GST ಪರಿಣಾಮ: ಐಫೋನ್ ಬೆಲೆಯಲ್ಲಿ ಭಾರೀ ಇಳಿಕೆ ಮಾಡಿದ ಆಪಲ್..!!

ಐಫೋನ್ 7 ಪ್ಲಸ್ ಬೆಲೆಯಲ್ಲಿ ರೂ.6,600 ಕಡಿತ:

ಸದ್ಯ ಆಪಲ್ ಬಿಡುಗಡೆ ಮಾಡಿರುವ ಐಫೋನ್‌ಗಳಲ್ಲಿ ಟಾಪ್ ನಲ್ಲಿರುವ ಐಫೋನ್ 7 ಪ್ಲಸ್ ಬೆಲೆಯಲ್ಲಿ ಭಾರೀ ಇಳಿಕೆಯನ್ನು ಕಾಣಬಹುದಾಗಿದೆ. ಐಫೋನ್ 7 ಪ್ಲಸ್ (256 GB) ಸದ್ಯ ಮಾರುಕಟ್ಟೆಯಲ್ಲಿ ರೂ.85,400ಗೆ ದೊರೆಯುತ್ತಿದೆ. ಇದೇ ಫೋನ್ ಈ ಹಿಂದೆ ರೂ.92,000ಕ್ಕೆ ಮಾರಾಟವಾಗುತ್ತಿತು. ಇದರ ಬೆಲೆಯಲ್ಲಿ ರೂ.6,600 ರಷ್ಟು ವ್ಯತ್ಯಾಸ ಕಾಣಬಹುದಾಗಿದೆ.

ಐಫೋನ್ SE ಮೇಲೆ ಬೆಲೆ ಕಡಿತ:

ಇದೇ ಮಾದರಿಯಲ್ಲಿ ಭಾರತದಲ್ಲಿ ತಯಾರಾಗುತ್ತಿರುವ ಐಫೋನ್ SE ಮೇಲೆಯೂ ಬೆಲೆ ಕಡಿತ ಘೋಷಣೆಯಾಗಿದ್ದು, ರೂ. 2,200 ಕಡಿಮೆಯಾಗಿ ರೂ.35,000ಕ್ಕೆ ಮಾರಾಟವಾಗುತ್ತಿದೆ.

ಐಪ್ಯಾಡ್ ಪ್ರೋ ಮೇಲೆ ರೂ.3000 ಕಡಿತ:

ಆಪನ್ ನೂತನವಾಗಿ ಲಾಂಚ್ ಮಾಡಿರುವ ಐಪ್ಯಾಡ್ ಪ್ರೋ (512 GB) ಬೆಲೆಯಲ್ಲಿಯೂ ಇಳಿಕೆ ಕಾಣಬಹುದಾಗಿದ್ದು, ಒಂದು ಲಕ್ಷಕ್ಕೇ ಮಾರಾಟವಾಗುತ್ತಿದ್ದ 12.9 ಇಂಚಿನ ಐಪ್ಯಾಡ್ ಪ್ರೋ ಸದ್ಯ ರೂ.97,000ಕ್ಕೆ ದೊರೆಯುತ್ತಿದೆ.

ಎಲ್ಲಾ ಉತ್ಪನ್ನಗಳ ಮೇಲೆಯೂ ಕಡಿತ:

ಇದಲ್ಲದೇ ಆಪಲ್ ಉತ್ಪನ್ನಗಳ ಮೇಲೆ ಭರ್ಜರಿ ರಿಯಾಯಿತಿಯನ್ನು ಘೋಷಣೆ ಮಾಡಿದೆ, ಐಫೋನ್, ಐಪ್ಯಾಡ್, ಮ್ಯಾಕ್ಸ್ ಖರೀದಿಗೆ ಇದು ಒಳ್ಳೆಯ ಸಮಯ ಎನ್ನಲಾಗಿದೆ. ಈಗಾಗಲೇ ಆಪಲ್ ಅಭಿಮಾನಿಗಳು ನೂತನ ಬೆಲೆಗಳಿಂದ ಸಂತಸಗೊಂಡಿದ್ದಾರೆ.