ವಾಚ್‌ಗೆ ಜಿಯೋ ಸಿಮ್ ಹಾಕಿಕೊಂಡು ಕರೆ ಮಾಡಬಹುದು..!!!

ಸಿಮ್ ಹಾಕಬಹುದಾಗಿದೆ:

ಗ್ರಾಹಕರು ಕೇವಲ ತಮ್ಮ ಆಪಲ್ ವಾಚ್ ಸೀರಿಸ್ 3ಯನ್ನು ಕೈನಲ್ಲಿ ಕಟ್ಟಿಕೊಂಡು ಎಲ್ಲಿ ಹೋದರೂ ಜನರೊಂದಿಗೆ ಹಾಗೂ ಮಾಹಿತಿಯೊಂದಿಗೆ ಸಂಪರ್ಕದಲ್ಲಿ ಇರಬಹುದಾಗಿದೆ. ಆಪಲ್ ವಾಚ್ ಸೀರಿಸ್ 3 ನಲ್ಲಿ GPS + ಸೆಲ್ಯುಲಾರ್ ಸೇವೆ ಇದ್ದು, ಸಿಮ್ ಕಾರ್ಡ್ ಹಾಕಿಕೊಳ್ಳಬಹುದಾಗಿದೆ.

ಉಚಿತ ಸೇವೆ:

ಜಿಯೋ ಕ್ರಾಂತಿಕಾರಕ ಜಿಯೋ ಎವ್ರೀವೇರ್ ಕನೆಕ್ಟ್ ಸೇವೆಯನ್ನು ತನ್ನ ಎಲ್ಲಾ ಪ್ರಿಪೇಯ್ಡ್ ಮತ್ತು ಪೋಸ್ಟ್ ಪೇಯ್ಡ್ ಗ್ರಾಹಕರಿಗೆ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಉಚಿತವಾಗಿ ವಾಗಿ ನೀಡಲಿದೆ ಎನ್ನಲಾಗಿದೆ. ಆಪಲ್ ವಾಚ್ ಸೀರಿಸ್ 3 (GPS + ಸೆಲ್ಯುಲಾರ್) ಈಗ ಜಿಯೋದಲ್ಲಿ www.jio.com, ರಿಲಯನ್ಸ್ ಡಿಜಿಟಲ್ ಮತ್ತು ಜಿಯೋ ಮಳಿಗೆಗಳಲ್ಲಿ ದೊರೆಯಲಿದೆ ಎನ್ನಲಾಗಿದೆ.

ಒಂದೇ ನಂಬರ್ ಎರಡಲ್ಲೂ ಬಳಕೆ:

ಜಿಯೋದ ಹೊಸ ಚಿಂತನೆಯ ಸೇವೆಯಾದ ಜಿಯೋ ಎವ್ರೀವೇರ್ ಕನೆಕ್ಟ್ ಪಡೆಯುವ ಮೂಲಕ ಜಿಯೋ ಬಳಕೆದಾರರಿಗೆ ತಮ್ಮ ಐಫೋನ್ ಮತ್ತು ಆಪಲ್ ವಾಚ್ ಸೀರಿಸ್ 3 (GPS + ಸೆಲ್ಯುಲಾರ್) ಎರಡರಲ್ಲೂ ಒಂದೇ ಜಿಯೋ ನಂಬರ್ ಬಳಕೆ ಮಾಡಲು ಅವಕಾಶವನ್ನು ಪಡೆದುಕೊಳ್ಳಲಿದ್ದಾರೆ.

ಐಫೋನ್ ಬೇಕಾಗಿಲ್ಲ;

ಐಫೋನ್ ಇಲ್ಲದೇ ಇದ್ದರೂ ಕೂಡ ಕರೆ ಮಾಡಲು ಮತ್ತು ಸ್ವೀಕರಿಸಲು, ಜಿಯೋ ಡೇಟಾ ಮತ್ತು ಅಪ್ಲಿಕೇಶನ್‍ಗಳನ್ನು ಬಳಸಲು ಆಪಲ್ ವಾಚ್ ಸೀರಿಸ್ 3 (GPS + ಸೆಲ್ಯುಲಾರ್) ಅವಕಾಶವಿದೆ ಎನ್ನಲಾಗಿದೆ.

