ಗೂಗಲ್‌ ಟಿವಿಯೊಂದಿಗೆ ಹೊಸ ಕ್ರೋಮ್‌ಕಾಸ್ಟ್ ಲಾಂಚ್:..ಕಡಿಮೆ ಬೆಲೆಗೆ ಲಭ್ಯ!

ಗೂಗಲ್‌ ಕಂಪೆನಿ ಕಳೆದ ತಿಂಗಳು ಈ ಕ್ರೋಮ್‌ಕಾಸ್ಟ್ ಅನ್ನು ಪ್ರಪಂಚದ ಇತರೆ ಪ್ರಮುಖ 11 ದೇಶಗಳ ಜೊತೆಗೆ ಭಾರತದಲ್ಲೂ ಪರಿಚಯಿಸುವುದಾಗಿ ಮಾಹಿತಿ ನೀಡಿತ್ತು. ಅದರಂತೆ ಈಗ ಗೂಗಲ್‌ ಟಿವಿ ಜೊತೆಗೆ ಭಾರತದಲ್ಲಿ ಪರಿಚಯಿಸಿದೆ. ಅದೂ ಸಹ ಕಡಿಮೆ ಬೆಲೆಯಲ್ಲಿ.

ಹೌದು, ಈ ಗೂಗಲ್‌ ಕ್ರೋಮ್‌ಕಾಸ್ಟ್ ನ್ನು ಗೂಗಲ್‌ ಕಂಪನಿ ಪರಿಚಯಾತ್ಮಕ ಬೆಲೆ ಕೇವಲ 4,199 ರೂ. ಗಳಲ್ಲಿ ಖರೀದಿಗೆ ನೀಡಿದೆ. ಇದು ಈ ಹಿಂದೆ ಬಿಡುಗಡೆ ಮಾಡಲಾದ ಗೂಗಲ್‌ TV (4K) ಗಿಂತಲೂ ತುಂಬಾ ಅಗ್ಗವಾಗಿದೆ. ಇದು ಆಕರ್ಷಕ ನೋಟದಲ್ಲಿದ್ದು, ಶ್ವೇತ ವರ್ಣದಲ್ಲಿದೆ. ಹಾಗಿದ್ರೆ ಇದರ ಇತರೆ ಫೀಚರಸ್‌ಗಳೆನು? ಈ ಡಿವೈಸ್‌ ಎಲ್ಲಿ ಲಭ್ಯವಾಗಲಿದೆ ಎಂಬಿತ್ಯಾದಿ ಮಾಹಿತಿಯನ್ನು ಈ ಲೇಖನದಲ್ಲಿ ನೀಡಲಾಗಿದೆ ಓದಿರಿ.

ಇದರ ವಿಶೇಷ ಫೀಚರ್ಸ್‌

ಗೂಗಲ್‌ ಕ್ರೋಮ್‌ಕಾಸ್ಟ್ ತನ್ನದೇ ಆದ ವಿಭಿನ್ನ ಆಯ್ಕೆಗಳಿರುವ ಫೀಚರ್ಸ್‌ಗಳನ್ನು ಒಳಗೊಂಡಿದೆ. ಈ ಡಿವೈಸ್‌ ಗೂಗಲ್‌ ಟಿವಿ (HD) ಜೊತೆಗೆ ಗೂಗಲ್‌ ಕ್ರೋಮ್‌ಕಾಸ್ಟ್ 1080p ರೆಸಲ್ಯೂಶನ್ ಹಾಗೂ ಹೆಚ್‌ಡಿಆರ್‌ ಬೆಂಬಲದೊಂದಿಗೆ ಬರುತ್ತದೆ. ಬಿಳಿ ಬಣ್ಣದಲ್ಲಿ ಇರುವ ಈ ಸಾಧನ ತುಂಬಾ ಆಕರ್ಷಕ ನೋಟವನ್ನು ಒಳಗೊಂಡಿದೆ. ಇದರ ಜೊತೆಗೆ ನೀಡಲಾದ ರಿಮೋಟ್‌ ಸಹ ಬಿಳಿ ಬಣ್ಣದಿಂದ ಕೂಡಿದ್ದು, ಬಳಕೆದಾರರಿಗೆ ವಿಶೇಷ ಅನುಭವ ನೀಡಲಿದೆ.

