ಕೊರೊನಾ ವಿರುದ್ದ ಹೋರಾಡಲಿದೆ ಈ ಹೊಸ ವ್ಯಾಕ್ಸಿನ್‌! ಆನ್‌ಲೈನ್‌ನಲ್ಲಿ ನೋಂದಾಯಿಸಲು ಹೀಗೆ ಮಾಡಿ!

ಹೌದು, ಭಾರತದಲ್ಲಿ ನಾಸಲ್ ವ್ಯಾಕ್ಸೀನ್ ಅನ್ನು ಬೂಸ್ಟರ್‌ ಡೋಸ್‌ ಆಗಿ ಬಳಸುವುದಕ್ಕೆ ಭಾರತ ಸರ್ಕಾರ ಅನುಮೋದಿಸಿದೆ. ಹದಿನೆಂಟು ವರ್ಷಕ್ಕಿಂತ ಮೇಲ್ಪಟ್ಟ ನಾಗರಿಕರು ಈ ವ್ಯಾಕ್ಸಿನ್‌ ಅನ್ನು ತೆಗೆದುಕೊಳ್ಳಬಹುದಾಗಿದೆ. ಭಾರತ್ ಬಯೋಟೆಕ್‌ನ ಇಂಟ್ರಾನಾಸಲ್ ಕೋವಿಡ್ ವ್ಯಾಕ್ಸಿನ್‌ ಇದೀಗ ಬೂಸ್ಟರ್‌ ಡೋಸ್‌ ಆಗಿ ದೊರೆಯಲಿದೆ. ಇದನ್ನು ಹೆಟೆರೊಲಾಜಸ್ ಬೂಸ್ಟರ್ ಆಗಿ ಬಳಸಲಾಗುವುದು ಎನ್ನಲಾಗಿದೆ. ಹಾಗಾದ್ರೆ ನಾಸಲ್ ವ್ಯಾಕ್ಸೀನ್ ಅನ್ನು ಪಡೆಯಲು ಆನ್‌ಲೈನ್‌ ಮೂಲಕ ಬುಕ್ಕಿಂಗ್‌ ಮಾಡೋದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಕೋವಿಡ್-19 ನಾಸಲ್ ವ್ಯಾಕ್ಸೀನ್ ಅನ್ನು ಯಾರೆಲ್ಲ ಪಡೆಯಬಹುದು?

ಕೇಂದ್ರ ಸರ್ಕಾರವು ಅನುಮೋದಿಸಿರುವ ಭಾರತ್ ಬಯೋಟೆಕ್‌ನ ಇಂಟ್ರಾನಾಸಲ್ ವ್ಯಾಕ್ಸಿನ್‌ iNCOVACC ಅನ್ನು 18 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನವರು ಪಡೆಯಬಹುದು ಎಂದು ಹೇಳಲಾಗಿದೆ. ಅಲ್ಲದೆ ಈ ವ್ಯಾಕ್ಸಿನ್‌ ಅನ್ನು Covaxin ಅಥವಾ Covishield ನ 2 ಡೋಸ್‌ಗಳನ್ನು ತೆಗೆದುಕೊಂಡ ವಯಸ್ಕರು ಬೂಸ್ಟರ್‌ ಡೂಸ್‌ ಆಗಿ ತೆಗೆದುಕೊಳ್ಳಬಹುದಾಗಿದೆ.

ನಾಸಲ್ ವ್ಯಾಕ್ಸೀನ್ ಎಲ್ಲಿ ಲಭ್ಯವಾಗಲಿದೆ?

ಮೂಗಿನ ಮೂಲಕ ತೆಗೆದುಕೊಳ್ಳಬಹುದಾದ ಸೂಜಿ ಮುಕ್ತ ವ್ಯಾಕ್ಸಿನ್‌ ಇದಾಗಿದೆ. ಈ ವ್ಯಾಕ್ಸಿನ್‌ ಖಾಸಗಿ ಆಸ್ಪತ್ರೆಗಳಲ್ಲಿ ಲಭ್ಯವಿದ್ದು, ಜನರು CoWIN ಪ್ಲಾಟ್‌ಫಾರ್ಮ್ ಮೂಲಕ ಬುಕ್‌ ಮಾಡಬಹುದಾಗಿದೆ. ಈ ವ್ಯಾಕ್ಸಿನ್‌ ಅನ್ನು ಈಗಾಗಲೇ CoWIN ವೆಬ್‌ಸೈಟ್ ಮತ್ತು ಅಪ್ಲಿಕೇಶನ್ ಮೂಲಕ ಆನ್‌ಲೈನ್‌ನಲ್ಲಿ ಬುಕ್ಕಿಂಗ್‌ ಮಾಡುವುದಕ್ಕೆ ಅವಕಾಶ ನೀಡಲಾಗಿದೆ.

