'ಗೂಗಲ್ ಹಿಸ್ಟರಿ' ಸ್ವಯಂಚಾಲಿತವಾಗಿ ಡಿಲೀಟ್ ಆಗುವಂತೆ ಮಾಡುವುದು ಹೇಗೆ?

ಆಟೊ ಡಿಲೀಟ್ ಪ್ರೈವೆಸಿ ಫೀಚರ್!

ಮಾಹಿತಿ ಕಲೆಹಾಕುತ್ತಿದ್ದ ಗೂಗಲ್‌ ಮೇಲೆ ಈ ಬಗ್ಗೆ ಗ್ರಾಹಕರಿಂದ ಆಕ್ಷೇಪ, ಅಸಮಾಧಾನ ವ್ಯಕ್ತವಾದ ನಂತರ ಸ್ವತಃ ಗೂಗಲ್‌ ಸಂಸ್ಥೆಯೇ ಸುರಕ್ಷತಾ ವೈಶಿಷ್ಟ್ಯಗಳನ್ನು ನೀಡಲಾರಂಭಿಸಿದೆ. ಹೀಗೆ ಇತ್ತೀಚೆಗೆ ನೀಡಿರುವ ಸುರಕ್ಷತಾ ವೈಶಿಷ್ಟ್ಯವೇ ಆಟೊ ಡಿಲೀಟ್ ಪ್ರೈವೆಸಿ ಫೀಚರ್ (auto delete privacy feature). ಈ ಆಯ್ಕೆಯನ್ನು ಸಕ್ರಿಯಗೊಳಿಸಿದರೆ, ಗೂಗಲ್ ನಿಮ್ಮಿಂದ ಸಂಗ್ರಹಿಸಿದ ಕೆಲವು ದತ್ತಾಂಶಗಳನ್ನು ಸ್ವಯಂಚಾಲಿತವಾಗಿ ಡಿಲೀಟ್‌ ಮಾಡಲಿದೆ.

ಏನಿದು ಆಟೊ ಡಿಲೀಟ್ ಪ್ರೈವೆಸಿ?

ಗೂಗಲ್ ನಿಮ್ಮಿಂದ ಸಂಗ್ರಹಿಸಿದ ದತ್ತಾಂಶಗಳನ್ನು ಮೂರು ತಿಂಗಳಿಗೊಮ್ಮೆ ಅಥವಾ 18 ತಿಂಗಳಿಗೊಮ್ಮೆ ಡಿಲಿಟ್ ಮಾಡುವ ಆಯ್ಕೆ ಇದಾಗಿದೆ. ಇದರಲ್ಲಿ ಲೊಕೇಷನ್‌ ಮತ್ತು ಆಕ್ಟಿವಿಟಿಗಳನ್ನು ಸ್ವಯಂಚಾಲಿತವಾಗಿ ಅಳಿಸಿಹೋಗುವಂತೆ ಮಾಡಬಹುದಾಗಿದೆ. ಬಳಕೆದಾರರ ಖಾಸಗಿನತದ ರಕ್ಷಣೆಯೇ ನಮ್ಮ ಆದ್ಯತೆ. ದತ್ತಾಂಶ ಸುರಕ್ಷತೆಗೆ ಸಂಬಂಧಿಸಿದಂತೆ ಮುಂದಿನ ದಿನಗಳಲ್ಲಿ ಇನ್ನು ಹೆಚ್ಚಿನ ಸುರಕ್ಷತಾ ಆಯ್ಕೆಗಳನ್ನು ನೀಡಲಾಗುವುದು ಎಂದು ಕಂಪನಿ ಹೇಳಿಕೊಂಡಿದೆ.

ಆಟೊ ಡಿಲೀಟ್ ಪ್ರೈವೆಸಿ ಬಳಕೆ!

