ವಿಶ್ವದಾದ್ಯಂತ 'ಗೂಗಲ್‌' ಉದ್ಯೋಗಿಗಳಿಂದ ಕೆಲಸಕ್ಕೆ ಬಹಿಷ್ಕಾರ!!..ಏಕೆ ಗೊತ್ತಾ?

ಪ್ರತಿಭಟನೆ ನಡೆದದ್ದು ಏಕೆ?

ಲೈಂಗಿಕ ದೌರ್ಜನ್ಯ ಆರೋಪದ ಮೇರೆಗೆ 2014ರಲ್ಲೇ ಕಂಪನಿ ತೊರೆದ ಹಿರಿಯ ಉದ್ಯೋಗಿ ಆಂಡಿ ರೂಬಿನ್ ಅವರಿಗೆ ಕಂಪನಿ 90 ದಶಲಕ್ಷ ಡಾಲರ್‌ ಮೌಲ್ಯದ ಎಕ್ಸಿಟ್ ಪ್ಯಾಕೇಜ್‌ ನೀಡಿತ್ತು. ಇನ್ನು ಮತ್ತೋರ್ವ ಹಿರಿಯ ಉದ್ಯೋಗಿ ರಿಚರ್ಡ್ ಡಿವ್ಯೂಲ್ ಅವರನ್ನು ಮನೆಗೆ ಕಳುಹಿಸದೇ ರಕ್ಷಿಸುವ ಕೆಲಸವಾಗಿದೆ ಎಂದು ವರದಿಯೊಂದು ಹೇಳಿತ್ತು. ಇದು ಪ್ರತಿಭಟನೆಗೆ ಕಾರಣವಾಗಿತ್ತು.

ಕಳಂಕಿತರನ್ನು ರಕ್ಷಿಸಲಾಗುತ್ತಿಲ್ಲ.

ಯಾವುದೇ ಕಾರಣಕ್ಕೂ ಕಳಂಕಿತರನ್ನು ರಕ್ಷಿಸಲಾಗುತ್ತಿಲ್ಲ. ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಆರೋಪಿತರ ವಿರುದ್ಧ ಆಂತರಿಕ ಸಮಿತಿ ತನಿಖೆ ನಡೆಸುತ್ತಿದ್ದು, ತಪ್ಪಿತಸ್ಥರನ್ನು 'ಎಕ್ಸಿಟ್ ಪ್ಯಾಕೇಜ್‌' ಇಲ್ಲದೇ ಮನೆಗೆ ಕಳುಹಿಸಲಾಗುತ್ತಿದೆ,' ಎಂದು ಗೂಗಲ್‌ ಸಂಸ್ಥೆ ಮತ್ತೊಮ್ಮೆ ಸ್ಪಷ್ಟನೆ ನೀಡಿದೆ. ಮಹಿಳಾ ಉದ್ಯೋಗಿಗಳ ರಕ್ಷಣೆಗೆ ಕಂಪನಿ ಸದಾ ಬದ್ಧವಾಗಿರುವುದಾಗಿ ತಿಳಿಸಿದೆ.

ಸಿಇಒ ಸುಂದರ್​ ಪಿಚೈ ಹೇಳಿದ್ದೇನು?

ನಮ್ಮ ಕಂಪೆನಿಯಲ್ಲಿ ಮಹಿಳೆಯರಿಗೆ ಸುರಕ್ಷಿತ ವಾತಾವರಣ ಕಲ್ಪಿಸಲು ನಾವು ಬದ್ಧರಾಗಿದ್ದೇವೆ. ಇತ್ತೀಚಿನ ವರ್ಷಗಳಲ್ಲಿ ಮಹಿಳೆಯರ ಸುರಕ್ಷತೆಗಾಗಿ ಮತ್ತು ಲೈಂಗಿಕ ಕಿರುಕುಳ ಆರೋಪ ಎದುರಿಸುವ ನೌಕರರ ವಿರುದ್ಧ ಕ್ರಮ ತೆಗೆದುಕೊಳ್ಳಲು ಸಾಕಷ್ಟು ನಿಯಮಾವಳಿಗಳನ್ನು ರೂಪಿಸಿದ್ದೇವೆ ಎಂದು ಗೂಗಲ್​ನ ಸಿಇಒ ಸುಂದರ್​ ಪಿಚೈ​ ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಸಂಪೂರ್ಣ ಸುರಕ್ಷತೆ ಕೊಂಚ ಕಷ್ಟ.

ಕಾರ್ಯಸ್ಥಳದಲ್ಲಿ ಸಂಪೂರ್ಣ ಸುರಕ್ಷತೆ ನೀಡುವುದಾಗಿ ಭರವಸೆ ನೀಡುವುದು ಕೊಂಚ ಕಷ್ಟ. ಆದರೆ ಲೈಂಗಿಕ ಕಿರುಕುಳದ ಯಾವುದೇ ಮಾಹಿತಿ ನಮ್ಮ ಬಳಿ ಬಂದಲ್ಲಿ ಅದನ್ನು ಅತ್ಯಂತ ಗಂಭೀರವಾಗಿ ತನಿಖೆ ನಡೆಸುತ್ತೇವೆ. ಲೈಂಗಿಕ ಕಿರುಕುಳ ದೂರನ್ನು ಕೂಲಂಕಶವಾಗಿ ಪರಿಶೀಲಿಸಿ, ವಿಚಾರಣೆ ನಡೆಸಿ ಕ್ರಮ ತೆಗೆದುಕೊಳ್ಳುತ್ತೇವೆ ಎಂದು ಗೂಗಲ್​ ಮುಖ್ಯಸ್ಥರು ತಿಳಿಸಿದ್ದಾರೆ.

48 ನೌಕರರು ವಜಾ!

ದೇಶದಲ್ಲಿ ಮೀಟೂ ಅಭಿಯಾನ ಸದ್ಯ ಚರ್ಚೆಯ ಕೇಂದ್ರ ಬಿಂದುವಾಗಿರುವ ಸಂದರ್ಭದಲ್ಲೇ, ಟೆಕ್​ ದೈತ್ಯ ಗೂಗಲ್​ ಕಂಪೆನಿ ಲೈಂಗಿಕ ಕಿರುಕುಳಕ್ಕೆ ಸಂಬಂಧಿಸಿದಂತೆ ಕಳೆದೆರಡು ವರ್ಷಗಳಲ್ಲಿ 48 ನೌಕರರನ್ನು ಕೆಲಸದಿಂದ ತೆಗೆದುಹಾಕಿದೆ. ಗೂಗಲ್‌ನಲ್ಲಿ ಉದ್ಯೋಗ ನಿರ್ವಹಿಸುತ್ತಿದ್ದ 13 ಹಿರಿಯ ಅಧಿಕಾರಿಗಳೂ ಸಹ ಈ ಲೀಸ್ಟ್‌ನಲ್ಲಿದ್ದಾರೆ ಎಂದು ಗೂಗಲ್ ಸ್ಪಷ್ಟಪಡಿಸಿದೆ.