ಏರ್‌ಟೆಲ್‌ನಿಂದ ಹೊಸ ಆಫರ್‌..! ಜಿಯೋಗೆ ಶುರುವಾಯಿತು ತಲೆನೋವು..!

419 ರೂ. ಪ್ಲಾನ್‌

ಏರ್‌ಟೆಲ್‌ ಘೋಷಿಸಿರುವ ಹೊಸ ರೀಚಾರ್ಜ್‌ ಪ್ಲಾನ್‌ 419 ರೂ. ಪ್ಲಾನ್‌ ಆಗಿದೆ. ಈ ಪ್ಲಾನ್‌ನಲ್ಲಿ ಏರ್‌ಟೆಲ್ ತನ್ನ ಗ್ರಾಹಕರಿಗೆ ಪ್ರತಿದಿನ 1.4 GB ಡೇಟಾವನ್ನು ನೀಡಲಿದ್ದು, 75 ದಿನಗಳ ವ್ಯಾಲಿಡಿಟಿ ಹೊಂದಿದ್ದು, ಏರ್‌ಟೆಲ್‌ನಲ್ಲಿ ಉತ್ತಮ ಆಫರ್ ಎನಿಸಿಕೊಂಡಿದೆ.

ಏನೇನಿದೆ..?

ಹೊಸ 419 ರೂ. ರೀಚಾರ್ಜ್‌ ಪ್ಲಾನ್‌ನ್ನು ಏರ್‌ಟೆಲ್ ಆಪ್‌ ಅಥವಾ ಅಧಿಕೃತ ವೆಬ್‌ಸೈಟ್‌ನಲ್ಲಿ ಮಾಡಿಕೊಳ್ಳಬಹುದಾಗಿದೆ. ಈ ಪ್ಲಾನ್‌ನಲ್ಲಿ ದಿನಕ್ಕೆ 300 ನಿಮಿಷ ಹಾಗೂ ವಾರಕ್ಕೆ 1000 ನಿಮಿಷ ಸ್ಥಳೀಯ ಹಾಗೂ ಎಸ್‌ಟಿಡಿ ಕರೆಗಳು ದೊರೆಯಲಿವೆ. ಗ್ರಾಹಕರು ಉಚಿತ ರಾಷ್ಟ್ರೀಯ ರೋಮಿಂಗ್ ಪಡೆಯುತ್ತಾರೆ. ಮತ್ತು ಪ್ರತಿದಿನ 100 SMSಗಳು ಉಚಿತವಾಗಿ ಸಿಗಲಿವೆ. ಅದಲ್ಲದೇ ಏರ್‌ಟೆಲ್‌ ಟಿವಿ ಆಪ್‌ಗೂ ಅಕ್ಸೆಸ್ ಸಿಗಲಿದೆ.

ಏರ್‌ಟೆಲ್‌ನ ಮತ್ತಷ್ಟು ಆಫರ್‌ಗಳು

ಏರ್‌ಟೆಲ್‌ ಈ ಮೊದಲು ಘೋಷಿಸಿದ್ದ ಆಫರ್‌ಗಳು ಹೊಸ ಆಫರ್‌ನ್ನು ಹೋಲುತ್ತವೆ. ಅವುಗಳೆಂದರೆ, 399 ರೂ. ಮತ್ತು 448 ರೂ. ಆಗಿವೆ. ಎರಡು ಪ್ಯಾಕ್‌ಗಳು ದಿನಕ್ಕೆ 1.4 GB ಡೇಟಾ ಹೊಂದಿವೆ. ಕ್ರಮವಾಗಿ 70 ದಿನ ಮತ್ತು 82 ದಿನ ವ್ಯಾಲಿಡಿಟಿ ಹೊಂದಿವೆ.

ಜಿಯೋ ಆಫರ್‌ ಏನು..?

ಜಿಯೋದ 349 ರೂ. 1.5 GB ಡೇಟಾವನ್ನು 70 ದಿನಗಳವರೆಗೆ ನೀಡುತ್ತದೆ. ಗ್ರಾಹಕರಿಗೆ ಅನ್‌ಲಿಮಿಟೆಡ್‌ ವಾಯ್ಸ್‌ ಕಾಲ್‌ ಮತ್ತು 100 SMS ಉಚಿತವಾಗಿ ದೊರೆಯಲಿವೆ. ಅದಲ್ಲದೇ 300 ರೂ.ಗಿಂತ ಹೆಚ್ಚಿನ ರಿಚಾರ್ಜ್‌ಗೆ 50 ರೂ. ಕ್ಯಾಶ್‌ಬ್ಯಾಕ್‌ ಆಫರ್‌ನ್ನು ಸಹ ಜಿಯೋ ನೀಡಿದ್ದು, ಬಳಕೆದಾರರನ್ನು ಸೆಳೆಯುತ್ತಿದೆ.

ಗ್ರಾಹಕರನ್ನು ಸೆಳೆಯಲು ಪ್ರಯತ್ನ

ಇತ್ತೀಚೆಗೆ ತಾನೇ ಭಾರತದ ಅತಿ ದೊಡ್ಡ ಟೆಲಿಕಾಂ ಆಪರೇಟರ್‌ ಸ್ಥಾನದಿಂದ ಕೆಳಗಿಳಿದಿರುವ ಏರ್‌ಟೆಲ್‌ ಗ್ರಾಹಕರನ್ನು ಸೆಳೆಯಲು ಹೊಸ ಹೊಸ ಆಫರ್‌ಗಳನ್ನು ನೀಡುತ್ತಲಿದೆ. ವೊಡಾಫೋನ್‌ ಮತ್ತು ಐಡಿಯಾ ಸಮ್ಮಿಲನದಿಂದ ಹುಟ್ಟಿಕೊಂಡಿರುವ ವೊಡಾಫೋನ್‌ ಐಡಿಯಾ ಲಿಮಿಟೆಡ್‌ ಮೊದಲ ಸ್ಥಾನವನ್ನು ಆಕ್ರಮಿಸಿಕೊಂಡಿದೆ. ಜಿಯೋ ಮೂರನೇ ಸ್ಥಾನವನ್ನು ಹೊಂದಿದ್ದು, ಮೂರು ಆಪರೇಟರ್‌ಗಳ ನಡುವೆ ಬಿಗ್ ಸ್ಪರ್ಧೆ ಏರ್ಪಟ್ಟಿದೆ.