ನೀವು ಈ ಆಟೊ ಡಿಲೀಟ್ ಪ್ರೈವೆಸಿ ಆಯ್ಕೆ ಬಳಸುವುದು ಬಹಳ ಸುಲಭವಾಗಿದೆ. Web & App activity-choose delete automatically ಆಯ್ಕೆಯಲ್ಲಿ ಒಂದನ್ನು ಕ್ಲಿಕ್‌ ಮಾಡಿ Next ಕೊಟ್ಟು confirm ಆಯ್ಕೆ ಒತ್ತಿದರೆ ಮೂರು ತಿಂಗಳಿಗಿಂತ ಹಿಂದಿನ ಚಟುವಟಿಕೆಗಳೆಲ್ಲವೂ ಡಿಲೀಟ್ ಆಗುತ್ತವೆ. kee for 3 months/18 months ಆಯ್ಕೆಗಳು ಮೂರು ತಿಂಗಳಿಗೊಮ್ಮೆ ಅಥವಾ 18 ತಿಂಗಳಿಗೊಮ್ಮೆ ಲೊಕೇಷನ್ ಮತ್ತು ಆಕ್ಟಿವಿಟಿಗಳನ್ನು ಸ್ವಯಂಚಾಲಿತವಾಗಿ ಡೇಟಾ ಡಿಲೀಟ್ ಆಗುವಂತೆ ಮಾಡುತ್ತವೆ.

ಲೋಕೇಷನ್ ಆಕ್ಟಿವಿಟಿ ಕಂಟ್ರೋಲ್!

ಸಾಮಾನ್ಯವಾಗಿ ಮೊಬೈಲ್‌ಗೆ ನಮ್ಮ ಖಾಸಗಿ ಜಿ-ಮೇಲ್‌ ಅನ್ನೇ ನೀಡುತ್ತೇವೆ. ಇಂತಹ ಸಂದರ್ಭದಲ್ಲಿ ಲೊಕೇಷನ್ ಹಿಸ್ಟರಿ ಆಯ್ಕೆ ಮೇಲೆ ಕ್ಲಿಕ್‌ ಮಾಡಿದಾಗ ಆ ಖಾತೆಯ ಸೆಟ್ಟಿಂಗ್ಸ್ ತೆರೆದುಕೊಳ್ಳುತ್ತದೆ. ಆಗ ಯಾವ ಖಾತೆಯಲ್ಲಿ ಬದಲಾವಣೆ ಮಾಡಬೇಕು ಎನ್ನುವುದನ್ನು ಸೂಚಿಸಬೇಕು.Settings-Location-Google Location History ಮೇಲೆ ಕ್ಲಿಕ್ ಮಾಡಿ. ನೀವು ಯಾವ ಖಾತೆ ಬಳಸಿ ಲಾಗಿನ್‌ ಆಗಿದ್ದೀರಿ ಎನ್ನುವುದು ಆಯ್ಕೆ ಮಾಡಿದ ಮೇಲೆ ಅಲ್ಲಿ Location History pause ಮಾಡಬಹುದು

ಐಫೋನ್‌ನಲ್ಲಿ ಹೀಗೆ ಮಾಡಿ

ಐಫೋನ್‌ನಲ್ಲಿ ಸೆಟ್ಟಿಂಗ್ಸ್ ತೆರೆದು ಪ್ರೈವೆಸಿಯನ್ನು ಆಯ್ಕೆ ಮಾಡಿಕೊಳ್ಳಿ. - Location Services-Never, Always, and While Using the App ಆಯ್ಕೆಗಳು ಕಾಣಿಸುತ್ತವೆ. ಅದರಲ್ಲಿ ಆಪ್‌ಗಳನ್ನು ಬಳಸುವಾಗ ಮಾತ್ರ ಎನ್ನುವುದರ ಮೇಲೆ ಕ್ಲಿಕ್ ಮಾಡಬೇಕು. ಏಕೆಂದರೆ, ಟ್ಯಾಕ್ಸಿ ಆಪ್‌ಗಳನ್ನು ಬಳಸುವಾಗ ಲೊಕೇಷನ್ ಅತ್ಯಗತ್ಯವಿರುತ್ತದೆ. ಒಂದು ವೇಳೆ ಲೊಕೇಷನ್ ಆಪ್‌ಗಳಿಗೆ ಅನುಮತಿ ನೀಡದಿದ್ದರೆ ನೀವು ಈ ಸೇವೆಗಳನ್ನು ಬಳಸಲು ಸಾಧ್ಯವಿಲ್ಲ ಎಂಬುದನ್ನು ತಿಳಿದಿರಿ.