ಭಾರತದಲ್ಲಿ ಅಲೆನ್ ವೇರ್ m15 R7 ಗೇಮಿಂಗ್ ಲ್ಯಾಪ್‌ಟಾಪ್ ಲಾಂಚ್: ದುಬಾರಿ ಬೆಲೆ!

ಹೌದು, ಅಲೆನ್ ವೇರ್ m15 R7 ಗೇಮಿಂಗ್‌ ಲ್ಯಾಪ್‌ಟಾಪ್‌ ಭಾರತದಲ್ಲಿ ಲಾಂಚ್‌ ಆಗಿದೆ. ಇದು AMD ರೈಜೆನ್ 7 6800H ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸಲಿದ್ದು, 165Hz ರಿಫ್ರೆಶ್ ರೇಟ್‌ ನೊಂದಿಗೆ 15.6 ಇಂಚಿನ ಫುಲ್ HD ಡಿಸ್‌ಪ್ಲೇ ಹೊಂದಿದೆ. ಹಾಗೆಯೇ ಕ್ರಯೋ-ಟೆಕ್ ಕೂಲಿಂಗ್ ತಂತ್ರಜ್ಞಾನಗಳನ್ನು ಇದರಲ್ಲಿ ಅಳವಡಿಸಲಾಗಿದೆ. ಹಾಗಿದ್ರೆ ಇದರ ಇನ್ನಷ್ಟು ಫೀಚರ್ಸ್‌ ಯಾವುವು, ಭಾರತದಲ್ಲಿ ಇದರ ಬೆಲೆ ಎಷ್ಟು ಎಂಬುದನ್ನು ಈ ಲೇಖನದಲ್ಲಿ ನೀಡಲಾಗಿದೆ ಓದಿರಿ.

ಡಿಸ್‌ಪ್ಲೇ ವಿವರ

ಅಲೆನ್ ವೇರ್ m15 R7 ಲ್ಯಾಪ್‌ಟಾಪ್ 15.6 ಇಂಚಿನ ಫುಲ್‌ HD ಡಿಸ್‌ಪ್ಲೇ ಹೊಂದಿದ್ದು, 165Hz ರಿಫ್ರೆಶ್ ರೇಟ್ ಆಯ್ಕೆ ಪಡೆದಿದೆ. ಇದರ ಜೊತೆಗೆ 3 ಮಿಲಿಸೆಕೆಂಡ್ ಪ್ರತಿಕ್ರಿಯೆ ಸಮಯವನ್ನು ಹೊಂದಿದ್ದು, ಕಣ್ಣಿಗೆ ಉಂಟಾಗುವ ತೊಂದರೆಯನ್ನು ಕಡಿಮೆ ಮಾಡುವ ಉದ್ದೇಶದಿಂದ ಇದರಲ್ಲಿ ಡೆಲ್‌ನ ಕಂಫರ್ಟ್‌ವ್ಯೂ ಪ್ಲಸ್ ತಂತ್ರಜ್ಞಾನವನ್ನು ಅಳವಡಿಸಲಾಗಿದೆ. ಇದರೊಂದಿಗೆ ಸುಗಮ ದೃಶ್ಯಗಳಿಗಾಗಿ ಎನ್ವಿಡಿಯಾ ಜಿ-ಸಿಂಕ್ ಮತ್ತು ಸುಧಾರಿತ ಆಪ್ಟಿಮಸ್ ತಂತ್ರಜ್ಞಾನಗಳನ್ನು ಸಹ ಇದು ಬೆಂಬಲಿಸುತ್ತದೆ.

ಪ್ರೊಸೆಸರ್ ಸಾಮರ್ಥ್ಯ

ಈ ಲ್ಯಾಪ್‌ಟಾಪ್‌ ಆಕ್ಟಾ-ಕೋರ್ AMD ರೈಜೆನ್ 7 6800H ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸಲಿದ್ದು, ಇದರಲ್ಲಿ ಗರಿಷ್ಠ 4.7GHz ವರೆಗೆ ಬೂಸ್ಟ್ ಕ್ಲಾಕ್‌ ರೇಟ್‌ ಹೊಂದಿದೆ. ಇನ್ನು ಎನ್ವಿಡಿಯಾ ಜಿಫೋರ್ಸ್ RTX 3060 (6GB) ಹಾಗೂ ಎನ್ವಿಡಿಯಾ ಜಿಫೋರ್ಸ್ RTX 3070 Ti (8GB) ಎಂಬ ಎರಡು ವೇರಿಯಂಟ್‌ನಲ್ಲಿ ಸಿಗಲಿದೆ. ಈ ಲ್ಯಾಪ್‌ಟಾಪ್‌ ಕ್ರಯೋ-ಟೆಕ್ ಕೂಲಿಂಗ್ ತಂತ್ರಜ್ಞಾನವನ್ನು ಹೊಂದಿದ್ದು, ದೀರ್ಘ ಸಮಯದ ಗೇಮಿಂಗ್ ಅನುಭವ ನೀಡಲಿದೆ. ಹಾಗೆಯೇ ಈ ಎನ್ವಿಡಿಯಾ ಜಿಫೋರ್ಸ್ RTX 3060 ಲ್ಯಾಪ್‌ಟಾಪ್ 16GB (2x8GB) RAM ಹಾಗೂ 512GB ಇಂಟರ್ನಲ್‌ ಸ್ಟೋರೇಜ್‌ ಸಾಮರ್ಥ್ಯ ಹೊಂದಿದ್ದು, ಎನ್ವಿಡಿಯಾ ಜಿಫೋರ್ಸ್ RTX 3070 Ti 1TB ಸ್ಟೋರೇಜ್‌ ಸಾಮರ್ಥ್ಯ ಪಡೆದಿದೆ.

