ಭಾರತದಲ್ಲಿ ಗೂಗಲ್‌ಗೆ ಬಿತ್ತು 135.86 ಕೋಟಿ ರೂ.ದಂಡ!!..ಏಕೆ ಗೊತ್ತಾ?

ಭಾರತದ ಪಾಲುದಾರರಿಗೆ ಮೋಸ?

ಇಂಟರ್ನೆಟ್ ದೈತ್ಯ ಸರ್ಚ ಇಂಜಿನ್ ಗೂಗಲ್ ಕಂಪೆನಿ ಸ್ಪರ್ಧಾತ್ಮಕ ಸರ್ಚ್ ಇಂಜಿನ್ ಸೇವೆಯನ್ನು ನೀಡುವ ವಿಷಯದಲ್ಲಿ ಭಾರತೀಯ ಪಾಲುದಾರರನ್ನು ತಡೆಗಟ್ಟುವ ಕಾರ್ಯ ಮಾಡಿದೆ ಎಂದು ಸ್ಪರ್ಧಾತ್ಮಕ ಆಯೋಗ ತಿಳಿಸಿದೆ. ಸರ್ಚ್ ಎಂಜಿನ್ ಹುಡುಕಾಟದ ಫಲಿತಾಂಶಗಳನ್ನು ಅಕ್ರಮ ಪ್ರಯೋಜನಕ್ಕೆ ಬಳಸಿದೆ ಎಂದು ಹೇಳಿದೆ.!!

2012 ರಲ್ಲಿ ಪ್ರಕರಣ ದಾಖಲು!!

ಕಾನ್ಸಿಮ್ ಇನ್ಫೋ ಪ್ರೈವೇಟ್ ಲಿಮಿಟೆಡ್ (ಈಗ ಮ್ಯಾಟ್ರಿಮನಿ.ಕಾಂ ಲಿಮಿಟೆಡ್ ಎಂದು ಕರೆಯಲಾಗುತ್ತದೆ) ಮತ್ತು ಎನ್ಜಿಒ ಕನ್ಸ್ಯೂಮರ್ ಯುನಿಟಿ ಮತ್ತು ಟ್ರಸ್ಟ್ ಸೊಸೈಟಿಗಳು 2012 ರಲ್ಲಿ ಸಲ್ಲಿಸಿದ ಎರಡು ಪ್ರಕರಣಗಳಿಂದ ಗೂಗಲ್ ಕಂಪೆನಿಗೆ ದಂಡ ವಿಧಿಸಲಾಗಿದೆ.! ಗೂಗಲ್ ಕಂಪೆನಿ ಸ್ಪರ್ಧಾತ್ಮಕವಲ್ಲದೇ ಸೇವಾದಾರರನ್ನು ತಡೆಯುತ್ತಿದೆ ಎಂದು ಈ ಕಂಪೆನಿಗಳು ಆರೋಪಿಸಿದ್ದವು.!!

ಗೂಗಲ್ ಮೇಲಿದ್ದ ಆರೋಪಗಳೇನು?

"ಸರ್ಚ್ ಎಂಜಿನಿನಲ್ಲಿ ಹುಡುಕಾಟ ಪಕ್ಷಪಾತ, ಹುಡುಕಾಟದ ಕುಶಲ ಬಳಕೆ, ಸ್ಪರ್ಧಾತ್ಮಕ ಸರ್ಚ್ ಇಂಜಿನ್‌ಗಳ ಪ್ರವೇಶ ನಿರಾಕರಣೆ, ಸ್ಪರ್ಧಾತ್ಮಕ ಸರ್ಚ್ ಇಂಜಿನ್‌ಗಳಿಗೆ ಪ್ರವೇಶಿಸಲು ನಿರಾಕರಣೆ ಮತ್ತು ಇತರ ಸೈಟ್‌ಗಳ ನಿಂದನೀಯ ಪದ್ಧತಿಗಳಲ್ಲಿ ತೊಡಗಿಸಿಕೊಂಡಿದೆ ಎಂದು ಗೂಗಲ್ ಮೇಲೆ ಆರೋಪಿಸಲಾಗಿತ್ತು.!!

