'ಕ್ರೋಮ್' ಬಳಕೆದಾರರಿಗೆ ಬಿಗ್ ಶಾಕ್ ನೀಡಿದ 'ಗೂಗಲ್'!

ಏನಿದು ಆಡ್‌ ಬ್ಲಾಕರ್ ಎಕ್ಸ್‌ಟೆನ್ಶನ್?

ಕ್ರೋಮ್ ಬಳಕೆದಾರರು ಯಾವುದೇ ವೆಬ್‌ಸೈಟ್‌ನ ಪುಟ ತೆರೆದಾಗಲೂ ಲೆಕ್ಕವಿಲ್ಲದಷ್ಟು ಜಾಹೀರಾತುಗಳು ಕಾಣಿಸುತ್ತವೆ. ವೆಬ್‌ಸೈಟ್‌ನಲ್ಲಿ ಲೋಡ್‌ ಆಗುವುದರಲ್ಲಿ ಶೇ 50ರಷ್ಟು ಜಾಹೀರಾತು ಅಥವಾ ಟ್ರ್ಯಾಕರ್‌ಗಳಾಗಿವೆ. ಹಾಗಾಗಿ, ಆಡ್‌ ಬ್ಲಾಕರ್ ಎಕ್ಸ್‌ಟೆನ್ಶನ್ ಕ್ರೋಮ್ ಬಳಕೆದಾರರಿಗೆ ಸಹಾಯವಾಗಿತ್ತು. ಇದರ ಸಹಾಯದಿಂದ ಜಾಹಿರಾತುಗಳು ಕಾಣಿಸದಂತೆ ತಡೆಯಬಹುದಿತ್ತು.

ಸಾಮಾನ್ಯರಿಗೆ ಆಡ್‌ ಬ್ಲಾಕರ್ ನಿಷೇಧ!

ತನ್ನ ಜಾಹೀರಾತು ವರಮಾನ ಹೆಚ್ಚಿಸಿಕೊಳ್ಳಲು ಗೂಗಲ್‌ ಆಡ್‌ ಬ್ಲಾಕರ್ ಎಕ್ಸ್‌ಟೆನ್ಶನ್ ಅನ್ನು ನಿಷೇಧಿಸಿದೆ. ಇದಕ್ಕೆ ಮೂಲ ಕಾರಣವೇ ಜಾಹೀರಾತು ವರಮಾನವಾಗಿದ್ದು, ಸದ್ಯ ಇರುವ 2 ಕೋಟಿ ಕ್ರೋಮ್‌ ಬಳಕೆದಾರರಲ್ಲಿ ಶೇ1 ರಷ್ಟು ಬಳಕೆದಾರರು ಆಡ್‌ ಬ್ಲಾಕರ್‌ ಬಳಸಿದರೆ ಅದರಿಂದ ಗೂಗಲ್‌ಗೆ ತಿಂಗಳಿಗೆ ಕೋಟಿಗಟ್ಟಲೆ ವರಮಾನ ನಷ್ಟವಾಗುವ ಅಂದಾಜು ಮಾಡಲಾಗಿದೆ.

ಇನ್ನು ಹಣ ಪಾವತಿಸಿ ಬಳಸಬೇಕು!

ಆಡ್‌ ಬ್ಲಾಕರ್ ಇದ್ದರೆ ಜಾಹೀರಾತುಗಳನ್ನು ಬ್ಲಾಕ್‌ ಮಾಡಿ ನಮ್ಮ ಡೇಟಾ ವ್ಯಯವಾಗುವುದನ್ನು ತಪ್ಪಿಸಬಹುದು. ಜೊತೆಗೆ ಯಾವಾಗಲೂ ಕಾಣಿಸಿಕೊಳ್ಳುವ ಕಿರಿಕಿರಿ ಕೂಡ ತಪ್ಪುತ್ತಿತ್ತು. ಆದರೆ, ಇದೀಗ ಈ ಸೇವೆಗೆ ಹಣ ನೀಡಬೇಕಿದೆ. ಅಂದರೆ, ಹಣ ಪಾವತಿಸಲು ಸಾಧ್ಯವಾಗದ ಸಾಮಾನ್ಯ ಕ್ರೋಮ್ ಬಳಕೆದಾರರರು ಜಾಹಿರಾತುಗಳನ್ನು ನೋಡಲೇಬೇಕಾದ ಸಮಸ್ಯೆ ಎದುರಾಗಲಿದೆ.

ಇದಕ್ಕೆ ಗೂಗಲ್ ಸಮರ್ಥನೆ!

ಈ ಸುದ್ದಿ ವೈರಲ್ ಆದ ನಂತರ ಕ್ರೋಮ್‌ ಎಕ್ಸ್‌ಟೆನ್ಶನ್ ತಂಡದ ಡೆವ್ಲಿನ್ ಕ್ರೊನಿನ್ ಅವರು, ಆಡ್‌ ಬ್ಲಾಕರ್‌ಗಳನ್ನು ನಿಯಂತ್ರಿಸುತ್ತಿಲ್ಲ ಅಥವಾ ಬಳಕೆದಾರರಿಗೆ ಆಡ್‌ಗಳನ್ನು ಬ್ಲಾಕ್‌ ಮಾಡದೇ ಇರುವಂತೆ ನಿರ್ಬಂಧ ಹೇರುತ್ತಿಲ್ಲ. ಬಳಕೆದಾರರ ಖಾಸಗಿತನದ ರಕ್ಷಣೆಯ ನಿಟ್ಟಿನಲ್ಲಿ ಎಕ್ಸ್‌ಟೆನ್ಶನ್ಗಳನ್ನು ಸಿದ್ಧಪಡಿಸಲು ಡೆವಲಪರ್‌ಗಳಿಗೆ ನೆರವಾಗುತ್ತಿದ್ದೇವೆ ಎಂದು ಹೇಳಿದ್ದಾರೆ.

ಹೆಚ್ಚು ಸಮಯ ವ್ಯಯವಾಗಲಿದೆ

ಭಾರತದಲ್ಲಿ ಜಿಯೊ ಡೇಟಾ ಉಚಿತವಾಗಿದೆ. ಹಾಗಾಗಿ ಇಲ್ಲಿ ಡೇಟಾ ಸಮಸ್ಯೆಯೇ ಇಲ್ಲ ಎಂದು ಹೇಳಬಹುದು. ಆದರೆ, ಕ್ರೋಮ್‌ನಲ್ಲಿ ತಕ್ಷಣಕ್ಕೆ ನಿಮಗೆ ಬೇಕಿರುವ ಮಾಹಿತಿ ಹುಡುಕಲು ಹೋದರೆ ಜಾಹೀರಾತುಗಳೇ ಹೆಚ್ಚು ತೆರೆದುಕೊಳ್ಳುವುದರಿಂದ ಸಮಯ ವ್ಯಯವಾಗುತ್ತದೆ. ಆದಾಯಕ್ಕಾಗಿ ಗೂಗಲ್ ಏನೂ ಬೇಕಾದರೂ ಮಾಡಲಿದೆ ಎಂದು ನಾವು ಇಲ್ಲಿ ತಿಳಿಯಬಹುದು.