ಅತ್ಯುತ್ತಮ ಮೆಶ್ ವೈ-ಫೈ ರೂಟರ್‌ಗಳಿವು: ಬೆಲೆ, ಫೀಚರ್ಸ್‌ ವಿವರ ಇಲ್ಲಿದೆ

ಹೌದು, ಯಾವುದೇ ಸ್ಥಳದಲ್ಲಿದ್ದರೂ ಸಹ ತಡೆರಹಿತ ಇಂಟರ್ನೆಟ್ ಸಂಪರ್ಕವನ್ನು ಪಡೆಯಲು ಈ ಮೆಶ್(Mesh) ವೈ-ಫೈ ರೂಟರ್‌ ಸಹಾಯಕವಾಲಿವೆ. ಭಾರತದಲ್ಲಿ ಲಭ್ಯವಿರುವ ಹಾಗೂ ಅತ್ಯುತ್ತಮ ಗುಣಮಟ್ಟ ಹೊಂದಿರುವ ಪ್ರಮುಖ ಮೆಶ್ ವೈ-ಫೈ ರೂಟರ್‌ಗಳ ಪಟ್ಟಿ ಮಾಡಲಾಗಿದ್ದು, ಇವುಗಳ ಆಫರ್‌ ಬೆಲೆ ಹಾಗೂ ಕೆಲವು ಫೀಚರ್ಸ್‌ ಅನ್ನು ಈ ಲೇಖನದಲ್ಲಿ ತಿಳಿಸಿಕೊಡಲಾಗಿದೆ ಓದಿರಿ.

ನೆಟ್‌ಗೇರ್ ಆರ್ಬಿ RBK50

ನೆಟ್‌ಗೇರ್ ಆರ್ಬಿ RBK50 Tri ಬ್ಯಾಂಡ್ ಮೆಶ್ ವೈಫೈ ಸಿಸ್ಟಮ್ ಗೆ ಅಮೆಜಾನ್‌ನಲ್ಲಿ 17,499ರೂ. ಗಳ ಬೆಲೆ ನಿಗದಿ ಮಾಡಲಾಗಿದೆ. ಈ ಡಿವೈಸ್‌ ಯಾವುದೇ ಸಂಪರ್ಕಿತ ಡಿವೈಸ್‌ಗಳಿಗೆ ಗರಿಷ್ಠ 200mbps ವರೆಗಿನ ಇಂಟರ್ನೆಟ್ ಅನ್ನು ಒದಗಿಸುತ್ತವೆ. ಹಾಗೆಯೇ ಆಂಟಿ-ವೈರಸ್, ಆಂಟಿ-ಮಾಲ್‌ವೇರ್ ಮತ್ತು ಡೇಟಾ ಕಳ್ಳತನದಿಂದ ರಕ್ಷಣೆ ಒದಗಿಸುವ ಸಲುವಾಗಿ ಮಲ್ಟಿ ಲೇಯರ್ ಭದ್ರತಾ ಸಾಫ್ಟ್‌ವೇರ್ ಫೀಚರ್ಸ್‌ ಪಡೆದುಕೊಂಡಿದೆ. ಜೊತೆಗೆ 5000 ಚದರ ಅಡಿ ವ್ಯಾಪ್ತಿವರೆಗೂ ವೈ-ಫೈ ವಿಸ್ತರಿಸಲಿದೆ.

ಗೂಗಲ್ ನೆಸ್ಟ್ AC2200

ಗೂಗಲ್ ನೆಸ್ಟ್ AC2200 ವೈ-ಫೈ ಮೆಶ್ ಸಿಸ್ಟಮ್‌ಗೆ ಅಮೆಜಾನ್‌ನಲ್ಲಿ 37,949ರೂ. ಗಳ ಬೆಲೆ ನಿಗದಿ ಮಾಡಲಾಗಿದೆ. ಈ ಡಿವೈಸ್ ವೈ-ಫೈ ನೆಟ್‌ವರ್ಕ್ ಅನ್ನು ಹೊಂದಿಸಲು ಮೋಡೆಮ್‌ಗೆ ಸಂಪರ್ಕಿಸುವ ವೈ-ಫೈ ರೂಟರ್ ಆಯ್ಕೆಯನ್ನು ಪಡದಿದೆ. ಇದರ ಜೊತೆಗೆ ಹೆಚ್ಚುವರಿ ಕವರೇಜ್‌ ಪಡೆಯಲು ಸಹ ಅನುವು ಮಾಡಿಕೊಡುತ್ತದೆ. ಅದರಂತೆ ಈ ಡಿವೈಸ್‌ 4400 ಚದರ ಅಡಿಗಳವರೆಗೆ ಇಂಟರ್ನೆಟ್‌ ಸೇವೆ ನೀಡಲಿದೆ.

