ಇತಿಹಾಸದ ಶಾಪಿಂಗ್‌ ಸೇಲ್: ಅಮೆಜಾನ್‌ನಲ್ಲಿ ಮೊಬೈಲ್-TVಗಳ ಗ್ರೇಟ್ ಡೀಲ್..!

'ಗ್ರೇಟ್‌ ಇಂಡಿಯಾ ಸೇಲ್‌':

ಅಮೆಜಾನ್ ನಲ್ಲಿ ಇದೇ ಜನವರಿ 20 ರಿಂದ 24ರ ವರೆಗೆ 'ಗ್ರೇಟ್‌ ಇಂಡಿಯಾ ಸೇಲ್‌' ನಡೆಯಲಿದ್ದು, ಈ ಸಂದರ್ಭದಲ್ಲಿ ಮೊಬೈಲ್, ಟಿವಿ, ಲ್ಯಾಪ್ ಟಾಪ್ ಸೇರಿದಂತೆ ಎಲ್ಲಾ ಮಾದರಿಯ ಎಲೆಕ್ಟ್ರಾನಿಕ್ ವಸ್ತುಗಳ ಮೇಲೆ ಭರ್ಜರಿ ರಿಯಾಯಿತಿಯನ್ನು ಘೋಷಣೆ ಮಾಡಿಲಿದೆ ಎನ್ನಲಾಗಿದೆ.

500 ಕೋಟಿ ಹೂಡಿಕೆ:

ಭಾರತದ ಇ-ಕಾಮರ್ಸ್‌ ವಲಯದಲ್ಲಿ ನಂ.1 ಪಟ್ಟಕ್ಕಾಗಿ ಫ್ಲಿಪ್‌ಕಾರ್ಟ್‌ ನೊಂದಿಗೆ ಸ್ಪರ್ಧಿಸುತ್ತಿರುವ ಅಮೆರಿಕ ಮೂಲದ ಅಮೆಜಾನ್‌, ಭಾರತೀಯ ಮಾರುಕಟ್ಟೆಯಲ್ಲಿ 500 ಕೋಟಿ ಡಾಲರ್‌ ಹೂಡಿಕೆಗೆ ಮುಂದಾಗಿದೆ. ಈ ಹಿನ್ನಲೆಯಲ್ಲಿ ಭರ್ಜರಿ ಸೇಲ್ ಆರಂಭವಾಗಲಿದೆ.

6,500 ತಾತ್ಕಾಲಿಕ ಉದ್ಯೋಗ:

ಅಮೆಜಾನ್‌ 'ಗ್ರೇಟ್‌ ಇಂಡಿಯಾ ಸೇಲ್‌' ಸಲುವಾಗಿ ಫುಲ್‌ಫಿಲ್ಮೆಂಟ್‌ ಸೆಂಟರ್‌ಗಳು, ವಿತರಣಾ ಕೇಂದ್ರಗಳಲ್ಲಿ 5,500 ತಾತ್ಕಾಲಿಕ ಉದ್ಯೋಗಗಳು ಮತ್ತು ಗ್ರಾಹಕ ಸೇವಾ ವಿಭಾಗದಲ್ಲಿ 1,000 ಸಹಾಯಕ ಉದ್ಯೋಗಗಳು ನಿರ್ಮಾಣವಾಗಲಿದೆ.

ಅಮೆಜಾನ್ ಪ್ರೈಮ್:

ಇದಲ್ಲದೇ ಈ ಸೇಲ್ ನಲ್ಲಿ ಅಮೆಜಾನ್ ಪ್ರೈಮ್ ಸದಸ್ಯರಿಗೆ ಹೆಚ್ಚಿನ ಲಾಭವಿದ್ದು, ಅಮೆಜಾನ್ ನೀಡುವ ಎಲ್ಲಾ ಆಫರ್ ಗಳು ಪ್ರೈಮ್ ಸದಸ್ಯರಿಗೆ 12 ಗಂಟೆಗಳ ಮೊದಲೇ ದೊರೆಯಲಿದೆ ಎನ್ನಲಾಗಿದೆ. ಇದಲ್ಲದೇ ಅಮೆಜಾನ್ ಪೇ ಮೂಲಕ ಖರೀದಿಸಿದರೆ ಹೆಚ್ಚುವರಿ 10% ಡಿಸ್ಕೌಂಟ್ ಸಹ ದೊರೆಯಲಿದೆ ಎನ್ನಲಾಗಿದೆ.

ಮೊಬೈಲ್ ಸೇಲ್:

ಅಮೆಜಾನ್‌ 'ಗ್ರೇಟ್‌ ಇಂಡಿಯಾ ಸೇಲ್ ನಲ್ಲಿ ಮೊಬೈಲ್ ಫೋನ್‌ಗಳ ಮೇಲೆ ಶೇ.40% ಕಡಿತವನ್ನು ಅಮೆಜಾನ್ ನೀಡುತ್ತಿದ್ದು, ಇದರೊಂದಿಗೆ ನೋ ಕಾಸ್ಟ್ ಇಎಂಐ, ಎಕ್ಸ್‌ಚೆಂಜ್ ಆಫರ್, ಕ್ಯಾಷ್ ಬ್ಯಾಕ್ ಸೇರಿದಂತೆ ವಿವಿಧ ಆಫರ್ ಗಳನ್ನ ನೀಡಲಿದೆ.