ಫೇಸ್‌ಬುಕ್‌ಗೆ ಆಘಾತ ನೀಡಿದ ಗೂಗಲ್‌ನ ಹೊಸ 'ಶೂಲೆಸ್'‌ ಆಪ್‌!

ಫೇಸ್‌ಬುಕ್‌ಗೆ ಆಘಾತ

ಗೂಗಲ್‌ ಸಂಸ್ಥೆಯು ಶೂಲೆಸ್‌ ಹೆಸರಿನ ಹೊಸ ಸೋಶಿಯಲ್ ಆಪ್‌ ಆರಂಭಿಸಲಿದ್ದು, ಈ ಸುದ್ದಿ ಬಹುಶಃ ಫೇಸ್‌ಬುಕ್‌ಗೆ ಭಾರಿ ಆಘಾತ ನೀಡಲಿದೆ ಎನ್ನಲಾಗಿದೆ. ಏಕೆಂದರೇ ಶೂಲೆಸ್‌ ಆಪ್‌ನಲ್ಲಿ ಬಳಕೆದಾರರನ್ನು ಸೆಳೆಯುವ ಹಲವು ಹೊಸ ಆಕರ್ಷಕ ಫೀಚರ್ಸ್‌ ಮತ್ತು ಆಕ್ಟಿವಿಟಿಗಳ ಜೊತೆ ಸಮಾನ ಆಸಕ್ತಿಯವರು ಆಪ್‌ನಲ್ಲಿ ಕನೆಕ್ಟ್ ಆಗುವ ಆಯ್ಕೆ ಸಹ ಇರಲಿದೆ ಎನ್ನುವ ಮಾಹಿತಿಯನ್ನು ಸಂಸ್ಥೆಯು ಹೊರಹಾಕಿದೆ.

ಆಕ್ಟಿವಿಟಿ ವಿಶೇಷತೆಗಳೆನು

ಗೂಗಲ್ ಶೂಲೆಸ್‌ ಆಪ್‌ನಲ್ಲಿ ಬಳಕೆದಾರರು ಭಾಗವಹಿಸುವ ಇವೆಂಟ್‌ ಮತ್ತು ಆಕ್ಟಿವಿಟಿಗಳ ಬಗ್ಗೆ ಲಿಸ್ಟ್‌ ಮಾಡಬಹುದಾಗಿದೆ. ಹಾಗೆಯೇ ಸ್ನೇಹಿತರನ್ನು ಮತ್ತು ಹೊಸಪರಿಚಿತ ಸ್ನೇಹಿತರನ್ನು ಅವರು ಭಾಗವಹಿಸುವ ಇವೆಂಟ್‌ ಮತ್ತು ಆಕ್ಟಿವಿಟಿಗಳಿಗೆ ಆಹ್ವಾನಿಸಬಹುದಾಗಿದೆ. ಆಸಕ್ತಿದಾಯಕ ಆಕ್ಟಿವಿಟಿಗಳ ಬಗ್ಗೆ ಇತರರಿಗೆ ಸಲಹೆ ನೀಡಬಹುದಾದ ಅವಕಾಶಗಳು ಇರಲಿವೆ.

ಗೆಳೆತನ ಹೇಗೆ

ಗೂಗಲ್ ಹೊಸ ಶೂಲೆಸ್‌ ಆಪ್‌ನಲ್ಲಿ ಗೆಳೆಯರ ಆಯ್ಕೆಯು ವಿಶೇಷವಾಗಿದ್ದು, ನಿಮ್ಮ ಅಭಿರುಚಿಗಳಿಗೆ ಸರಿ ಹೊಂದುವವರೇ ನಿಮ್ಮ ಸ್ನೇಹಿತರಾಗಲು ಈ ಆಪ್‌ ನೆರವಾಗಲಿದೆ. ಈ ಆಪ್‌ನಲ್ಲಿ ಸಮಾನ ಅಭಿರುಚಿ ಅಥವಾ ಸಮಾನ ಆಸಕ್ತಿಕರ ಆಕ್ಟಿವಿಟಿಗಳನ್ನು (ಉದಾಹರಣೆಗೆ : ಯೋಗ, ಸೈಕ್ಲಿಂಗ್, ಸ್ವಿಮ್ಮಿಂಗ್, ಓದುವುದು) ಹೊಂದಿದರರೊಂದಿಗೆ ಕನೆಕ್ಟ್ ಮಾಡುವ ಆಯ್ಕೆಯನ್ನು ಪಡೆದುಕೊಂಡಿದೆ.

ಎರಡು ಬಾರಿ ಗೆದ್ದು ಸೋತ್ ಗೂಗಲ್

ಗೂಗಲ್‌ 2004ರಲ್ಲಿ ಮೊದಲ ಬಾರಿಗೆ 'ಆರ್ಕುಟ್' (Orkut) ಹೆಸರಿನ ಮೂಲಕ ಸೋಶಿಯಲ್‌ ಆಪ್‌ ಪರಿಚಯಿಸಿತ್ತು. ಆರಂಭದಲ್ಲಿ ಬಾರಿ ಜನಪ್ರಿಯತೆ ಹೊಂದಿದ್ದ ಆರ್ಕುಟ್‌ ಕ್ರಮೇಣ ಹಿಂದೆ ಸರಿಯಿತು. ಹಾಗೆಯೇ 2011ರಲ್ಲಿ 'ಗೂಗಲ್ ಪ್ಲಸ್‌' ಹೆಸರಿನ ಮತ್ತೊಂದು ಸೋಶಿಯಲ್‌ ತಾಣವನ್ನು ಅಭಿವೃದ್ಧ ಪಡೆಸಿದ್ದು, ಈ ತಾಣವು ಸಹ ಗೂಗಲ್‌ ನಿರೀಕ್ಷಯ ಮಟ್ಟ ತಲುಪಲಿಲ್ಲ. ಇತ್ತೀಚಿಗೆ ಗೂಗಲ್ ಫ್ಲಸ್‌ ಖಾಯಂ ಬಾಗಿಲು ಮುಚ್ಚಿತು.

ಶೂಲೆಸ್‌ ಆಪ್‌ ಲಭ್ಯತೆ

ಗೂಗಲ್‌ ಸಂಸ್ಥೆಯ ನೂತನ ಸೋಶಿಯಲ್ ತಾಣ ಶೂಲೆಸ್‌ ಅಪ್ಲಿಕೇಶನ್ ಆರಂಭದಲ್ಲಿ ಸದ್ಯ 'ನ್ಯೂಯರ್ಕ್' ರಾಷ್ಟ್ರದಲ್ಲಿ ಲಭ್ಯವಿದೆ. ಆದರೆ ಉಳಿದ ರಾಷ್ಟ್ರಗಳಿಗೆ ಶೂಲೆಸ್‌ ಆಪ್‌ ಅನ್ನು ಯಾವಾಗ ವಿಸ್ತರಿಸಲಿದೆ ಎನ್ನುವ ಬಗ್ಗೆ ಕಂಪನಿಯು ಮಾಹಿತಿಯನ್ನು ಹೊರಹಾಕಿಲ್ಲ. ಬಹುತೇಕ ಸೋಶಿಯಲ್‌ ಆಪ್ಸ್‌ ಪ್ರಿಯರು ಗೂಗಲ್ ಶೂಲೆಸ್ ಆಪ್‌ ಅನ್ನು ಎದುರುನೋಡುತ್ತಿದ್ದಾರೆ.