10.1 ಇಂಚಿನ ಡಿಸ್‌ಪ್ಲೇಯ 'ಹಾನರ್‌ ಪ್ಯಾಡ್‌ X8' ಟ್ಯಾಬ್ಲೆಟ್ ಬಿಡುಗಡೆ: ಫೀಚರ್ಸ್‌ ಏನು?

ಹಾನರ್‌ ಕಂಪೆನಿಯು ನೂತನವಾಗಿ ಬಿಡುಗಡೆ ಮಾಡಿರುವ ಈ ಟ್ಯಾಬ್ಲೆಟ್‌ 10.1 ಇಂಚಿನ ಪೂರ್ಣ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಇದು 5,100mAh ಬ್ಯಾಟರಿ ಸಾಮರ್ಥ್ಯ ಪಡೆದಿದ್ದು, ಪೂರ್ಣ ಚಾರ್ಜ್‌ ಮಾಡಲು ಮೂರು ಗಂಟೆ ಸಮಯ ತೆಗೆದುಕೊಳ್ಳುತ್ತದೆ. ಹಿಂಬದಿಯಲ್ಲಿ 5 ಮೆಗಾಪಿಕ್ಸೆಲ್‌ ಕ್ಯಾಮೆರಾ ಸೆನ್ಸಾರ್‌ ಪಡೆದಿದ್ದು, 2 ಮೆಗಾಪಿಕ್ಸೆಲ್ ಸೆಲ್ಪಿ ಕ್ಯಾಮೆರಾ ಇದೆ.

ಹಾನರ್‌ ಪ್ಯಾಡ್‌ X8 ಟ್ಯಾಬ್ಲೆಟ್ ಡಾನ್‌ ಬ್ಲೂ ಮತ್ತು ಮಿಂಟ್ ಬಣ್ಣದ ಆಯ್ಕೆಗಳಲ್ಲಿ ಕಾಣಿಸಿಕೊಂಡಿದೆ. ಇದು ಹಾನರ್ ಹಿಸ್ಟನ್ ಸೌಂಡ್ ಎಫೆಕ್ಟ್‌ ಸೌಲಭ್ಯವನ್ನು ಪಡೆದುಕೊಂಡಿದೆ. ಇದರ ಡಿಸ್‌ಪ್ಲೇಯು 1,920 x 1,200 ಪಿಕ್ಸೆಲ್‌ ರೆಸಲ್ಯೂಶನ್ ಸಾಮರ್ಥ್ಯದಲ್ಲಿದೆ. ಹಾಗಾದರೆ ಇದರ ಹೆಚ್ಚಿನ ಫೀಚರ್ಸ್‌ಗಳನ್ನು ಈ ಲೇಖನದಲ್ಲಿ ಗಮನಿಸೋಣ.

ಹಾನರ್‌ ಪ್ಯಾಡ್‌ ಪ್ಯಾಡ್‌ ಡಿಸ್‌ಪ್ಲೇ ರಚನೆ

ಹಾನರ್‌ ಪ್ಯಾಡ್‌ X8 10.1 ಇಂಚಿನ ಪೂರ್ಣ ಹೆಚ್‌ಡಿ IPS ಡಿಸ್‌ಪ್ಲೇ ಜೊತೆಗೆ 1,920 x 1,200 ಹಾಗೂ 224PPI ರೆಸಲ್ಯೂಶನ್ ಹೊಂದಿದೆ. ಹಾಗೆಯೇ 16:10 ಆಕಾರ ಅನುಪಾತ, 224PPI ಪಿಕ್ಸೆಲ್ ಸಾಂದ್ರತೆ ಮತ್ತು 80.6% ಸ್ಕ್ರೀನ್-ಟು-ಬಾಡಿ ಅನುಪಾತದೊಂದಿಗೆ ಬರುತ್ತದೆ. ಏಕಕಾಲದಲ್ಲಿ 10 ಟಚ್‌ಗಳ ಸಾಮರ್ಥ್ಯ ಹೊದಿರುವ ಇದು 240.2 × 159 × 7.55mm ಇದ್ದು, 460g ತೂಗುತ್ತದೆ.

ಹಾನರ್‌ ಪ್ಯಾಡ್ X8 ಪ್ರೊಸೆಸರ್‌

ಇದು ಆಕ್ಟಾ ಕೋರ್ ಮಿಡಿಯಾಟೆಕ್‌ ಹಿಲಿಯೋ G80 ನಿಂದ ಚಾಲಿತವಾಗಿದೆ. ಹಾಗೆ ಮ್ಯಾಜಿಕ್ UI 4.0 ನೊಂದಿಗೆ ಆಂಡ್ರಾಯ್ಡ್10 ಆಧಾರಿತ ಮ್ಯಾಜಿಕ್ UI 4.0 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಪ್ಯಾಡ್ 4GB RAM ಮತ್ತು 128GB ಆಂತರಿಕ ಸ್ಟೋರೇಜ್ ಹಾಗೂ 6GB RAM ಮತ್ತು 128GB ಸಾಮರ್ಥ್ಯದ ಎರಡು ವೇರಿಯಂಟ್‌ನಲ್ಲಿ ಲಭ್ಯ ಇದೆ. ಜೊತೆಗೆ ಆಂತರಿಕ ಸಂಗ್ರಹವನ್ನು ಎಸ್‌ಡಿ ಕಾರ್ಡ್‌ ಮೂಲಕ 500+ GB ವರೆಗೂ ವಿಸ್ತರಣೆ ಮಾಡಿಕೊಳ್ಳಬಹುದಾಗಿದೆ.

