OLXನಲ್ಲಿ ಮರಾಟಕ್ಕಿದೆ ಆಪಲ್ ಐಫೋನ್ X, ಬೆಲೆ ರೂ 150,000!!

Posted By: Tejaswini P G

    ಕಳೆದ ಶುಕ್ರವಾರ ಮಾರುಕಟ್ಟೆಗೆ ಲಗ್ಗೆ ಇಟ್ಟ ಆಪಲ್ ಐಫೋನ್ X ಗೆ ಭಾರೀ ಬೇಡಿಕೆ ಉಂಟಾಗಿದೆ. ಆಪಲ್ ಐಫೋನ್ ನ ಕಟ್ಟಾ ಆಭಿಮಾನಿಗಳು ಆಪಲ್ ಐಫೋನ್ X ಖರೀದಿಸುವ ಸಲುವಾಗಿ ಜಗತ್ತಿನಾದ್ಯಂತ ಆಪಲ್ ಸ್ಟೋರ್ಗಳ ಮುಂದೆ ಉದ್ದ ಸರತಿ ಸಾಲಿನಲ್ಲಿ ಕಾದು ನಿಂತಿದ್ದಾರೆ.ಆಪಲ್ ಐಫೋನ್ X ಐಫೋನ್ ನ 10ನೇ ವಾರ್ಷಿಕೋತ್ಸವದ ಆವೃತ್ತಿಯಾಗಿದ್ದು, ಇದನ್ನು ತಮ್ಮದಾಗಿಸಿಕೊಳ್ಳಲು ಜನ ನಾಮುಂದು ತಾಮುಂದು ಎಂದು ಮುಗಿಬೀಳುತ್ತಿದ್ದಾರೆ.

    OLXನಲ್ಲಿ ಮರಾಟಕ್ಕಿದೆ ಆಪಲ್ ಐಫೋನ್ X, ಬೆಲೆ ರೂ 150,000!!

    ಭಾರತದಲ್ಲೂ ಶುಕ್ರವಾರ ಬಿಡುಗಡೆಯಾದ ಐಫೋನ್ X ಆಪಲ್ ಸ್ಟೋರ್ ಮತ್ತು ಏರ್ಟೆಲ್ ಆನ್ಲೈನ್ ಸ್ಟೋರ್ಗಳಲ್ಲಿ ಖರೀದಿಗೆ ಲಭ್ಯವಿದೆ. ಆನ್ಲೈನ್ ನಲ್ಲಿ ಲಭ್ಯವಾದ ಕೆಲವೇ ನಿಮಿಷಗಳಲ್ಲಿ ಐಫೋನ್ X ಏರ್ಟೆಲ್ ಆನ್ಲೈನ್ ಸ್ಟೋರ್ನಲ್ಲಿ ಔಟ್ ಆಫ್ ಸ್ಟಾಕ್ ಆಗಿದೆಯಂತೆ.ಇದುವರೆಗೆ ಆಪಲ್ ಬಿಡುಗಡೆ ಮಾಡಿರುವ ಐಫೋನ್ಗಳ ಪೈಕಿ ಐಫೋನ್ X ಅತ್ಯಂತ ದುಬಾರಿಯಾಗಿದ್ದು ರೂ 89,000 ಮತ್ತು ರೂ 102,000 ಬೆಲೆಯ ಎರಡು ಆವೃತ್ತಿಗಳಲ್ಲಿ ಲಭ್ಯವಿದೆ. ಇಷ್ಟು ದುಬಾರಿಯಾದರೂ ಆಪಲ್ ಐಫೋನ್ X ನ ಬೇಡಿಕೆ ಕಿಂಚಿತ್ತೂ ಕಡಿಮೆಯಾಗಿಲ್ಲ.ಭಾರತದಲ್ಲಿ ಐಫೋನ್ X ನಿಯಮಿತ ಸ್ಟಾಕ್ನಲ್ಲಿ ಲಭ್ಯವಿರುವುದು ಬಹಳಷ್ಟು ಐಫೋನ್ X ಆಕಾಂಕ್ಷಿಗಳಿಗೆ ನಿರಾಸೆಯುಂಟುಮಾಡಿದೆ.

    ಈಗಾಗಲೇ ಐಫೋನ್ X ಖರೀದಿಸುವಲ್ಲಿ ಯಶಸ್ವಿಯಾಗಿರುವ ಕೆಲವರು ಈ ಸಂದರ್ಭದ ಲಾಭ ಪಡೆಯುತ್ತಿದ್ದಾರೆ. ಕೆಲವರು ತಮ್ಮ ಐಫೋನ್ X ಅನ್ನು OLX ನಲ್ಲಿ ಮಾರಾಟಮಾಡಲು ಮುಂದಾಗಿದ್ದು,256GB ಸ್ಟೋರೇಜ್ ಸಾಮರ್ಥ್ಯವುಳ್ಳ ಅನ್ಲಾಕ್ಡ್ ಮಾಡೆಲ್ ನ ಬೆಲೆ ರೂ 150,000 ನಿಗದಿಪಡಿಸಿದ್ದಾರೆ. ಐಫೋನ್ X ನ ನಿಜವಾದ ಬೆಲೆ ರೂ 102,000 ಗೆ ಹೋಲಿಸಿದರೆ ಈ ಬೆಲೆ ಭಾರೀ ದುಬಾರಿಯೇ ಸರಿ!

