ಟಿಕೆಟ್‌ ವೆಂಡಿಂಗ್ ಮೆಷಿನ್‌ನಲ್ಲಿ ಯುಪಿಐ ಬಳಸಿ ರೈಲು ಟಿಕೆಟ್ ಪಡೆಯಲು ಹೀಗೆ ಮಾಡಿ?

ಹೌದು, ಆನ್‌ಲೈನ್‌ನಲ್ಲಿ ರೈಲು ಟಿಕೆಟ್ ಬುಕಿಂಗ್ ಮಾಡುವುದು ಇಂದಿನ ದಿನಗಳಲ್ಲಿ ತುಂಬಾ ಸರಳವಾಗಿದೆ. ಇದಕ್ಕಾಗಿ ಯುಪಿಐ ಪಾವತಿ ಅಪ್ಲಿಕೇಶನ್‌ಗಳು ಸಾಕಷ್ಟು ಅನುಕೂಲ ಮಾಡಿಕೊಟ್ಟಿವೆ. ಆದರೆ ಕೆಲವೊಮ್ಮೆ ನೀವು ಅನಿರೀಕ್ಷಿತವಾಗಿ ರೈಲು ಪ್ರಯಾಣ ಮಾಡಬೇಕಾದ ಅನಿವಾರ್ಯತೆ ಬರಬಹುದು. ಇಂತಹ ಸಮಯದಲ್ಲಿ ರೈಲು ನಿಲ್ದಾಣದಲ್ಲಿರುವ ಟಿಕೆಟ್‌ ವೆಂಡಿಂಗ್ ಮೆಷಿನ್‌ನಲ್ಲಿ ನೀವು ಯುಪಿಐ ಪಾವತಿ ಅಪ್ಲಿಕೇಶನ್‌ ಬಳಸಿ ರೈಲು ಟಿಕೆಟ್‌ ಪಡೆಯಬಹುದು. ಹಾಗಾದ್ರೆ ರೈಲು ನಿಲ್ದಾಣದಲ್ಲಿ ಟಿಕೆಟ್‌ ವೆಂಡಿಂಗ್ ಮೆಷಿನ್‌ನಲ್ಲಿ ಯುಪಿಐ ಬಳಸಿ ಟಿಕೆಟ್‌ ಪಡೆಯುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ದೇಶಾದ್ಯಂತ ರೈಲು ನಿಲ್ದಾಣಗಳಲ್ಲಿ ಆಟೋಮ್ಯಾಟಿಕ್‌ ಟಿಕೆಟ್ ವಿತರಣಾ ಯಂತ್ರಗಳನ್ನು ಸ್ಥಾಪಿಸಲಾಗಿದೆ. ಈ ಮೆಷಿನ್‌ಗಳ ಮೂಲಕ ಡಿಜಿಟಲ್ ಟಿಕೆಟಿಂಗ್ ಸೇವೆಗಳನ್ನು ಪಡೆಯಬಹುದಾಗಿದೆ. ಇನ್ನು ರೈಲು ನಿಲ್ದಾಣಗಳಲ್ಲಿ ಡಿಜಿಟಲ್‌ ಟಿಕೆಟಿಂಗ್‌ ಸೇವೆಗಳನ್ನು ಬಳಕೆದಾರರು ಪಡೆಯುವುದಕ್ಕಾಗಿ ಪೇಟಿಎಂ ಭಾರತೀಯ ರೈಲ್ವೇಯೊಂದಿಗೆ ಸಹಯೋಗ ಹೊಂದಿದೆ. ಇದರಿಂದ ಬಳಕೆದಾರರು UPI ಮೂಲಕ ಟಿಕೆಟಿಂಗ್ ಸೇವೆಗಳಿಗೆ ಡಿಜಿಟಲ್ ಪಾವತಿ ಮಾಡುವ ಆಯ್ಕೆಯನ್ನು ಹೊಂದಿದ್ದಾರೆ. ಸದ್ಯ ಈ ಹೊಸ ಟಿಕೆಟಿಂಗ್ ಪ್ರಕ್ರಿಯೆಯು ಈಗಾಗಲೇ ಭಾರತದ ಕೆಲವು ರೈಲು ನಿಲ್ದಾಣಗಳಲ್ಲಿ ಎಲ್ಲಾ ATVM ಗಳಲ್ಲಿ ಲೈವ್ ಆಗಿದೆ.

