ವಿದೇಶಿ ಮೊಬೈಲ್ ಕಂಪೆನಿಗಳು ಭಾರತೀಯರ ಕಾಲಿನ ಕೆಳಗೆ ಬಿದ್ದಿದ್ದು ಹೇಗೆ?

ಮಾರುಕಟ್ಟೆಯಲ್ಲಿ ಭಾರೀ ಸ್ಪರ್ಧೆ!

ಕೇವಲ ಎರಡು ವರ್ಷದಲ್ಲಿ ಭಾರತದ ಮೊಬೈಲ್ ಮಾರುಕಟ್ಟೆಯಲ್ಲಿ ಭಾರೀ ಸ್ಪರ್ಧೆ ಉಂಟಾಗಿದೆ. ಚೀನಾದ ಶಿಯೋಮಿ, ಒನ್ ಪ್ಲಸ್, ಓಪೋ ಮತ್ತು ವಿವೋ ಕಂಪೆನಿಗಳು ಭಾರತಕ್ಕೆ ಎಂಟ್ರಿ ನೀಡಿದ ನಂತರ ಈಗ ಸ್ಯಾಮ್‌ಸಂಗ್ ಕೂಡ ಭಾರತೀಯರಿಗೆ ತಲೆಬಾಗಿದೆ. ಹೊಸದಾಗಿ ಬಿಡುಗಡೆಯಾದ ಮೊಬೈಲ್ ಬೆಲೆ ನಿಗದಿಯಾಗಲು ಈಗ ಪೈಪೋಟಿ ಏರ್ಪಟ್ಟಿದೆ. ಹಾಗಾಗಿ, ಭಾರತೀಯರಿಗೆ ಅತ್ಯಂತ ಕಡಿಮೆ ಬೆಲೆಗೆ ಅತ್ಯುತ್ತಮ ಮೊಬೈಲ್‌ಗಲು ಭಾರತೀಯರ ಕೈಸೇರುತ್ತಿವೆ.

ಭಾರತದಲ್ಲಿ ಬೆಲೆ ಕಡಿಮೆಯಾಗಿದ್ದೇಗೆ?

ಭಾರತೀಯ ಗ್ರಾಹಕರನ್ನು ಸೆಳೆಯಲು ಮೊಬೈಲ್ ತಯಾರಿಕಾ ಕಂಪೆನಿಗಳು ಹೊಸ ಸೂತ್ರವನ್ನು ಅಳವಡಿಸಿಕೊಂಡಿವೆ. ಅತೀ ಹೆಚ್ಚು ವೈಶಿಷ್ಟ್ಯೆತೆಗಳಿರುವ ಫೋನನ್ನು ಮಧ್ಯಮ ರೇಂಜಿನ ಬೆಲೆಯಲ್ಲಿ ಮಾರಾಟ ಮಾಡಿದರೆ ಕಂಪೆನಿಗೆ ಒಟ್ಟಾರೆ ಸರಾಸರಿ ಆದಾಯವು ಹೆಚ್ಚುತ್ತದೆ ಎಂಬ ಅಭಿಪ್ರಾಯವನ್ನು ಮೊಬೈಲ್‌ ಕಂಪೆನಿಗಳು ಹೊಂದಿವೆ. ಇದರಿಂದ ಬ್ರ್ಯಾಂಡ್ ಕಂಪೆನಿಗಳು ಮೊಬೈಲ್ ಬೆಲೆಯನ್ನು ಕಡಿಮೆ ಮಾಡಬೇಕಾಗಿ ಬಂತು ಎಂದು ತಜ್ಞರು ಹೇಳುತ್ತಾರೆ.

ಭಯದಲ್ಲಿವೆ ಮೊಬೈಲ್ ಕಂಪೆನಿಗಳು!

ಮೊಬೈಲ್ ಮಾರುಕಟ್ಟೆಯಲ್ಲಿ ಭಾರೀ ಸ್ಪರ್ಧೆ ಉಂಟಾಗಿರುವದರಿಂದ ಮೊಬೈಲ್ ಬ್ರ್ಯಾಂಡ್ ಗಳೂ ಕೂಡ ಕಾಂಪೋನೆಂಟ್ ವಿಚಾರದಲ್ಲಿ ಹೆಚ್ಚು ಜಾಗೃತಿ ವಹಿಸುತ್ತಿದೆ ಮತ್ತು ಕಡಿಮೆ ಬೆಲೆಯಲ್ಲೇ ಉತ್ತಮ ಮೊಬೈಲ್‌ಗಳನ್ನು ಗ್ರಾಹಕರಿಗೆ ಕೊಡುವ ಉದ್ದೇಶವನ್ನು ಹೊಂದುತ್ತಿವೆ. ಇದರಿಂದ ಮಾರುಕಟ್ಟೆಯಲ್ಲಿನ ಸ್ಪರ್ಧೆಯು ಮಧ್ಯಮ ರೇಂಜಿನಲ್ಲೇ ಬೆಸ್ಟ್ ಮೊಬೈಲ್ ಗಳು ಗ್ರಾಹಕರ ಕೈ ಸೇರಲು ಕಾರಣವಾಗುತ್ತಿದೆ.