ಕ್ಯಾಮೆರಾ ವಿಶೇಷತೆ:

ಪ್ಯಾಡ್ X8 f/2.2 ಇರುವ 5 ಮೆಗಾಪಿಕ್ಸೆಲ್ ಹಿಂಬದಿಯ ಕ್ಯಾಮೆರಾವನ್ನು ಹೊಂದಿದೆ. ಹಾಗೆಯೇ ಸೆಲ್ಫಿಗಳಿಗಾಗಿ f/2.2 ನ 2 ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾ ಹೊಂದಿದ್ದು, ಹಾನರ್‌ನ ಈ ಟ್ಯಾಬ್ಲೆಟ್ 5,100mAh ಬ್ಯಾಟರಿ ಸಾಮರ್ಥ್ಯದೊಂದಿಗೆ ಬರುತ್ತದೆ ಹಾಗೆ ಈ ಪ್ಯಾಡ್ ಎರಡು ಬಣ್ಣದ ಆಯ್ಕೆಗಳಲ್ಲಿ ಮಾರಾಟಕ್ಕೆ ಲಭ್ಯವಾಗಿದೆ.

ಬ್ಯಾಟರಿ ಸಾಮರ್ಥ್ಯ ಹಾಗೂ ಇತರೆ

ಹಾನರ್‌ ಪ್ಯಾಡ್ X8 ಒಳ್ಳೆಯ ಬ್ಯಾಟರಿ ಸಾಮರ್ಥ್ಯ ಪಡೆದಿದೆ. 5,100mAh ಬ್ಯಾಟರಿ ಸಾಮರ್ಥ್ಯ ಇದರಲ್ಲಿದ್ದು, ಈ ಬ್ಯಾಟರಿಯನ್ನು ಸಂಪೂರ್ಣವಾಗಿ ಚಾರ್ಜ್‌ ಮಾಡಲು ಬರೋಬ್ಬರಿ ಮೂರು ಗಂಟೆಗಳ ಸಮಯ ಮೀಸಲಿಡಬೇಕಿದೆ. ಈ ಪ್ಯಾಡ್‌ 1620 ಡ್ಯುಯಲ್ ದೊಡ್ಡ ಆಂಪ್ಲಿಟ್ಯೂಡ್ ಸ್ಪೀಕರ್‌ಗಳು, 2.2cc ಸೌಂಡ್ ಕ್ಯಾವಿಟಿ ಮತ್ತು ಹಾನರ್ ಹಿಸ್ಟನ್ ಸೌಂಡ್ ಎಫೆಕ್ಟ್‌ಗಳನ್ನು ಒಳಗೊಂಡಿದೆ. ಟ್ಯಾಬ್ಲೆಟ್‌ನಲ್ಲಿ ಬ್ಲೂಟೂತ್ 5.1, ವೈಫೈ 802.11 a/b/g/n/ac ವೈಶಿಷ್ಟ್ಯ ಇದ್ದು ಇದರಲ್ಲಿ ಹೆಡ್‌ಫೋನ್ ಜ್ಯಾಕ್ ಇಲ್ಲ.

ಬೆಲೆ ಹಾಗೂ ಲಭ್ಯತೆ

ಹಾನರ್‌ ಪ್ಯಾಡ್‌ X8 4GB RAM ಹಾಗೂ 128GB ಆಂತರಿಕ ಸ್ಟೋರೇಜ್ ವೇರಿಯಂಟ್‌ಗೆ ಸುಮಾರು CNY 1,199 ( ಭಾರತದಲ್ಲಿ ಅಂದಾಜು 13,700 ರೂ.ಗಳು) ಜೊತೆಗೆ 6GB RAM ಹಾಗೂ 128GB ಆಂತರಿಕ ಸ್ಟೋರೇಜ್ ವೇರಿಯಂಟ್‌ ಬೆಲೆ CNY 1,299 (ಭಾರತದಲ್ಲಿ ಅಂದಾಜು14,300 ರೂ. ಗಳು.) ಈ ಪ್ಯಾಡ್‌ X8 ಖರೀದಿಗೆ ಮುಂಗಡ ಆರ್ಡರ್‌ ಸೌಲಭ್ಯ ನೀಡಲಾಗಿದ್ದು, ಇವು ಚೀನಾದಲ್ಲಿ ಸೆಪ್ಟೆಂಬರ್ 22ರಿಂದ ಮಾರಾಟವಾಗಲಿದೆ. ಭಾರತದಲ್ಲಿ ಇದರ ಲಭ್ಯತೆ ಹಾಗೂ ಮಾರಾಟದ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ತಿಳಿದುಬಂದಿಲ್ಲ.