ಇನ್ನು ಈ ಆಟೋಮ್ಯಾಟಿಕ್‌ ಟಿಕೆಟ್‌ ವೆಂಡಿಂಗ್‌ ಮೆಷಿನ್‌ಗಳಲ್ಲಿ ಲಭ್ಯವಿರುವ QR ಕೋಡ್‌ಗಳನ್ನು ಸ್ಕ್ಯಾನ್ ಮಾಡುವ ಮೂಲಕ ಪ್ರಯಾಣಿಕರು ಟಿಕೆಟ್‌ಗಳನ್ನು ಖರೀದಿಸಬಹುದು. ಇದರಲ್ಲಿ ನೀವು ಪ್ಲಾಟ್‌ಫಾರ್ಮ್ ಟಿಕೆಟ್‌ಗಳನ್ನು ಮಾತ್ರವಲ್ಲದೆ ರಿಸರ್ವೇಶನ್‌ ಟಿಕೆಟ್‌ ಅನ್ನು ಕೂಡ ಖರೀದಿಸಬಹುದು. ಇನ್ನು ಈ ಟಿಕೆಟ್‌ಗಳನ್ನು ಖರೀದಿಸುವುದಕ್ಕೆ ಪೇಟಿಎಂ ವ್ಯಾಲೆಟ್, ಪೇಟಿಎಂ UPI ಒಳಗೊಂಡಂತೆ ಪ್ರಯಾಣಿಕರು ವಿವಿಧ ಪಾವತಿ ಆಯ್ಕೆಗಳನ್ನು ಬಳಸಬಹುದು.

ಆಟೋಮ್ಯಾಟಿಕ್‌ ಟಿಕೆಟ್‌ ವೆಂಡಿಂಗ್ ಮೆಷಿನ್‌ನಲ್ಲಿ ಡಿಜಿಟಲ್ ಪಾವತಿಗಳನ್ನು ಬಳಸುವುದು ಹೇಗೆ ?

* ನೀವು ATVM ನಲ್ಲಿ, ಟಿಕೆಟ್ ಬುಕಿಂಗ್‌ಗಾಗಿ ಹೊರಡುವ ಮಾರ್ಗವನ್ನು ಆಯ್ಕೆಮಾಡಿ, ನಿಮ್ಮ ಸ್ಮಾರ್ಟ್ ಕಾರ್ಡ್‌ನ ವಿವರಗಳನ್ನು ನಮೂದಿಸಿ.
* ನಂತರ ATVM ನಿಮಗೆ QR ಕೋಡ್ ಅನ್ನು ಪ್ರದರ್ಶಿಸುತ್ತದೆ, ನಿಮ್ಮ Paytm ಅಪ್ಲಿಕೇಶನ್ ಅನ್ನು ಬಳಸಿ ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಮೂಲಕ ಹಣ ಪಾವತಿಸಬೇಕಾಗುತ್ತದೆ.
* ನೀವು ಕೋಡ್ ಅನ್ನು ಸ್ಕ್ಯಾನ್ ಮಾಡಿದಾಗ, ಮೆಷಿನ್‌ನಲ್ಲಿ ಟಿಕೆಟ್ ಅನ್ನು ಪಡೆದುಕೊಳ್ಳಬಹುದಾದು.

ಇನ್ನು ಈ ಪ್ರಕ್ರಿಯೆಯು ಕೇವಲ ಒಂದೆರಡು ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ ಮತ್ತು ಇದನ್ನು ಬಳಸುವುದರಿಂದ, ನೀವು ಸಾಕಷ್ಟು ಸಮಯವನ್ನು ಉಳಿಸಬಹುದಾಗಿದೆ.