ಪಿಯುಸಿ ವಿಧ್ಯಾರ್ಥಿಗೆ 1.44 ಕೋಟಿ ಸಂಬಳದ ಗೂಗಲ್ ಕೆಲಸ ಸಿಕ್ಕಿದ್ದು ಹೇಗೆ ಗೊತ್ತಾ?

ಗೂಗಲ್‌ನಲ್ಲಿ ಗ್ರಾಫಿಕ್ ಡಿಸೈನರ್ ಕೆಲಸ.!!

ಗೂಗಲ್‌ನಲ್ಲಿ ಗ್ರಾಫಿಕ್ ಡಿಸೈನರ್ ಆಗಿ ಹರ್ಷಿತ್ ಶರ್ಮಾ ಆಯ್ಕೆಯಾಗಿದ್ದಾನೆ. ಆಗಸ್ಟ್ 7 ರಂದು ಹರ್ಷಿತ್ ಕ್ಯಾಲಿಫೋರ್ನಿಯಾಗೆ ಹೋಗಲಿದ್ದು, ಅಲ್ಲಿ ಗ್ರಾಫಿಕ್ ಡಿಸೈನ್ ಬಗ್ಗೆ ಒಂದು ವರ್ಷ ತರಬೇತಿ ಪಡೆಯಲಿದ್ದಾನೆ. ತರಬೇತಿಯ ವೇಳೆ ಪ್ರತಿತಿಂಗಳು 4 ಲಕ್ಷ ಸಿಗಲಿದೆ. ವರ್ಷದ ನಂತರ ನಂತರ 12 ಲಕ್ಷ ರೂಪಾಯಿ ಸಂಬಳ ಪ್ರತಿ ತಿಂಗಳು ಪಡೆಯಲಿದ್ದಾನೆ.

10ನೇ ವಯಸ್ಸಿಗೇ ಆಸಕ್ತಿ!!

10ನೇ ವಯಸ್ಸಿಗೇ ಹರ್ಷಿತ್ ಶರ್ಮಾಗೆ ಡಿಸೈನಿಂಗ್‌ನಲ್ಲಿ ಆಸಕ್ತಿ ಬೆಳೆದಿದೆ. ಆಗಿನಿಂದಲೇ ಗೂಗಲ್‌ನಲ್ಲಿ ಕೆಲಸ ಮಾಡಬೇಕು ಎಂಬ ಮಹದಾಸೆ ಅವನಿಗೆ ಉಂಟಾಗಿ, ಗೌಪ್ಯವಾಗಿ ಅವನು ಅವರ ಚಿಕ್ಕಪ್ಪನ ಬಳಿಯಿಂದ ತರಬೇತಿ ಪಡೆದಿದ್ದಾನೆ. ಯಾವುದೇ ಶಿಕ್ಷಣ ಸಂಸ್ಥೆಗೆ ಹೋಗಿ ನಾನು ಗ್ರಾಫಿಕ್‌ ಡಿಸೈನ್‌ ಕಲಿತಿಲ್ಲ ಎಂದು ಹರ್ಷಿತ್ ಹೇಳಿದ್ದಾನೆ.

ಹರ್ಷಿತ್ ಗ್ರಾಫಿಕ್ಸ್‌ಗೆ ಎಲ್ಲರೂ ಫಿದಾ

ಗೂಗಲ್‌ನಲ್ಲಿ ಗ್ರಾಫಿಕ್ ಡಿಸೈನರ್ ಆಗಿ ಆಯ್ಕೆಯಾಗುವ ಮುನ್ನವೇ ಹರ್ಷಿತ್ ಗ್ರಾಫಿಕ್ಸ್ ಮೂಲಕವೇ ಎಲ್ಲರ ಗಮನ ಸೆಳಿದಿದ್ದಾನೆ. ತನ್ನ ಹತ್ತನೇ ವಯಸ್ಸಿನಲ್ಲೆ ಗ್ರಾಫಿಕ್ಸ್ ಬಗ್ಗೆ ಆಸಕ್ತಿ ಬೆಳೆಸಿಕೊಂಡಿದ್ದ, ಅಲ್ಲದೆ ಶಾಲಾದಿನಗಳಲ್ಲಿ ಬಾಲಿವುಡ್ ನಟ, ನಟಿಯರ ಚಿತ್ರಗಳ ಆಕರ್ಷಕ ಪೋಸ್ಟರ್ ವಿನ್ಯಾಸಗೊಳಿಸಿ ಸಾವಿರಾರು ರೂ.ಗಳನ್ನು ಹರ್ಷಿತ್ ಸಂಪಾದಿಸುತ್ತಿದ್ದ.!!

ಗ್ರಾಫಿಕ್ಸ್‌ಗೆ ಮನಸೋತ ಗೂಗಲ್

ಹರ್ಷಿತ್‌ಗೆ ಗೂಗಲ್ ನಲ್ಲಿ ಉದ್ಯೋಗ ಇರುವುದು ತಿಳಿದ ಕೂಡಲೇ ತಾನು ಮಾಡಿರುವ ಡಿಸೈನ್ ಗಳನ್ನು ಗೂಗಲ್ ಲಿಂಕ್ ಗೆ ಕಳುಹಿಸಿ ಅರ್ಜಿ ಹಾಕಿದ್ದಾನೆ. ಈತನ ಗ್ರಾಫಿಕ್ಸ್ ಗೆ ಮನಸೋತ ಗೂಗಲ್ ಜೂನ್ ತಿಂಗಳಿನಲ್ಲಿ ನೇಮಕಾತಿಯಾಗಿರುವ ಬಗ್ಗೆ ಪತ್ರವನ್ನು ಕಳುಹಿಸಿದೆ.!!

ಹೆಮ್ಮೆಯಿಂದ ಸಂಭ್ರಮ!!

ಗೂಗಲ್ ಕಂಪನಿ ಹರ್ಷಿತ್ ಸಾಧನೆಯನ್ನು ಗಮನಿಸಿ ನೌಕರಿ ನೀಡಿದ್ದು, ಗೂಗಲ್‌ನಲ್ಲಿ ಉದ್ಯೋಗ ಪಡೆದಿರುವುದಕ್ಕೆ ಹರ್ಷಿತ್ ಪೋಷಕರು, ಶಿಕ್ಷಕರು, ಸ್ನೇಹಿತರು ಸೇರಿದಂತೆ ಇಡೀ ಚಂಡೀಗಢವೇ ಹೆಮ್ಮೆಯಿಂದ ಸಂಭ್ರಮಿಸುತ್ತಿದೆ.!!