2018ನೇ ವರ್ಷದ ಅತಿ ಕೆಟ್ಟ ಪಾಸ್‌ವರ್ಡ್‌ಗಳ ಶಾಕಿಂಗ್ ಲೀಸ್ಟ್ ಬಿಡುಗಡೆ!

50 ಲಕ್ಷಕ್ಕೂ ಅಧಿಕ ಪಾಸ್‌ವರ್ಡ್‌ಗಳ ಪರಿಶೀಲನೆ!

ಸೆಕ್ಯುರಿಟಿ ಆಪ್‌ಗಳಲ್ಲಿ ಪರಿಣತಿ ಹೊಂದಿರುವ ಸ್ಪ್ಲಾಷ್ ಡಾಟಾ (Splash Data) ಸಂಸ್ಥೆ ಅಂತರ್ಜಾಲದಲ್ಲಿ ಸೋರಿಕೆಯಾಗಿರುವ 50 ಲಕ್ಷಕ್ಕೂ ಅಧಿಕ ಪಾಸ್‌ವರ್ಡ್‌ಗಳನ್ನು ಪರಿಶೀಲನೆ ನಡೆಸಿ ವರದಿಯೊಂದನ್ನು ತಯಾರಿಸಿದೆ. ಈ ವರದಿಯಲ್ಲಿ ಈ ವರ್ಷ ಅತಿ ಹೆಚ್ಚು ಬಳಕೆ ಮಾಡಿದ ಪಾಸ್‌ವರ್ಡ್‌ಗಳ ಪಟ್ಟಿಯನ್ನು ಸಿದ್ಧಪಡಿಸಿದೆ. ಅದರಂತೆ, ಈ ಪಟ್ಟಿಯನ್ನು ನೀಡಲಾಗಿದೆ.

ಅತ್ಯಂತ 2 ಕೆಟ್ಟ ಪಾಸ್‌ವರ್ಡ್‌ಗಳು!

ಎಷ್ಟೇ ಎಚ್ಚರಿಕೆಗಳನ್ನು ನೀಡಿದರೂ ಜನರು ಸುಲಭವಾಗಿ ಅಂದಾಜು ಮಾಡಿಬಿಡಬಹುದಾದಂತಹ ‘12345' ಮತ್ತು "password' ಪಾಸ್‌ವರ್ಡ್‌ಗಳನ್ನೇ ಹೆಚ್ಚು ಇಟ್ಟುಕೊಂಡಿದ್ದಾರೆ ಎಂದು ಸ್ಪಾಶ್ ಡೇಟಾ ಹೇಳಿದೆ. ಈ ವರ್ಷವೂ ಅತ್ಯಂತ ಕೆಟ್ಟ ಪಾಸ್‌ವರ್ಡ್‌ಗಳ ಪಟ್ಟಿಯಲ್ಲಿ ಇವೆರಡೂ ಕ್ರಮವಾಗಿ ಮೊದಲ ಮತ್ತು ಎರಡನೇ ಸ್ಥಾನದಲ್ಲಿವೆ ಎಂದು ವರದಿಯಲ್ಲಿ ಹೇಳಿದೆ.

ಟಾಪ್ 25 ಕೆಟ್ಟ ಪಾಸ್‌ವರ್ಡ್‌ಗಳು ಇವಾಗಿವೆ!

1. 123456 2. password 3. 123456789 4. 12345678 5. 12345 6. 111111 7. 1234567 8. sunshine 9. qwerty 10. iloveyou 11. princess 12. admin 13. welcome 14. 666666 15. abc123 16. football 17. 123123 18. monkey 19. 654321 20. !@#$%^&* 21. charlie 22. aa123456 23. donald 24. password1 25. qwerty123

ಅಮೆರಿಕಾ ಅಧ್ಯಕ್ಷನ ಹೆಸರು!

ವಿಶೇಷವಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್ ಬಳಸಿರುವ donald" ಎನ್ನುವ ಪಾಸ್‌ವರ್ಡ್‌ ಕೆಟ್ಟ ಪಾಸ್‌ವರ್ಡ್‌ಗಳ ಪಟ್ಟಿಯಲ್ಲಿ 23ನೇ ಸ್ಥಾನದಲ್ಲಿದೆ. ಸ್ಪಾಶ್ ಡೇಟಾ ಸಿಇಒ ಮಾರ್ಗನ್ ಅವರು ,'ಅಧ್ಯಕ್ಷರೆ ಕ್ಷಮಿಸಿ ಇದು ಸುಳ್ಳು ಸುದ್ದಿಯಲ್ಲ, ನಿಮ್ಮ ಹೆಸರು ಕೂಡಾ ಅತಿ ಹೆಚ್ಚು ಬಾರಿ ಪಾಸ್ವರ್ಡ್ ಆಗಿ ಬಳಕೆಯಾಗಿದೆ. ಆದರೆ, ಅದು ಕೂಡಾ ಸುರಕ್ಷಿತ ಪಟ್ಟಿಯಲ್ಲಿಲ್ಲ' ಎಂದಿದ್ದಾರೆ.

ವರ್ಷದವರೆಗೆ ಬದಲಾಯಿಸುತ್ತಿಲ್ಲ!

ಕೆಲವರಂತೂ ಒಂದು ವರ್ಷದವರೆಗೆ ತಮ್ಮ ಪಾಸ್‌ವರ್ಡ್‌ ಬದಲಾಯಿಸೇ ಇಲ್ಲ ಎಂದು ವರದಿಯಲ್ಲಿ ಹೇಳಿದೆ. ಅಮೆರಿಕದ ಜನರು ಅತ್ಯಂತ ಸುಲಭವಾಗಿ ಹ್ಯಾಕರ್‌ಗಳ ದಾಳಿಗೆ ತುತ್ತಾಗುತ್ತಿದ್ದಾರೆ ಎಂದು ವರದಿಯಲ್ಲಿ ತಿಳಿದುಬಂದಿದೆ. 123456 ಇದು 2013, 2014, 2015, 2016 ಹಾಗೂ 2017ರಲ್ಲಿ ಅತಿ ಕೆಟ್ಟ ಪಾಸ್ವರ್ಡ್ ಪಟ್ಟಿಯಲ್ಲಿ ಅಗ್ರಸ್ಥಾನ ಉಳಿಸಿಕೊಂಡಿದೆ

ಸ್ಪ್ಲಾಷ್ ಡಾಟಾ ಕಂಪನಿ ಹೇಳಿದ್ದೇನು?

ಜನರು ಸುರಕ್ಷಿತವಾಗಿ ಆನ್‌ಲೈನ್‌ ಚುಟವಟಿಕೆಗಳನ್ನು ನಡೆಸಲಿ ಎನ್ನುವ ಸದುದ್ದೇಶದಿಂದ ನಾವು ಪ್ರತಿ ವರ್ಷವೂ ಈ ಪಟ್ಟಿ ಸಿದ್ಧಪಡಿಸುತ್ತಿದ್ದೇವೆ ಎಂದು ಸ್ಪ್ಲಾಷ್ ಡಾಟಾ ಕಂಪನಿಯ ಸಿಇಒ ಮಾರ್ಗನ್‌ ಸ್ಲೈನ್ ಹೇಳಿದ್ದಾರೆ. ಹ್ಯಾಕರ್ ಗಳಿಂದ ಮುಕ್ತರಾಗಲು ಸ್ವಲ್ಪವಾದರೂ ಕ್ಲಿಷ್ಟವಾದ ಪಾಸ್ ವರ್ಡ್ ಬಳಸುವಂತೆ ಕೋರಲಾಗಿದೆ.