ಹ್ಯಾಕರ್‌ನಿಂದ ಬ್ಯಾಂಕ್‌ಖಾತೆ, ವೈಯಕ್ತಿಕ ಮಾಹಿತಿಗಳ ಸುರಕ್ಷತೆ ಹೇಗೆ ?

ಪಾಸ್‌ವರ್ಡ್‌ ಬದಲಿಸಿ

ನೀವು ಆನ್‌ಲೈನ್ ಬ್ಯಾಂಕ್‌ ಬಳಸುತ್ತಿದ್ದಲ್ಲಿ ಅಥವಾ ಕೆಲವೊಮ್ಮೆ ಫೇಸ್‌ಬುಕ್‌ ತಾಣಗಳಿಂದ, ಇಂಟರ್ನೆಟ್‌ ಮೂಲಕ ಹ್ಯಾಕಿಂಗ್‌ಗೆ ಗುರಿಯಾಗುವ ಸನ್ನಿವೇಶಗಳಿರುತ್ತವೆ. ನಿಮಗೆ ಸಂಶಯ ಬಂದಲ್ಲಿ ಅಂತಹ ಸಂದರ್ಭದಲ್ಲಿ ನಿಮ್ಮ ಬ್ಯಾಕ್‌ ಖಾತೆ ಮತ್ತು ಫೇಸ್‌ಬುಕ್‌ ಖಾತೆಗಳ ಪಾಸ್‌ವರ್ಡ್‌ ಅನ್ನು ಬದಲಿಸಿ. ಹೀಗೆ ಮಾಡುವುದರಿಂದ ಹ್ಯಾಕರ್‌ಗಳು ನಿಮ್ಮ ಖಾತೆಯ ಆಕ್ಸೆಸ್‌ ಅನ್ನು ಕಡಿತಗೊಳಿಸಲು ಸಹಾಯಕವಾಗುತ್ತದೆ.

ಬ್ಯಾಂಕ್‌ ಖಾತೆಗಳ ಮೇಲ್ವಿಚಾರಣೆ

ಕೆಲವೊಮ್ಮೆ ನಿಮ್ಮ ಬ್ಯಾಂಕ್‌ ಖಾತೆಯ ಹಣದಲ್ಲಿ ಏರು ಪೇರು ಕಂಡಾಗ ಖಂಡಿತ ಹ್ಯಾಕರ್‌ಗಳು ಬೆನ್ನು ಬಿದ್ದಿರುವಲ್ಲಿ ಸಂಶಯವೇ ಇಲ್ಲ. ನಿಮ್ಮ ಬ್ಯಾಂಕ್‌ ಖಾತೆಯ ಹಣವನ್ನು ಪರಿಶೀಲಿಸಿ. ಸ್ವಲ್ಪ ಹಣ ವ್ಯತ್ಯಾಸ ಬಂದರು ಸಹ ಬ್ಯಾಂಕ್‌ನಲ್ಲಿ ವಿಚಾರಿಸಿ ಖಚಿತ ಪಡಿಸಿಕೊಳ್ಳಿ.

ವಂಚನೆಗಳ ಕುರಿತು ತಿಳಿಯಿರಿ

ಒಮ್ಮೆ ಹ್ಯಾಕ್‌ ಬಗ್ಗೆ ಸಾರ್ವಜನಿಕವಾಗಿ ಸುದ್ದಿಯಾದಲ್ಲಿ ಟೆಕ್‌ ಬುದ್ಧಿಶಾಲಿಗಳು ಸಹ ಒಮ್ಮೆ ವಯಕ್ತಿಕ ಮಾಹಿತಿಯನ್ನು ಕದ್ದಾಲಿಕೆ ಮಾಡಲು ಪ್ರಯತ್ನಿಸುತ್ತಾರೆ. ಆದ್ದರಿಂದ ಎಚ್ಚರಿಕೆ ವಹಿಸಿ.

ಇಮೇಲ್‌ ಮತ್ತು ಫೋನ್‌

ಹ್ಯಾಕರ್‌ಗಳು ಇಮೇಲ್‌ ಮತ್ತು ಫೋನ್‌ ಮಾಡಿ ಸಹ ಕಂಪನಿಯವರು ಎಂದು ಹೇಳಿ ನಿಮ್ಮ ಬ್ಯಾಂಕ್‌ ಖಾತೆ ಬಗ್ಗೆ ಮಾಹಿತಿ ಕೇಳಬಹುದು. ಕಾರಣ ಇತ್ತೀಚಿನ ದಿನಗಳಲ್ಲಿ ಕೆಲವು ಕಂಪನಿಗಳು ಬ್ಯಾಂಕ್‌ ಮಾಹಿತಿ ಕೇಳುವುದರಿಂದ ಇಂತಹ ತಂತ್ರವನ್ನು ಹ್ಯಾಕರ್‌ಗಳು ಬಳಸುತ್ತಾರೆ. ಆದ್ದರಿಂದ ಎಚ್ಚರ ವಹಿಸಿ.