ಭಾರತದಲ್ಲಿ ನಾಸಲ್ ವ್ಯಾಕ್ಸೀನ್ ಬೆಲೆ ಎಷ್ಟು?

iNCOVACC ನಾಸಲ್ ವ್ಯಾಕ್ಸೀನ್ ಖಾಸಗಿ ಆಸ್ಪತ್ರೆಗಳಲ್ಲಿ 5% GST ಹೊರತುಪಡಿಸಿ 800 ರೂ. ಬೆಲೆಯನ್ನು ಪಡೆದಿದೆ. ಇದನ್ನು ಹೆಟೆರೊಲಾಜಸ್ ಬೂಸ್ಟರ್ ಆಗಿ ಬಳಸಲಾಗುವುದು ಮತ್ತು ಖಾಸಗಿ ಆಸ್ಪತ್ರೆಗಳಲ್ಲಿ ಮೊದಲು ಲಭ್ಯವಾಗಲಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಆನ್‌ಲೈನ್‌ನಲ್ಲಿ ಕೋವಿಡ್ ನಾಸಲ್ ವ್ಯಾಕ್ಸೀನ್ ಅನ್ನು ಬುಕ್ ಮಾಡುವುದು ಹೇಗೆ?

ಭಾರತ್ ಬಯೋಟೆಕ್-iNCOVACCನ ನಾಸಲ್ ವ್ಯಾಕ್ಸೀನ್ ಪ್ರಸ್ತುತ ದೇಶದ ಪ್ರಮುಖ ಖಾಸಗಿ ಆಸ್ಪತ್ರೆಗಳಲ್ಲಿ ಲಭ್ಯವಿದೆ. ಈ ವ್ಯಾಕ್ಸಿನ್‌ ಪಡೆಯುವುದಕ್ಕೆ ಆನ್‌ಲೈನ್‌ ಮೂಲಕ ನಿಮ್ಮ ಅಪಾಯಿಟ್‌ಮೆಂಟ್‌ ತೆಗೆದುಕೊಳ್ಳುವುದಕ್ಕೆ ಈ ಕೆಳಗಿನ ಹಂತಗಳನ್ನು ಅನುಸರಿಸಿ.
ಹಂತ:1 ಮೊದಲಿಗೆ ಕೋವಿನ್‌ ಅಧಿಕೃತ ವೆಬ್‌ಸೈಟ್ cowin.gov.in/ ಗೆ ಹೋಗಿ
ಹಂತ:2 ನಂತರ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯೊಂದಿಗೆ ಲಾಗಿನ್ ಮಾಡಿ.
ಹಂತ:3 ಇದೀಗ ಪರಿಶೀಲಿಸಲು OTP ನಮೂದಿಸಿ
ಹಂತ:4 ಒಮ್ಮೆ ಲಾಗ್ ಇನ್ ಮಾಡಿದ ನಂತರ, ನಿಮ್ಮ ವ್ಯಾಕ್ಸಿನ್‌ ಸ್ಟೆಟಸ್‌ ಅನ್ನು ಕ್ಲಿಕ್ ಮಾಡಿ ಮತ್ತು ಲಭ್ಯವಿರುವ ಬೂಸ್ಟರ್ ಡೋಸ್ ಅನ್ನು ಟ್ಯಾಪ್ ಮಾಡಿ.
ಹಂತ:5 ಪಿನ್‌ಕೋಡ್ ಅಥವಾ ಜಿಲ್ಲೆಯ ಹೆಸರಿನ ಮೂಲಕ ನಿಮ್ಮ ಹತ್ತಿರದ ವ್ಯಾಕ್ಸಿನೇಷನ್ ಸೆಂಟರ್‌ ಅನ್ನು ಹುಡುಕಿ
ಹಂತ:6 ನಿಮ್ಮ ಆಯ್ಕೆಯ ಪ್ರಕಾರ ವ್ಯಾಕ್ಸಿನ್‌ ಸೆಂಟರ್‌ ಅನ್ನು ಆಯ್ಕೆಮಾಡಿ
ಹಂತ:7 ಈಗ ನಾಸಲ್ ವ್ಯಾಕ್ಸೀನ್ ಬೂಸ್ಟರ್ ಡೋಸ್ ಪಡೆಯಲು ನಿಮ್ಮ ಆದ್ಯತೆಯ ದಿನಾಂಕ ಮತ್ತು ಸಮಯವನ್ನು ಆಯ್ಕೆಮಾಡಿ
ಹಂತ:8 ನಂತರ ನಿಮ್ಮ ಸ್ಲಾಟ್ ಅನ್ನು ದೃಢೀಕರಿಸಬಹುದಾಗಿದೆ.