ಈ ಹೊಸ ಬ್ಯಾನಿಶ್ ಹೋಮ್ ಥಿಯೇಟರ್ ಸೂಪರ್ ಕಣ್ರೀ!

ಹೊಸ ಕಂಪೆನಿ ಬೆಲ್ಕಿನ್ ಈಗ ಬ್ಯಾನಿಶ್ ಹೋಮ್ ಥಿಯೇಟರ್ ಬಿಡುಗಡೆಗೆ ಮುಂದಾಗಿದೆ. ಈ ಬೆಲ್ಕಿನ್ ಕಂಪೆನಿ 1983 ರಲ್ಲಿ ಅಮೆರಿಕಾದ ಕ್ಯಾಲಿಪೋರ್ನಿಯಾದಲ್ಲಿ "ಬೆಲ್ಕಿನ್ ಇಂಟರ್ ನ್ಯಾಶನಲ್ ಇಂಕ್ ಎಂಬ ಹೆಸರಿನಲ್ಲಿ ಸ್ಥಾಪಿಸಲ್ಪಟ್ಟಿದೆ. ಇದರಲ್ಲಿ ಸಾಕಷ್ಟು ಉನ್ನತ ದರ್ಜೆಯ ಕನೆಕ್ಟಿವಿಟಿ ಸಲ್ಯೂಷನ್ಸ್ ಗಳನ್ನು ಬಿಡುಗಡೆ ಮಾಡಲಾಗಿದೆ.

ಕಳೆದ 25 ವರ್ಷಗಳ ಅವಧಿಯಲ್ಲಿ ಈ ಕಂಪೆನಿ ಸಾಕಷ್ಟು ಡಿಜಿಟಲ್ ಮತ್ತು ಇಲೆಕ್ಟ್ರಾನಿಕ್ಸ್ ವಸ್ತುಗಳನ್ನು ತಯಾರಿಸುವ ಮೂಲಕ ಈ ಕ್ಷೇತ್ರಕ್ಕೆ ಗಣನೀಯ ಸೇವೆ ಸಲ್ಲಿಸಿದೆ. ಮನೆ ಹಾಗೂ ಕಾರುಗಳಲ್ಲಿ ಬಳಸಬಹುದಾದ ಈ ಹೋಮ್ ಥಿಯೇಟರ್ ಗಳು ಯಾವುದೇ ಸಮಸ್ಯೆ ಇಲ್ಲದೇ HDTV ಮೂಲಕ ಬಳಸಬಹುದಾಗಿದೆ.

ವೈರ್ ಲೆಸ್ ಕನೆಕ್ಷನ್ ಸೌಲಭ್ಯವೂ ಇರುವ ಇದು HDMI ಹಾಗೂ AV4 ಹೊಂದಿದೆ. ಈ ಎಲ್ಲ ಆಧುನಿಕ ಸೌಲಭ್ಯಗಳನ್ನು ಹೊಂದಿರುವ ಈ ಹೊಸ ಹೋಮ್ ಥಿಯೇಟರ್ 100 ಅಡಿ ಅಂತರದಲ್ಲಿದ್ದರೂ ವೈರ್ ಇಲ್ಲದೇ ಸಂಪರ್ಕ ಹೊಂದುತ್ತದೆ. ಇದರ ಜೊತೆ ಈ ಸಾಧನದಲ್ಲಿರುವ 3D ವಿಡಿಯೋ ಹಾಗೂ 5.1 ಚಾನಲ್ ಗ್ರಾಹಕರಿಗೆ ಸಾಕಷ್ಟು ಉಪಯೋಗವಾಗಲಿದೆ.

ಸ್ಕ್ರೀನ್ ಕಾಸ್ಟ್ AV 4 ಗ್ರಾಹಕರಿಗೆ ಒಳ್ಳೆಯ ಆಯ್ಕೆ ಆಗಿದೆ. ಸದ್ಯಕ್ಕೆ ಇದರ ಬೆಲೆ ನಿಗದಿಯಾಗಿಲ್ಲ. ಆಕರ್ಷಕ ಬೆಲೆಯಲ್ಲಿ ದೊರೆಯುವ ನಿರೀಕ್ಷೆ ಇದೆ. ಹಾಗೇ ಆದರೆ ಇದು ಸಾಕಷ್ಟು ಮಾರಾಟ ಆಗುವುದರಲ್ಲಿ ಸಂದೇಹವೇ ಇಲ್ಲ.