ಜಿಯೋಗಿಂತ ಕಡಿಮೆ ಬೆಲೆಗೆ ಡೇಟಾ ಆಫರ್!..ಟೆಲಿಕಾಂಗೆ ಶಾಕ್ ಕೊಟ್ಟ ಬೆಂಗಳೂರಿನ ಕಂಪೆನಿ!!

ಬೆಂಗಳೂರಿನ 'ವೈ-ಫೈ ಡಬ್ಬಾ'!!

ಇಂದಿಗೆ 13 ತಿಂಗಳು ಮುಂಚಿತವಾಗಿ ಬೆಂಗಳೂರಿನಲ್ಲಿ ರೂಪುತಾಳಿರುವ ಇಂಟರ್‌ನೆಟ್ ಡೇಟಾ ಸ್ಟಾರ್ಟ್‌ಅಪ್ 'ವೈ-ಫೈ ಡಬ್ಬಾ.! ಶುಬೇಂದು ಶರ್ಮಾ ಮತ್ತು ಕರಮ್ ಲಕ್ಷ್ಮಣ್ ಎಂಬುವವರು ಈ ಸ್ಟಾರ್ಟ್‌ಅಪ್ ಕಂಪೆನಿಯನ್ನು ಹುಟ್ಟಿಹಾಕಿದ್ದು, ಈ ಸ್ಟಾರ್ಟ್ ಆಪ್ ಮೂಲಕ ಜಿಯೋಗಿಂತಲೂ ಕಡಿಮೆ ಬೆಲೆಗೆ ಡೇಟಾ ನೀಡುತ್ತಿದೆ.!!

'ವೈ-ಫೈ ಡಬ್ಬಾ' ಡೇಟಾ ಸಿಗುವುದು ಹೇಗೆ?

ಶುಬೇಂದು ಶರ್ಮಾ ಮತ್ತು ಕರಮ್ ಲಕ್ಷ್ಮಣ್ ಅವರು ಬೆಂಗಳೂರಿನಲ್ಲಿ 'ವೈ-ಫೈ ಡಬ್ಬಾ' ಯೋಜನೆ ಜಾರಿಗೊಳಿಸುತ್ತಿದ್ದಾರೆ. ಬೆಂಗಳೂರಿನಾಧ್ಯಂತ ಫೈಬರ್ ಜಾಲದಲ್ಲಿ 350 ವೈ-ಫೈ ರೂಟರ್‌ಗಳನ್ನು 'ವೈ-ಫೈ ಡಬ್ಬಾ' ಟೀಮ್ ನಿರ್ಮಿಸಿದ್ದು, 50MB ಸ್ಪೀಡ್ ಡೇಟಾವನ್ನು ಈ ವೈ-ಫೈಗಳ ಮೂಲಕ ಅತ್ಯಂತ ಕಡಿಮೆ ಬೆಲೆಗೆ ಜನರಿಗೆ ತಲುಪಿಸಲುವ ಕೆಲಸ ಮಾಡಿದ್ದಾರೆ.!!

2.ರೂ.ಗೆ ಡೇಟಾ ರೀಚಾರ್ಜ್ ಮಾಡಿಸಿ!!

ಬೆಂಗಳೂರಿನಲ್ಲಿ ಮೊದಲು ಜಾರಿಯಾಗುತ್ತಿರುವ 'ವೈ-ಫೈ ಡಬ್ಬಾ' ಯೋಜನೆಯ ಮೊದಲು ಲಾಭ ನಗರದ ಗ್ರಾಹಕರಿಗೆ ದೊರೆಯುತ್ತಿದ್ದು, ಕೇವಲ 2.ರೂಪಾಯಿಗಳಿಗೂ ಸಹ ಡೇಟಾ ರೀಚಾರ್ಜ್ ಮಾಡಿಸಬಹುದು ಎಂದು ಶುಬೇಂದು ಶರ್ಮಾ ಹೇಳಿದ್ದಾರೆ.!ಅದೂ ಕೂಡ ಕಿರಾಣಿ ಅಂಗಡಿಗಳಲ್ಲಿಯೂ ಸಿಗಲಿದೆ ಎಂದು ತಿಳಿಸಿದ್ದಾರೆ.!!

ಗ್ರಾಹಕರ ಇಚ್ಚೆಗೆ ತಕ್ಕಂತೆ ಡೇಟಾ!!

ಎಲ್ಲಾ ಟೆಲಿಕಾಂ ಕಂಪೆನಿಗಳಿಗೆ ಸೆಡ್ಡು ಹೊಡೆಯುತ್ತಿರುವ 'ವೈ-ಫೈ ಡಬ್ಬಾ' ಸ್ಟಾರ್ಟ್ ಆಪ್ ಗ್ರಾಹಕರ ಇಚ್ಚೆಗೆ ತಕ್ಕಂತೆ ಡೇಟಾ ಒದಗಿಸಲು ಮುಂದಾಗಿದೆ.!! ಅತ್ಯಂತ ಕಡಿಮೆ ಬೆಲೆಗೂ ಜನರಿಗೆ ಡೇಟಾ ನೀಡುವ ಮೂಲಕ ಡಿಜಿಟಲ್ ವ್ಯವಸ್ಥೆಗೆ ಪೂರಕವಾಗಿ ಕಾರ್ಯನಿರ್ವಹಿಸಲು 'ವೈ-ಫೈ ಡಬ್ಬಾ' ಮುಂದಾಗಿದೆ.!!

ವಿಶ್ವದಲ್ಲಿಯೇ ಮೊದಲು!!

ಅತ್ಯಂತ ಕಡಿಮೆ ಬೆಲೆಗೆ ಹೆಚ್ಚು ಡೇಟಾವನ್ನು ನೀಡಲಿರುವ 'ವೈ-ಫೈ ಡಬ್ಬಾ'ದ ಈ ಯೋಜನೆ ವಿಶ್ವದಲ್ಲಿಯೇ ಮೊದಲಾಗಿದ್ದು, ಜಿಯೋ, ಏರ್‌ಟೆಲ್ ಮತ್ತು ಇತರ ದೊಡ್ಡ ದೊಡ್ಡ ಕಂಪೆನಿಗಳಿಗೆ ಎದುರು ನಿಂತು ಕಡಿಮೆ ಬೆಲೆಗೆ ಡೇಟಾ ನೀಡುವ ಯೋಜನೆ ಶೀಘ್ರದಲ್ಲಿಯೇ ಜಾರಿಯಾಗಲಿದೆ. ಮತ್ತು ಮೊದಲು ಬೆಂಗಳೂರಿನ ಜನರಿಗೆ ಈ ಸೇವೆ ಸಿಗಲಿದೆ.!!