಹೊರ ಬೀಳುವ ಉಷ್ಣತೆ, ಫುಲ್ ಎಚ್‍ಡಿ, 2ಕೆ ಮತ್ತು 4ಕೆ ಮತ್ತು ಮಲ್ಟಿಕೋರ್ ಸಿಪಿಯು ಗಳಿಂದಾಗುವ ಲೋಡ್ ಅನ್ನು ಸಂಭಾಳಿಸುವಾಗ ವಿಪರೀತ ಸಂದರ್ಭಗಳಲ್ಲಿ ಸ್ಪೋಟಗೊಳ್ಳುತ್ತವೆ. ಅದೇ ಆಗಿದ್ದು ಸ್ಯಾಮ್ಸಂಗ್ ಗೆಲಾಕ್ಸಿ ನೋಟ್ 7 ವಿಷಯದಲ್ಲಿ.

ಓದಿರಿ:ವೊಡಾಫೋನ್ 4G, ಜಿಯೋ 4G ಗಿಂತ ವೇಗ: 'ವೊಡಾಫೋನ್ 4G'ಗೆ ಅಪ್‌ಗ್ರೇಡ್ ಹೇಗೆ?

ಬೇರೆ ದಾರಿಗಳು

ಹೆಚ್ಚಿನ ಹಣವನ್ನು ಬ್ಯಾಟರಿ ತಂತ್ರಜ್ಞಾನದಲ್ಲಿ ಕ್ರಾಂತಿ ತರಲು ಉಪಯೋಗಿಸಿ ಲಿಥಿಯಮ್ ಐಯೊನ್ ನ ಮುಂದಿನ ಪೀಳಿಗೆಯನ್ನು ನೀಡಬೇಕು. ವರದಿ ಪ್ರಕಾರ ಕೇಂಬ್ರಿಜ್ ವಿಶ್ವವಿದ್ಯಾನಿಲಯ ದವರು ಲಿಥಿಯಮ್ ಏರ್ ಬ್ಯಾಟರಿಯನ್ನು ಲಿಥಿಯಮ್ ಐಯೊನ್ ಬ್ಯಾಟರಿಗಳಿಗೆ ಬೇರೆ ಪರಿಹಾರವಾಗಿ ಹುಡುಕಿದ್ದಾರೆ. ಅವರ ಪರೀಕ್ಷೆಗಳ ಪ್ರಕಾರ ಈಗಿನ ಬ್ಯಾಟರಿಗಳಿಗಿಂತ 10 ಪಟ್ಟು ಜಾಸ್ತಿ ಸಾಮಥ್ರ್ಯ ಹೊಂದಿದೆ.

ಅದರೊಂದಿಗೆ ಇಲ್ಲಿನೊಸ್ ನ ಅರ್ಗೊನ್ ನ್ಯಾಶನಲ್ ಲ್ಯಾಬೊರೆಟರಿ ಯ ಸಂಶೋಧಕರು ಕೂಡ ಹೊಸ ಬ್ಯಾಟರಿ ಕಂಡುಹಿಡಿದಿರುವುದಾಗಿ ಹೇಳಿದ್ದಾರೆ, ಅದರ ಹೆಸರು ಲಿಥಿಯಮ್ ಸುಪರೊಕ್ಸೈಡ್ ಬ್ಯಾಟರಿ. ಈಗಿನ ಸಧ್ಯದ ಬ್ಯಾಟರಿಗಳ ಬಹಳಷ್ಟು ಸಮಸ್ಯೆಗಳನ್ನು ನಿವಾರಿಸುವುದಾಗಿ ಹೇಳುತ್ತಿದ್ದಾರೆ. ಜನ ಬಳಕೆಗೆ ಬರಲು ಇನ್ನೂ 10 ವರ್ಷ ಹಿಡಿಯಬಹುದು.

ಬಳಕೆದಾರರು ಕಡೆ ಪಕ್ಷವಾಗಿ ಏನು ಮಾಡಬಹುದು

ಸ್ಮಾರ್ಟ್‍ಫೋನ್‍ಗಳು ನಮ್ಮ ಜೀವನದ ಅಂಗವಾಗಿರುವುದರಿಂದ ಅದನ್ನು ಕಡೆಗಣಿಸಲಾಗುವುದಿಲ್ಲಾ. ನಾವು ಏನಿಲ್ಲದಿದ್ದರೂ ಬ್ಯಾಟರಿ ವಿಪರೀತ ಸ್ಥಿತಿಗೆ ಹೋಗದಂತೆ ನೋಡಕೊಳ್ಳಬೇಕು. ಚಾರ್ಜ್ ಮಾಡುವಾಗ, ಕಾರ್ ಚಲಾಯಿಸುವಾಗ ಉಪಯೋಗಿಸುವುದನ್ನು ಕಡಿಮೆ ಮಾಡಬೇಕು ಮತ್ತು ನಕಲಿ ಕಾರ್ ಚಾರ್ಜರ್ ಗಳನ್ನು ಉಪಯೋಗಿಸಬಾರದು, ಸೂರ್ಯನ ಬೆಳಕಿಂದ ದೂರವಿಡಬೇಕು ಅಥವಾ ಉಷ್ಣತೆಯಿಂದ, ತುಂಬಾ ಹೊತ್ತು ಚಾರ್ಜ್ ಇಡುವುದನ್ನು ತಪ್ಪಿಸಿ, ಅಸಲಿ ಚಾರ್ಜರ್ ಗಳನ್ನು ಮಾತ್ರ ಉಪಯೋಗಿಸಿ ಇತ್ಯಾದಿ.

ಹೊಸ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