ಕನೆಕ್ಟಿವಿಟಿ ಆಯ್ಕೆ

ಗೇಮಿಂಗ್‌ ಲ್ಯಾಪ್‌ಟಾಪ್ ವೈ-ಫೈ 6 ಮತ್ತು ಬ್ಲೂಟೂತ್‌ ಆವೃತ್ತಿ v5.2, ಯುಎಸ್‌ಬಿ 3.2 Gen 1 ಟೈಪ್-A ಪೋರ್ಟ್, ಯುಎಸ್‌ಬಿ 3.2 Gen 2 ಟೈಪ್-C, ಹೆಚ್‌ಡಿಎಮ್ಐ 2.1 ಪೋರ್ಟ್, RJ45 ಎತರ್ನೆಟ್ ಪೋರ್ಟ್ ಮತ್ತು 3.5mm ಹೆಡ್‌ಸೆಟ್ ಜ್ಯಾಕ್ ಹೊಂದಿದೆ.

ಬ್ಯಾಟರಿ ಹಾಗೂ ಇತರೆ ಫೀಚರ್ಸ್‌

ಈ ಗೇಮಿಂಗ್ ಲ್ಯಾಪ್‌ಟಾಪ್ 86Wh ಬ್ಯಾಟರಿ ಹೊಂದಿದ್ದು, 240W ಅಡಾಪ್ಟರ್‌ ಆಯ್ಕೆ ಪಡೆದಿದೆ. ಹಾಗೆಯೇ ಎಮ್-ಸೀರಿಸ್‌ ಅಲೆನ್ಎಫ್ಎಕ್ಸ್ ಆರ್‌ಜಿಬಿ ಬ್ಯಾಕ್‌ಲಿಟ್ ಕೀಬೋರ್ಡ್ ಅನ್ನು ಹೊಂದಿದ್ದು, ಅಲೆನ್ ವೇರ್ ಕಮಾಂಡ್ ಸೆಂಟರ್ ಮೂಲಕ ಸಿಸ್ಟಮ್ ತಾಪಮಾನವನ್ನು ಕಟ್ರೋಲ್‌ ಮಾಡಲು ಕಸ್ಟಮೈಸ್ ಆಯ್ಕೆ ನೀಡಲಾಗಿದೆ. ಇದರ ಜೊತೆಗೆ ಹೆಚ್‌ಡಿ ವೆಬ್‌ಕ್ಯಾಮ್ ಮತ್ತು ಡ್ಯುಯಲ್-ಅರೇ ಮೈಕ್ರೊಫೋನ್‌ಗಳನ್ನು ನೀಡಲಾಗಿದ್ದು, ಡಾಲ್ಬಿ ಅಟ್ಮಾಸ್ ತಂತ್ರಜ್ಞಾನ ಇರುವ ಎರಡು 2.5W ಸ್ಟೀರಿಯೋ ಸ್ಪೀಕರ್‌ಗಳನ್ನು ಅಳವಡಿಸಲಾಗಿದೆ.

ಬೆಲೆ ಹಾಗೂ ಲಭ್ಯತೆ

ಈ ಎನ್ವಿಡಿಯಾ ಜಿಫೋರ್ಸ್ RTX 3070 Ti ಲ್ಯಾಪ್‌ಟಾಪ್‌ಗೆ 1,99,990ರೂ. ಗಳು ಹಾಗೂ ಎನ್ವಿಡಿಯಾ ಜಿಫೋರ್ಸ್ RTX 3060 ಲ್ಯಾಪ್‌ಟಾಪ್‌ಗೆ 1,59,990ರೂ. ಗಳನ್ನು ನಿಗದಿ ಮಾಡಲಾಗಿದೆ. ಇವುಗಳನ್ನು ಭಾರತದಲ್ಲಿ ಡೆಲ್‌ನ ಆನ್‌ಲೈನ್‌ ಹಾಗೂ ರಿಟೇಲ್‌ ಸ್ಟೋರ್‌ಗಳಲ್ಲಿ ಖರೀದಿ ಮಾಡಬಹುದಾಗಿದೆ.