ಗೂಗಲ್‌ನಿಂದ ಆಕ್ರಮ ನಡೆದಿರುವುದು ಹೇಗೆ?

ವೀಡಿಯೋ (ಯೂಟ್ಯೂಬ್), ಸುದ್ದಿ (ಗೂಗಲ್ ನ್ಯೂಸ್) ಮತ್ತು ನಕ್ಷೆಗಳು (ಗೂಗಲ್ ನಕ್ಷೆಗಳು) ಸೇರಿದಂತೆ ಗೂಗಲ್‌ನ ಸ್ವಂತ ತಾಣಗಳು ಹುಡುಕಾಟ ಫಲಿತಾಂಶ ಪುಟಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಮತ್ತು ಹೆಚ್ಚು ಜನಪ್ರಿಯವಾದ ಸೈಟ್‌ಗಳಷ್ಟೆ ಸರ್ಚ್ ಎಂಜಿನ್‌ನಲ್ಲಿ ಕಾಣಿಸಿಕೊಳ್ಳುವುದರಿಂದ ಇತರ ಪಾಲುದಾರರಿಗೆ ಇದು ಲಾಭವನ್ನು ಕಡಿಮೆ ಮಾಡಲು ಕಾರಣವಾಗಿದೆ.!!

135.86 ಕೋಟಿ ದಂಡ ಏಕೆ?

2013, 2014 ಮತ್ತು 2015 ನೇ ವರ್ಷಗಳಲ್ಲಿ ಗೂಗಲ್ ಕಂಪೆನಿ ಭಾರತದಲ್ಲಿ ಗಳಿಸಿರುವ ಒಟ್ಟು ಆದಾಯದ ಸಾರಾಸರಿ ಆದಾಯವನ್ನು ಸ್ಪರ್ಧಾತ್ಮಕ ಆಯೋಗ ಪರಿಗಣಿಸಿದೆ.! ಒಟ್ಟು 2717.27 ಕೋಟಿ ಸರಾಸರಿ ಆದಾಯವನ್ನು ಗೂಗಲ್ ಗಳಿಸಿಸಿದ್ದು, ಅದರಲ್ಲಿ 5 ಪರ್ಸೆಂಟ್ ದಂಡವಾಗಿ 135.86 ಕೋಟಿ ದಂಡವನ್ನಾಗಿ ವಿಧಿಸಿದೆ.!!

Do you know what all u can do by Downloading Hike Messenger app.?

ಯೂರೋಪ್‌ನಲ್ಲಿಯೂ ದಂಡ ತೆತ್ತಿತ್ತು.!!

ಗೂಗಲ್ ಇದೇ ವಿಚಾರವಾಗಿ ಕಳೆದ ವರ್ಷ ಯೂರೋಪ್‌ನಲ್ಲಿಯೂ ದಂಡವನ್ನು ತೆತ್ತಿತ್ತು. ಕಳೆದ ವರ್ಷ ಜುಲೈನಲ್ಲಿ, ಯುರೋಪ್ ಒಕ್ಕೂಟವು ಗೂಗಲ್‌ಗೆ 2.7 ಶತಕೋಟಿ ಡಾಲರ್ ನಷ್ಟು ದಾಖಲೆಯ ದಂಡ ವಿಧಿಸಿತು.! ಈ ಪ್ರಕರಣ ಕೂಡ ಹುಡುಕಾಟ ಫಲಿತಾಂಶಗಳನ್ನು ಅಕ್ರಮ ಪ್ರಯೋಜನಕ್ಕೆ ಗೂಗಲ್ ಬಳಸಿಕೊಂಡಿತ್ತು ಎಂಬುದಾಗಿತ್ತು.!!