    ಆನ್ಲೈನ್ ಮಾರಾಟದ ಪೋರ್ಟಲ್ ಆಗಿರುವ OLX ನಲ್ಲಿ ಸಮಾರು 330 ಮಂದಿ ದುಬಾರಿ ಬೆಲೆಗೆ ತಮ್ಮ ಐಫೋನ್ X ಮಾರಾಟಮಾಡಲು ಮುಂದಾಗಿದ್ದಾರೆ. ಈ ಮಂದಿ ಅಧಿಕ ಬೆಲೆಗೆ ಮಾರಾಟಮಾಡುವ ಸಲುವಾಗಿಯೇ ಮೊದಲ ದಿನವೇ ಐಫೋನ್ X ಖರೀದಿಸಿರುವ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ. ಈ ಪೈಕಿ ಹಲವರು ಭಾರತದಲ್ಲಿಯೇ ಐಫೋನ್ X ಖರೀದಿಸಿದ್ದು ಆ ಮೊಬೈಲ್ಗಳು ಸ್ಥಳೀಯ ವಾರೆಂಟಿಯನ್ನು ಹೊಂದಿವೆ.

    ಇನ್ಮುಂದೆ ಕಡಿಮೆ ರೆಸಲ್ಯೂಷನ್ ಚಿತ್ರವನ್ನು ಹೆಚ್‌ಡಿ ಚಿತ್ರವಾಗಿ ಪರಿವರ್ತಿಸಬಹುದು!!

    OLX ವೆಬ್ಸೈಟ್ನಲ್ಲಿ ಲಭ್ಯವಿರುವ ಜಾಹೀರಾತುಗಳ ಪೈಕಿ ಐಫೋನ್ X ನ ಬೆಲೆ ರೂ 115,000 ರಿಂದ ಹಿಡಿದು ರೂ 150,000 ರ ವರೆಗೆ ಇದೆ. ಒಬ್ಬನಂತೂ 64GB ಮತ್ತು 256 GB ಯ ಎರಡು ಆವೃತ್ತಿಗಳನ್ನೂ ರೂ 115,000 ಮತ್ತು ರೂ 135,000 ಬೆಲೆಗೆ ಮಾರಾಟಕಿಟ್ಟಿದ್ದಾನೆ!

    ಇಂತಹ ದೃಷ್ಟಾಂತಗಳು ಭಾರತದಲ್ಲಿ ನಡೆಯುತ್ತಿರುವುದು ಇದೇ ಮೊದಲೇನಲ್ಲ. ಆಪಲ್ ನ ಹೊಸ ಉತ್ಪನ್ನಗಳು ಬಿಡುಗಡೆಯಾದಾಗಲೆಲ್ಲಾ ಹಲವಾರು ಮಂದಿ OLX ನಂತಹ ಆನ್ಲೈನ್ ಮಾರಾಟದ ಪೋರ್ಟಲ್ಗಳಲ್ಲಿ ಅದನ್ನು ಅಧಿಕ ಬೆಲೆಗೆ ಮಾರಾಟಮಾಡುವುದನ್ನು ಈ ಮೊದಲೇ ನೋಡಿದ್ದೇವೆ.

    ಐಫೋನ್ X ಮೊದಲ ದಿನವೇ ಔಟ್ ಆಫ್ ಸ್ಟಾಕ್ ಆದ ಕಾರಣ ಅದರ ನಿಜವಾದ ಬೆಲೆಗಿಂತ ದುಬಾರಿ ಬೆಲೆಗೆ OLX ನಲ್ಲಿ ಮಾರಾಟ ಮಾಡಲು ಹಲವರು ಮುಂದಾಗಿದ್ದಾರೆ.ಹಲವರು ರಿಲಯೆನ್ಸ್ ಜಿಯೋಫೋನ್ ಅನ್ನು ಕೂಡ OLX ನಲ್ಲಿ ಮಾರಾಟಮಾಟಲು ಮುಂದಾಗಿದ್ದು, ಇದು ರಿಲಯೆನ್ಸ್ ನ ನಿಯಮಗಳು ಮತ್ತು ಷರತ್ತುಗಳ ವಿರುದ್ಧವಾಗಿದೆ.

    Read more about:
    English summary
    Apple iPhone X has been spotted on OLX at a premium price tag of up to Rs. 150,000 while the device is out of stock since its launch day.
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more