ಸಂಗೀತ ಪ್ರಿಯರಿಗೆ 'ಹಾಡುಗಳ 'ಗುಂಗು' ಹಿಡಿಸಲಿದೆ 'ಸ್ಪಾಟಿಫೈ' ಮ್ಯೂಸಿಕ್ ಆಪ್‌!!

ಪ್ರಾದೇಶಿಕ ಭಾಷೆಗಳಿಗೆ ಬೆಂಬಲ

ಸ್ಪಾಟಿಫೈ ಮ್ಯೂಸಿಕ್ ಆಪ್ ನಲ್ಲಿ ಹಿಂದಿಯ ಬಾಲಿವುಡ್ ಹಾಡುಗಳೊಂದಿಗೆ ಐದು ಸ್ಥಳೀಯ ಪ್ರಾದೇಶಿಕ ಭಾಷೆಗಳಾದ ಪಂಜಾಬಿ, ತಮಿಳ,ತೆಲಗು, ಮಲಯಾಳಂ ಮತ್ತು ಬಂಗಾಲಿ ಭಾಷೆಗಳನ್ನು ಸಹ ಕೇಳುಗರಿಗೆ ನೀಡಲಾಗುವುದು ಎನ್ನಲಾಗುತ್ತಿದೆ. ಭಾರತದಲ್ಲಿ ಜನಪ್ರಿಯತೆ ಗಳಿಸಿಲು ಪ್ರದೇಶಿಕ ಭಾಷೆಗಳಿಗೆ ಬೆಂಬಲ ನೀಡುವುದು ಅಗತ್ಯ ಎನ್ನುವುದನ್ನು ಕಂಪನಿ ಅರಿತುಕೊಂಡಿದೆ.

ತೀವ್ರ ಸ್ಪರ್ಧೆ!

ಭಾರತೀಯ ಮ್ಯೂಸಿಕ್ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿರುವ ಸ್ಪಾಟಿಫೈ ಮ್ಯೂಸಿಕ್ ಆಪ್, ದೇಶಿಯ ಜನಪ್ರಿಯ ಮ್ಯೂಸಿಕ್ ಆಪ್‌ಗಳಾದ ಗಾನಾ, ಸಾವನ್ ಮತ್ತು ಆಪಲ್ ಮ್ಯೂಸಿಕ್‌ಗಳೊಂದಿಗೆ ಸ್ಪರ್ಧಿಸಬೇಕಾಗಿದೆ. ಸ್ಪಾಟಿಫೈ ಮ್ಯೂಸಿಕ್ ಆಪ್‌ ಪ್ರಾದೇಶಿಕ ಹಾಡುಗಳೊಂದಿಗೆ ವಿದೇಶಿ ಹಾಡುಗಳನ್ನು ಒಳಗೊಂಡಿರುವುದರಿಂದ ಸ್ಥಳೀಯ ಮ್ಯೂಸಿಕ್ ಆಪ್‌ಗಳಿಗೆ ಪ್ರಬಲ ಎದುರಾಳಿ ಆದಲಿದೆ.

ಡೌನ್‌ಲೋಡ್‌

ಸ್ಪಾಟಿಫೈ ಮ್ಯೂಸಿಕ್ ಆಪ್‌ ಗೂಗಲ್ ಪ್ಲೇ ಸ್ಟೋರ್, ಆಪಲ್ ಆಪ್‌ ಸ್ಟೋರ್‌ಗಳಲ್ಲಿ ದೊರೆಯಲಿದ್ದು, ಅಂಡ್ರಾಯ್ಡ್‌ ಮತ್ತು ಐಓಎಸ್ ಬಳಕೆದಾರರು ಡೌನ್‌ಲೋಡ್‌ ಮಾಡಿಕೊಳ್ಳಬಹುದಾಗಿದೆ. ಇದರೊಂದಿಗೆ ವಿಂಡೋಸ್ ಮತ್ತು ಮ್ಯಾಕ್ ಬಳಕೆದಾರರು ಡೇಸ್ಕ್‌ಟಾಪ್‌ನಲ್ಲಿಯೂ ಡೌನ್‌ಲೋಡ್‌ ಮಾಡಿಕೊಳ್ಳಬಹುದಾಗಿದೆ.

ಚಂದಾದಾರಿಕೆಯ ಶುಲ್ಕ

ಸ್ಪಾಟಿಪೈ ಆಪ್ ಪ್ರಾಯೋಗಿಕವಾಗಿ 30 ದಿನಗಳ ಉಚಿತ ನೀಡಲಿದ್ದು, ನಂತರದಲ್ಲಿ ತಿಂಗಳಿಗೆ 119ರೂ.ಗಳ ದರ ನಿಗದಿಮಾಡಲಿದೆ. ಇದರೊಂದಿಗೆ ಕೇವಲ 13ರೂ.ಗೆ ಒಂದು ದಿನದ ಟಾಪ್‌ಅಪ್ ರಿಚಾರ್ಜ್ ಆಯ್ಕೆಯೊಂದಿಗೆ, 39ರೂ.ಗಳಿಗೆ ಒಂದು ವಾರದ, 389ರೂ.ಗಳಿಗೆ ಮೂರು ತಿಂಗಳ, 719ರೂ.ಗಳಿಗೆ ಆರು ತಿಂಗಳ ಚಂದಾದಾರರಾಗಲೂ ಆಯ್ಕೆಗಳನ್ನು ನೀಡಿದೆ. ಪೇಟಿಎಮ್ ಆಪ್‌ ಮೂಲಕ ರಿಚಾರ್ಜ್ ಮಾಡಿಕೊಳ್ಳಬಹುದಾಗಿದೆ.

ಸ್ಟೂಡೆಂಟ್‌ ಆಫರ್!

ಯುವಜನತೆ ಹೆಚ್ಚಾಗಿ ಹಾಡುಗಳನ್ನು ಕೇಳುತ್ತಾರೆ. ಅದರಲ್ಲೂ ಕಾಲೇಜು ವಿದ್ಯಾರ್ಥಿಗಳು ಇಯರ್‌ಫೋನ್ ನೊಂದಿಗೆ ನಿರಂತರ ಮ್ಯೂಸಿಕ್ ಗುಂಗಿನಲ್ಲಿರುತ್ತಾರೆ. ಹೀಗಾಗಿ ವಿದ್ಯಾರ್ಥಿಗಳೇ ಪ್ರಮುಖ ಟಾರ್ಗೆಟ್ ಆಡಿಯನ್ಸ್‌ ಆಗಿದ್ದು, ಅದಕ್ಕಾಗಿ ತಿಂಗಳ ಚಂದಾದಾರಿಕೆಯ ಪ್ಲಾನಿನಲ್ಲಿ ವಿದ್ಯಾರ್ಥಿಗಳಿಗೆ ಶೇ.50% ರಿಯಾಯಿತಿ ನೀಡುವುದಾಗಿ ಕಂಪನಿ ತಿಳಿಸಿದೆ.