ಕೇವಲ 17 ನಿಮಿಷದಲ್ಲಿ ಸ್ಮಾರ್ಟ್‌ಫೋನ್ ಬ್ಯಾಟರಿ ಫುಲ್!..ಶಿಯೋಮಿಯ ಅಚ್ಚರಿಯ ನಡೆ!

100W ಪವರ್

4,000 mAh ಸಾಮರ್ಥ್ಯದ ಬ್ಯಾಟರಿ ಕೇಲವ 17 ನಿಮಿಷಗಳಲ್ಲಿ ಸಂಪೂರ್ಣ ಚಾರ್ಜ್ ಆಗುವ ಡೆಮೊ ವಿಡಿಯೊ ಒಂದನ್ನು ಶಿಯೋಮಿಯ ಕಂಪನಿಯ ಉಪ ಉತ್ಪನ್ನಗಳು ಜನರಲ್ ಮ್ಯಾನೇಜರ್ ಮಿ. ಲಿ ವಿಬಿಂಗ್ ಅವರು ತಮ್ಮ Weibo ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. 100W ಶಕ್ತಿಯ ಈ ಚಾರ್ಜರ್‌ 20V/5A ಸಾಮರ್ಥ್ಯದಲ್ಲಿ ಶಿಯೋಮಿ ಸ್ಮಾರ್ಟ್‌ಫೋನ್‌ಗಳಿಗೆ ಬಲ ತುಂಬಲಿದೆ ಎಂದು ಹೇಳಲಾಗಿದೆ.

ಪೈಪೋಟಿ

ಈಗಾಗಲೇ ಒನ್‌ಪ್ಲಸ್‌ ಕಂಪನಿ ಡ್ಯಾಶ್ ಚಾರ್ಜಂಗ್ ತಂತ್ರಜ್ಞಾನ, ಮೊಟೊರೊಲಾ ಸಂಸ್ಥೆ ಟರ್ಬೊಚಾರ್ಜಿಂಗ್ ತಂತ್ರಜ್ಞಾನವನ್ನು ಮತ್ತು ಒಪ್ಪೊ ಕಂಪನಿ ಸೂಪರ್‌ VOOC ಚಾರ್ಜಿಂಗ್ ತಂತ್ರಜ್ಞಾನವನ್ನು ತಮ್ಮ ಸ್ಮಾರ್ಟ್‌ಫೋನ್‌ಗಳಿಗೆ ಒದಗಿಸಿವೆ. ಹಾಗೇ ಹುವಾಯಿ 55W ಸೂಪರ್‌ ಚಾರ್ಜ್ ಮೇಟ್‌ ಎಕ್ಸ್ ಸ್ಮಾರ್ಟ್‌ಫೋನ್‌ಗೆ 35ನಿಮಿಷದಲ್ಲಿ ಬ್ಯಾಟರಿ ಪೂರ್ಣ ಮಾಡುವ ಶಕ್ತಿ ಹೊಂದಿದ್ದು, ಇವುಗಳಿಗೆ ಶಿಯೋಮಿ ಪೈಪೋಟಿ ನೀಡಲಿದೆ.

ಯಾವಾಗ ಲಭ್ಯ

ಶಿಯೋಮಿ '100W ಸೂಪರ್‌ ಚಾರ್ಜ್ ಟರ್ಬೋ' ತಂತ್ರಜ್ಞಾನ ಮುಂಬರಲಿರುವ ಶಿಯೋಮಿ ರೆಡ್ಮಿ ಸ್ಮಾರ್ಟ್‌ಫೋನ್‌ಗಳೊಂದಿಗೆ ಚಾರ್ಜರ್‌ ಅನ್ನು ಒದಗಿಸಬಹುದು ಎಂದು ಹೇಳಲಾಗುತ್ತಿದ್ದು, ಆದರೆ ಕಂಪನಿಯು ಇನ್ನೂ ಅಧಿಕೃತವಾಗಿ ಮಾಹಿತಿ ಹೊರಹಾಕಿಲ್ಲ. ಈ ಹೊಸ ಫಾಸ್ಟ್ ಟೆಕ್ನಾಲಜಿಯಲ್ಲಿ ಚಾರ್ಜರ್‌ ಬಿಸಿ ಆಗಬಹುದೇ ಮತ್ತು ಹೇಗೆ ಕಾರ್ಯನಿರ್ವಹಿಸಲಿದೆ ಎಂಬುದನ್ನು ಕಾದು ನೋಡಬೇಕು.