ಮಿಡ್‌ರೇಂಜ್ ಆಯ್ತು ಮೊಬೈಲ್ ಮಾರುಕಟ್ಟೆ!

ಭಾರತದ ಮೊಬೈಲ್ ಮಾರುಕಟ್ಟೆ ಈಗ ಮಧ್ಯಮವರ್ಗದವರಿಗೆ ಸೇರಿದ್ದಾಗಿದೆ. ಮೊದಲೆಲ್ಲ 4000 MAh ಬ್ಯಾಟರಿ ಮತ್ತು 6ಜಿಬಿ ಮೆಮೊರಿ ಇರುವ ಫೋನ್ ಗಳು ಕೇವಲ ಹೈ-ಎಂಡ್ ಮೊಬೈಲ್ ಗಳಾಗಿರುತ್ತಿದ್ದವು. ಇತ್ತೀಚೆಗೆ ಬರುತ್ತಿರುವ ಮಿಡ್ ರೇಂಜ್ ಫೋನ್ ಮತ್ತು ಹೈ ಎಂಡ್ ಫೋನ್ ಎರಡರಲ್ಲೂ ಕೂಡ ಕ್ಯಾಮರಾ ಕ್ವಾಲಿಟಿ ಹೆಚ್ಚು ಕಡಿಮೆ ಒಂದೇ ಆಗಿರುತ್ತದೆ. ಹೀಗೆ ಹಲವು ವ್ಯತ್ಯಾಸಗಳನ್ನು ಭಾರತದ ಮೊಬೈಲ್ ಮಾರುಕಟ್ಟೆಯಲ್ಲಿ ಗಮನಿಸಬಹುದಾಗಿದೆ.

ಪ್ರಮುಖ ವ್ಯತ್ಯಾಸ ಯಾವುದು ಗೊತ್ತಾ?

ಗ್ರಾಹಕರ ಆಯ್ಕೆಗೆ ಅನುಗುಣವಾಗಿ ತಯಾರಿಕಾ ಕಂಪೆನಿಗಳು ಬದಲಾಗುತ್ತಿರುವ ಸ್ಪಷ್ಟವಾಗಿ ಮಾರುಕಟ್ಟೆಯ ಇತಿಹಾಸವನ್ನು ಗಮನಿಸಿದರೆ ತಿಳಿದುಬರುತ್ತದೆ. ಮೊದಲೆಲ್ಲ ಕ್ವಾಲ್ಕಂ ಸ್ನ್ಯಾಪ್ ಡ್ರ್ಯಾಗನ್ 845 ನ್ನು ಕೇವಲ 45,000 ಮತ್ತು ಅದಕ್ಕಿಂತ ಹೆಚ್ಚು ಬೆಲೆಯ ಸ್ಮಾರ್ಟ್ ಫೋನ್ ಗಳಲ್ಲಿ ಮಾತ್ರ ಬಳಕೆ ಮಾಡಲಾಗುತ್ತಿತ್ತು. ಆದರೆ ಈಗ ಕೆಲವು ಬ್ರ್ಯಾಂಡ್ ಗಳು 20,000-30,000 ರುಪಾಯಿ ಬೆಲೆಯ ಹ್ಯಾಂಡ್ ಸೆಟ್ ನಲ್ಲೂ ಕೂಡ ಇದನ್ನು ಪರಿಚಯಿಸಿದೆ.

ಭಾರತೀಯರಿಗೆ ಈಗ ಹೆಚ್ಚಿನ ಬುದ್ಧಿವಂತಿಕೆ ಇದೆ.

ಭಾರತೀಯರು ಈಗ ಹೆಚ್ಚು ಆಲೋಚಿಸಿ ಖರೀದಿಸಲು ಮುಂದಾಗುತ್ತಾರೆ. ಮೆಮೊರಿ, ಪ್ರೊಸೆಸರ್, ಸಿಸ್ಟಮ್ ಆನ್-ಚಿಪ್ (ಸಾಕೆಟ್) , ಕ್ಯಾಮರಾಗಳು, ಡಿಸ್ಪ್ಲೇ ಯ ರೀತಿ, ಹೀಗೆ ಅಪ್ ಗ್ರೇಡ್ ಆಗಿರುವ ಮೊಬೈಲ್ ಗಳ ಖರೀದಿಗೆ ಗ್ರಾಹಕರು ಕೂಡ ಮನಸ್ಸು ಮಾಡುತ್ತಾರೆ ಜೊತೆಗೆ ಬಜೆಟ್ ಫ್ರೆಂಡ್ಲಿಯಾಗಿರುವ ಮೊಬೈಲ್ ಗಳನ್ನು ಖರೀದಿಸಲು ಇಚ್ಛಿಸುತ್ತಾರೆ. ಅದರಲ್ಲಿ ಹೆಚ್ಚು ವೈಶಿಷ್ಟ್ಯತೆಗಳಿರಬೇಕು ಎಂದು ಕೂಡ ಬಯಸುತ್ತಾರೆ. ಇವೆಲ್ಲವುಗಳಿಂದ ವಿದೇಶಿ ಮೊಬೈಲ್ ಕಂಪೆನಿಗಳು ಭಾರತೀಯರ ಕಾಲಿನ ಕೆಳಗೆ ಬಂದು ಬಿದ್ದಿವೆ.