ಲಿಂಕ್ಸಿಸ್ ವೆಲೋಪ್ ಟ್ರೈಬ್ಯಾಂಡ್ AC2200

ಲಿಂಕ್ಸಿಸ್ ವೆಲೋಪ್ ಟ್ರೈಬ್ಯಾಂಡ್ AC2200 ಮೆಶ್ Wi-Fi 5 ರೂಟರ್ ಅಮೆಜಾನ್‌ ಹಾಗೂ ಫ್ಲಿಪ್‌ಕಾರ್ಟ್‌ನಲ್ಲಿ 23,999ರೂ. ಗಳ ಆಫರ್‌ ಬೆಲೆಯಲ್ಲಿ ಖರೀದಿ ಮಾಡಬಹುದಾಗಿದೆ. ಈ ಡಿವೈಸ್ ಟ್ರೈ-ಬ್ಯಾಂಡ್ ಸಂಪರ್ಕವನ್ನು ಹೊಂದಿದ್ದು, ಸ್ವಯಂ-ನವೀಕರಣಗಳ ಸಾಮರ್ಥ್ಯ ಸಹ ಇದರಲ್ಲಿದೆ. ಅಮೆಜಾನ್ ಅಲೆಕ್ಸಾ ವಾಯ್ಸ್‌ ಅಸಿಸ್ಟೆಂಟ್ ಫೀಚರ್ಸ್‌ ಅನ್ನು ಪಡೆದುಕೊಂಡಿರುವ ಇದನ್ನು ಎಷ್ಟೇ ದೂರದಲ್ಲಿದ್ದರೂ ಆಪ್‌ ಮೂಲಕ ಮೊಬೈಲ್‌ನಿಂದಲೇ ಇದನ್ನು ನಿಯಂತ್ರಣ ಮಾಡಬಹುದಾಗಿದೆ.

ಟಿಪಿ-ಲಿಂಕ್ ಡೆಕೊ E4

ಟಿಪಿ-ಲಿಂಕ್ ಡೆಕೊ E4 ಹೋಲ್ ಹೋಮ್ ಮೆಶ್ ವೈ-ಫೈ ಸಿಸ್ಟಮ್ ಅನ್ನು ಅಮೆಜಾನ್‌ನಲ್ಲಿ 6,999ರೂ. ಗಳಿಗೆ ಕೊಂಡುಕೊಳ್ಳಬಹುದು. ಈ ಡಿವೈಸ್ ನಿಂದ ಬರೋಬ್ಬರಿ 100 ಡಿವೈಸ್‌ಗಳಿಗೆ ಸಂಪರ್ಕ ಕಲ್ಪಿಸಿಕೊಳ್ಳಬಹುದಾಗಿದೆ. ಜೊತೆಗೆ 1167 Mbps ವೇಗವನ್ನು ಇದು ಒದಗಿಸುತ್ತದೆ. ಹಾಗೆಯೇ ಯಾವುದೇ ನೆಟ್‌ವರ್ಕ್‌ ಇಲ್ಲದ ಸ್ಥಳದಲ್ಲೂ ಸಹ ಇದು ಅದ್ಭುತವಾಗಿ ಕಾರ್ಯನಿರ್ವಹಿಸುತ್ತದೆ. ಇನ್ನುಳಿದಂತೆ 4,000 ಚದರ ಅಡಿಗಳಷ್ಟು ಪ್ರದೇಶಕ್ಕೆ ವೈ-ಫೈ ಸೇವೆಯನ್ನು ನೀಡುತ್ತದೆ.

ಟೆಂಡಾ MW3

ಟೆಂಡಾ MW3 ಹೋಲ್ ಹೋಮ್ ಮೆಶ್ ವೈಫೈ ಸಿಸ್ಟಮ್‌ಗೆ ಅಮೆಜಾನ್‌ ಹಾಗೂ ಫ್ಲಿಪ್‌ಕಾರ್ಟ್‌ 5,499ರೂ. ಗಳ ಆಫರ್‌ ಬೆಲೆ ನಿಗದಿ ಮಾಡಿವೆ. ಈ ಡಿವೈಸ್ ಸ್ಟ್ರೀಮಿಂಗ್, ಗೇಮಿಂಗ್, ವಿಡಿಯೋ ಕಾಲ್ ಮತ್ತು ಇನ್ನಿತರೆ ಚಟುವಟಿಕೆಗೆ ಹೆಚ್ಚಿನ ಕಾರ್ಯಕ್ಷಮತೆ ನೀಡುತ್ತದೆ. ಇದು ಪ್ರತಿ ಯೂನಿಟ್‌ಗೆ 1500 ಚದರ ಅಡಿಗಳಿಗೆ ವೈ ಫೈ ವಿಸ್ತರಿಸಲಿದ್ದು, ಅವಶ್ಯಕತೆಯ ಆಧಾರದ ಮೇಲೆ ವಿಸ್ತರಣೆಯನ್ನು ಹೆಚ್ಚಿಗೆ ಮಾಡಿಕೊಳ್ಳಬಹುದಾಗಿದೆ. ಈ ವೈ-ಫೈ ರೂಟರ್‌ ಅನ್ನು ಟೆಂಡವೈ-ಫೈ ಮೊಬೈಲ್ ಅಪ್ಲಿಕೇಶನ್ ಮೂಲಕ ನಿಯಂತ್ರಿಸಬಹುದಾಗಿದೆ.