ಯಾವೆಲ್ಲಾ ಆಪ್‌ಗಳಿಗೆ ಸಪೋರ್ಟ್‌ ಮಾಡಲಿದೆ

ಈ ಕ್ರೋಮ್‌ಕಾಸ್ಟ್ ನೆಟ್‌ಫ್ಲಿಕ್ಸ್, ಅಮೆಜಾನ್ ಪ್ರೈಮ್ ವಿಡಿಯೋ, ಡಿಸ್ನಿ+, ಯುಟ್ಯೂಬ್, ಆಪಲ್ ಟಿವಿ ಸೇರಿದಂತೆ ಇತರ ಹಲವು ಸ್ಟ್ರೀಮಿಂಗ್ ಸೇವೆಗಳಿಗೆ ಬೆಂಬಲ ನೀಡುತ್ತದೆ. ಅಷ್ಟೇ ಅಲ್ಲದೆ ಗೂಗಲ್‌ ಪ್ಲೇ ಸ್ಟೋರ್‌ಗೂ ಎಂಟ್ರಿ ಕೊಡಬಹುದು. ಇದರಿಂದ ಕೆಲವು ಅಪ್ಲಿಕೇಶನ್‌ ಹಾಗೂ ಗೇಮ್‌ಗಳನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬಹುದಾಗಿದೆ.

ಸ್ಟೋರೇಜ್‌ ಸಾಮರ್ಥ್ಯ ಹಾಗೂ ಇತರೆ

ಈ ಸ್ಮಾರ್ಟ್‌ ಡಿವೈಸ್‌ 8GB ಸ್ಟೋರೇಜ್‌ ಆಯ್ಕೆ ಪಡೆದಿದೆ. ಇದರಲ್ಲಿ ಗೂಗಲ್‌ ಅಸಿಸ್ಟೆಂಟ್‌ ಸಹಾಯದಿಂದ ಆಪ್‌ಗಳನ್ನು ನಿಯಂತ್ರಣ ಮಾಡಬಹುದಾಗಿದೆ. ಹಾಗೆಯೇ ಮಲ್ಟಿ ರೂಂ ಪ್ಲೇ ಬ್ಯಾಕ್‌ ಆಯ್ಕೆ ಇರುವ ನೆಸ್ಟ್ ಸ್ಪೀಕರ್‌ಗೂ (Nest speakers) ಬೆಂಬಲ ನೀಡಲಿದೆ. ಈ ಮೂಲಕ ನಿಮ್ಮ ಮನೆಯಲ್ಲಿ ನೆಸ್ಟ್ ಸ್ಪೀಕರ್‌ಗಳಿಂದ ಸಂಗೀತವನ್ನು ಪ್ಲೇ ಮಾಡಬಹುದಾಗಿದೆ. ಹಾಗೆಯೇ ಈ ಸ್ಮಾರ್ಟ್‌ ಡಿವೈಸ್‌ ಆಂಡ್ರಾಯ್ಡ್ ಮತ್ತು ಐಒಎಸ್‌ಗಳಿಗೂ ಬೆಂಬಲ ನೀಡಲಿದೆ. ಆಡಿಯೋ ವಿಷಯದಲ್ಲಿ ಇದು ಡಾಲ್ಬಿ ಡಿಜಿಟಲ್ ಮತ್ತು ಡಾಲ್ಬಿ ಆಟ್ಮಾಸ್ನಲ್ಲಿ ಮನರಂಜನೆ ನೀಡಲಿದೆ.

ಬೆಲೆ ಹಾಗೂ ಲಭ್ಯತೆ

ಗೂಗಲ್‌ ಟಿವಿ ಜೊತೆಗೆ ಕ್ರೋಮ್‌ಕಾಸ್ಟ್ ನ HD ಮಾದರಿಯು ಈ ಹಿಂದೆ ಬಿಡುಗಡೆಗೊಂಡ 4K ಮಾದರಿಗಿಂತ 2,200 ರೂ. ಕಡಿಮೆ ಬೆಲೆ ಇದೆ. ಹಾಗೆಯೇ ಗೂಗಲ್‌ ಟಿವಿ (4K) ನೊಂದಿಗೆ ಗೂಗಲ್‌ ಕ್ರೋಮ್‌ಕಾಸ್ಟ್ ಭಾರತದಲ್ಲಿ 6,399 ರೂ. ಬೆಲೆಗೆ ಮಾರಾಟ ಆಗುತ್ತಿದೆ. ಈಗ ನೂತನವಾಗಿ ಲಾಂಚ್‌ ಆಗಿರುವ ಈ ಹೆಚ್‌ಡಿ ಮಾಡೆಲ್‌ನ ಕ್ರೋಮ್‌ಕಾಸ್ಟ್ ಪರಿಚಯಾತ್ಮಕ ಬೆಲೆ 4,199 ರೂ. ಇದೆ. ಇದರ ಖರೀದಿಗೆ ನೀವು ಫ್ಲಿಪ್‌ಕಾರ್ಟ್‌ ತಾಣಕ್ಕೆ ಭೇಟಿ ನೀಡಬೇಕಿದೆ. ಫ್ಲಿಪ್‌ಕಾರ್ಟ್‌ನ ಬಿಗ್‌ ಬಿಲಿಯನ್‌ ಡೇಸ್‌ ಸೇಲ್‌ನಲ್ಲಿ ಈ ಕ್ರೋಮ್‌ಕಾಸ್ಟ್‌ನ್ನು ನೀವು ನಿಮ್ಮದಾಗಿಸಿಕೊಳ್ಳಬಹುದು.