ಐಹಾಗ್ ಸ್ಪೀಕರ್ ಸೌಂದರ್ಯ ಹಾಗೂ ವಿಶಿಷ್ಠತೆಯ ಸಂಗಮ

By Super

Updated: Thursday, September 29, 2011, 11:52 [IST]

ಐಹಾಗ್ ಸ್ಪೀಕರ್ ಸೌಂದರ್ಯ ಹಾಗೂ ವಿಶಿಷ್ಠತೆಯ ಸಂಗಮ

ಪ್ರಸಕ್ತ ಲಭ್ಯವಿರುವ ಐಪೋಡ್ ಡಾಕಿಂಗ್ ಸ್ಟೇಶನ್ ಒಳ್ಳೆ ಪ್ರತಿಕ್ರಿಯೆ ಪಡೆಯುತ್ತಿದೆ. ಈಗ ಐಪೋಡ್ ಡಾಕಿಂಗ್ ಸ್ಟೇಶನ್ನನ್ನು ಐಪೋಡ್ ನಿಂದ ಹೊರತಂದು ಇನ್ನೂ ಹೆಚ್ಚು ಜನಪ್ರಿಯ ಗೊಳಿಸುವ ಕಾರ್ಯದಲ್ಲಿ ಸಾಕಷ್ಟು ಉತ್ಪಾದನಾದಾರರು ನಿರತರಾಗಿದ್ದಾರೆ. ಸಾಕಷ್ಟು ಅಳತೆ ಹಾಗೂ ಆಕಾರಗಳಲ್ಲಿ ಲಭ್ಯವಿರುವ ಇವು ಪ್ರತಿವರ್ಷ ಉತ್ಪಾದನೆ ಹಾಗೂ ಬಿಡುಗಡೆ ಕಾಣುತ್ತಿವೆ.

ಇದೀಗ ಹೋಮ್ ಓರಿಯಂಟೆಡ್ ಲೈಫ್ ಸ್ಟೈಲ್ ಕಂಪೆನಿ ಸದ್ಯದಲ್ಲಿ ಒಂದು ಹೊಸ ಐಪೋಡ್ ಡಾಕಿಂಗ್ ಸಿಸ್ಟಮ್ ಅನ್ನು ಬಿಡುಗಡೆ ಮಾಡಿದೆ. ಈ ಅತ್ಯಾಕರ್ಷಕ ಸಾಧನದ ಹೆಸರು ಐಹಾಗ್. ಇದು ಆಕರ್ಷಕ ಬಣ್ಣ ಪಿಂಕ್ ಹಾಗೂ ಬಿಳಿ ಬಣ್ಣಗಳ ಸಂಗಮವಾಗಿದ್ದು ನೋಡಿದ ತಕ್ಷಣ ಎಂಥವರನ್ನೂ ಸೆಳೆಯುವ ಸಾಮರ್ಥ್ಯ ಹೊಂದಿದೆ.

ಇದು AC ಅಡಾಪ್ಟರ್/ ಕೇಬಲ್, ಬ್ಯಾಟರಿ ಆಧಾರಿತ ರಿಮೋಟ್ ಕಂಟ್ರೋಲರ್ ಮತ್ತು 3.5 mm ಆಡಿಯೋ ಜ್ಯಾಕ್ ಹೊಂದಿದೆ. ಕೇವಲ 4 lbs ತೂಕ ಹೊಂದಿರುವ ಈ ಸಾಧನ, ರಿಚಾರ್ಜೆಬಲ್ Li ಬ್ಯಾಟರಿ ಹೊಂದಿದ್ದು 10 ತಾಸುಗಳ ಸಾಮರ್ಥ್ಯ ಹೊಂದಿದೆ. ಹಾಗೂ ಇದೀಗ ಬಂದಿರುವ ಹೊಸ ಐಹಾಗ್ ಕೇವಲ ಐಪೋಡ್ ನಲ್ಲಿ ಅಲ್ಲದೇ ಐಫೋನಿನಲ್ಲಿ ಕೂಡ ಉಪಯೋಗಿಸಬಹುದು.

ಈ ಹೊಸ ಐಹಾಗ್ 2.1 ಸ್ಪೀಕರ್ ಸಿಸ್ಟಮ್ 360 ಡಿಗ್ರಿ ವ್ಯಾಪ್ತಿಯಲ್ಲಿ ಸಂಗೀತ ಹರಡಲಿದೆ. ಇದರ ಆಡಿಯೋ ಗುಣಮಟ್ಟ ಪ್ರಶ್ನಾತೀತ. 20 ವ್ಯಾಟ್ ಗಳ ಸಬ್ ವೂಫರ್ ಮೂಲಕ ಆಡಿಯೋ ಔಟ್ ಪುಟ್ ನೀಡುವ ಇದು 2 ಡಿಫ್ಯೂಸರ್ಸ್ ಹೊಂದಿದೆ. ಇದರಲ್ಲಿರುವ 3.5 mm ಆಡಿಯೋ ಜ್ಯಾಕ್ ಮೂಲಕ ಟಿವಿ ಹಾಗೂ ಬಹಳಷ್ಟು ಕಾಂಪಿಟೆಬಲ್ ಮ್ಯೂಸಿಕ್ ಸಾಧನಗಳಿಗೆ ಸಂಪರ್ಕ ಕಲ್ಪಿಸಿ ಸಂಗೀತ ಸುಧೆ ಸವಿಯಬಹುದು.

ಈ ಹೊಸ ಸ್ಪೀಕರ್ ಬೆಲೆ ಭಾರತೀಯ ಮಾರುಕಟ್ಟೆಯಲ್ಲಿ ಸುಮಾರು ರು. 6,700. ನೋಡಲು ಅತ್ಯಂತ ಸುಂದರ ಎನಿಸುವ ಈ ಸಾಧನ ಬಹುಶಃ ಪ್ರತಿಯೊಬ್ಬರ ಮನೆಯಲ್ಲಿ ಕಂಡರೂ ಆಶ್ಚರ್ಯವೇನೂ ಇಲ್ಲ. ಗುಣಮಟ್ಟ ಹಾಗೂ ಸೌಂದರ್ಯದ ಸಂಗಮ ಈ ಹೊಸ ಐಹಾಗ್ ಸ್ಪೀಕರ್.