ಆಪಲ್ ವಾಚ್ ಸೀರಿಸ್ 3:

ಆಪಲ್ ವಾಚ್ ಸೀರಿಸ್ 3ನಲ್ಲಿ ಬಿಲ್ಟ್ ಇನ್ ಸೆಲ್ಯುಲಾರ್ ಇದ್ದು, ಇದು ಪಕ್ಕದಲ್ಲಿ ಐಫೋನ್ ಇಲ್ಲದೇ ಇದ್ದರೂ ಕೂಡಾ ಕರೆ ಮಾಡಲು, ಸಂದೇಶ ಸ್ವೀಕರಿಸಲು ಅವಕಾಶ ಕಲ್ಪಿಸುತ್ತದೆ. ಹೀಗಾಗಿ ದಿನಪೂರ್ತಿ ಸಂಪರ್ಕದಲ್ಲಿರಬಹುದಾಗಿದೆ.

ಆಪಲ್ ವಾಚ್ ಸೀರಿಸ್ 3 ವಿಶೇಷತೆ:

ಈ ಥರ್ಡ್ ಜನರೇಶನ್ ಆಪಲ್ ವಾಚ್ ಇಂಟಲಿಜೆಂಟ್ ಕೋಚಿಂಗ್ ಫೀಚರ್ ಹೊಂದಿದೆ, ಜಲ ನಿರೋಧಕವಾಗಿದೆ, ಇದು ಎರಡು ಆವೃತ್ತಿಗಳಲ್ಲಿ ದೊರೆಯಲಿದ್ದು, GPS + ಸೆಲ್ಯುಲಾರ್ ಆವೃತ್ತಿಯೊಂದು ಮತ್ತೊಂದು ಕೇವಲ GPS ಆಯ್ಕೆಯೊಂದಿಗೆ ಕಾಣಿಸಿಕೊಂಡಿದೆ. ಈ ವಾಚ್ ಹಿಂದಿನ ವಾಚ್ ಗಿಂತಲು ಶೇಕಡಾ 70ರಷ್ಟು ವೇಗದ ಡ್ಯುವಲ್ ಕೋರ್ ಪ್ರೊಸೆಸರ್ ಹಾಗೂ ಹೊಸ ವೈರ್‍ ಲೇಸ್ ಚಿಪ್ ಅನ್ನು ಹೊಂದಿವೆ.

ಆಪ್‌ಡೇಟ್ ಬೇಕು:

ಆಪಲ್ ವಾಚ್ ಸೀರಿಸ್ 3 (GPS + ಸೆಲ್ಯುಲಾರ್) ಅನ್ನು ಸಕ್ರಿಯಗೊಳಿಸಲು ಗ್ರಾಹಕರು ಮೊದಲು iOS 11.3 ಮತ್ತು ವಾಚ್ OS 4.3 ಅನ್ನು ಅಪ್ಡೇಟ್ ಮಾಡಿಕೊಳ್ಳಬೇಕು. ನಂತರ ಐಫೋನ್ > ಜನರಲ್> ಅಬೌಟ್ ಆಂಡ್ ಫಾಲೋ ದಿ ಪ್ರಾಂಪ್ಟ್ ಟು ಅಪ್ಡೇಟ್ ಟು ಲೇಟೆಸ್ಟ್ ಕ್ಯಾರಿಯರ್ ಸೆಟಿಂಗ್ಸ್ ನಲ್ಲಿ ಟ್ಯಾಪ್ ಸೆಟಿಂಗ್ಸ್ ಮಾಡಬೇಕು.