ಇಮೇಲ್‌ ಲಿಂಕ್‌

ಇತ್ತೀಚೆಗೆ ಹ್ಯಾಕರ್‌ಗಳು ಇಮೇಲ್‌ ಮೂಲಕ ಸುಲಭವಾಗಿ ನಿಮ್ಮ ಮಾಹಿತಿಗಳನ್ನು ಹ್ಯಾಕ್‌ ಮಾಡುತ್ತಾರೆ. ಕೆಲವೊಮ್ಮೆ ನಿಮ್ಮ ಇಮೇಲ್‌ಗಳಲ್ಲಿಯೇ ಕೆಲವೊಂದು ಲಿಂಕ್‌ಗಳ ಮೇಲೆ ಕ್ಲಿಕ್‌ ಮಾಡಿ ಎಂಬ ಮಾಹಿತಿ ನೋಡಿ ಕ್ಲಿಕ್‌ ಮಾಡುತ್ತೀರಿ. ನಂತರದಲ್ಲಿ ಫೇಕ್‌ ವೆಬ್‌ಸೈಟ್‌ಗಳು ಉಚಿತ ಯಾವುದಾದರೂ ಆಫರ್‌ ತೋರಿಸಿ ಲಾಗಿನ್‌ ಆಗಲು ಮಾಹಿತಿ ಕೇಳುತ್ತವೆ. ಇಂತಹ ಸಂದರ್ಭದಲ್ಲಿ ಲಾಗಿನ್‌ ಆಗದಿರಿ. ಕೇವಲ ನೀವು ಲಾಗಿನ್‌ ಮಾಹಿತಿ ನೀಡಿದ ತಕ್ಷಣ ಹ್ಯಾಕರ್‌ಗಳು ನಿಮ್ಮ ಖಾತೆಯನ್ನು ಹ್ಯಾಕ್‌ ಮಾಡಲು ಸಹಾಯಕವಾಗುತ್ತದೆ.

ಫೇಕ್‌ ವೆಬ್‌ಸೈಟ್‌ ಕಂಡುಹಿಡಿಯುವುದು ಹೇಗೆ ?

ಸಂಶಯ ಬಂದ ವೆಬ್‌ಸೈಟ್‌ಗಳ ಲಿಂಕ್‌ ಮೇಲೆ ಕ್ಲಿಕ್‌ ಮಾಡುವ ಬದಲು ಅಡ್ರೆಸ್‌ಬಾರ್‌ನಲ್ಲಿ ಆ ವೆಬ್‌ಸೈಟ್‌ ಅಡ್ರೆಸ್‌ ಮೊದಲಿಗೆ https://- ಎಂದು ಟೈಪ್‌ ಮಾಡಿ. ನಂತರದಲ್ಲಿ ಆ ವೆಟ್‌ಸೈಟ್‌ ಎರರ್‌ ಬಂದಲ್ಲಿ ಅಥವಾ ಲಾಗಿನ್‌ ಕೇಳದಿದಲ್ಲಿ ಅದು ಫೇಕ್‌ ವೆಬ್‌ಸೈಟ್‌ ಎಂದು ಖಚಿತವಾಗುತ್ತದೆ.

ಹ್ಯಾಕಿಂಗ್‌ ಯೋಜನೆಯಲ್ಲಿ ತೊಡಗಿದ್ದವರ ಬಂಧನ

60 ದಶಲಕ್ಷ ಜನರನ್ನು ಹ್ಯಾಕ್‌ ಮಾಡುವ ಉದ್ದೇಶ ಹೊಂದಿದ್ದ, ಹ್ಯಾಕಿಂಗ್‌ ಯೋಜನೆಯಲ್ಲಿ ತೊಡಗಿದ್ದ ಮೂವರು ಪುರಷರನ್ನು ಅಮೇರಿಕ ಬಂಧಿಸಿದೆ.

ವಯಕ್ತಿಕ ಮಾಹಿತಿ ಹ್ಯಾಕಿಂಗ್‌

ಬಂಧನಕ್ಕೆ ಒಳಗಾದ ಮೂವರು ಪುರುಷರು ಸಹ 60 ದಶಲಕ್ಷ ಜನರ ವಯಕ್ತಿಕ ಮಾಹಿತಿ ಹ್ಯಾಕ್‌ ಮಾಡುವ ಯೋಜನೆಯಲ್ಲಿ ತೊಡಗಿದ್ದು, ಹ್ಯಾಕಿಂಗ್‌ಗೆ ಕಾಮ್‌ಕಾಸ್ಟ್‌ ಗ್ರಾಹಕರು ಸಹ ಒಳಗಗಾಗಿದ್ದಾರೆ ಎಂದು ಅಮೇರಿಕ ಪ್ರಾಸಿಕ್ಯೂಟರು ಘೋಷಿಸಿದ್ದಾರೆ.

ಬಂಧನಕ್ಕೆ ಒಳಗಾದವರು

ಹ್ಯಾಕಿಂಗ್ ದೋಷಾರೋಪಣೆಯಡಿಯಲ್ಲಿ ತಿಮೋತಿ ಲಿವಿಂಗ್ಸ್ಟನ್, 30, ಟೊಮಾಸ್ಜ್ ಖೀಲಾರ್ಜ್‌, 32, ಮತ್ತು ಡೆವಿನ್ ಮ್ಯಾಕ್ಆರ್ಥರ್, 27 ಇವರುಗಳನ್ನು ಇತರ ಅಪರಾಧಗಳ ಅಡಿಯಲ್ಲಿಯೂ ಸಹ ಬಂಧಿಸಿದ್ದು, ನ್ಯೂಜರ್ಸಿ ಫೆಡರಲ್‌ ನ್ಯಾಯಾಲಯದ ವ್ಯಾಪ್ತಿಯಲ್ಲಿ ದೋಷಾರೋಪಣೆಯನ್ನು ಸಲ್ಲಿಸಲಾಗಿದೆ.

ಇಮೇಲ್‌ ಖಾತೆ

ನ್ಯೂಯಾರ್ಕ್‌ ಟೆಲಿಕಂಮ್ಯೂನಿಕೇಷನ್‌ ಕಂಪನಿಯ ಹಲವು ಗ್ರಾಹಕರು ಸಹ ಈ ಹ್ಯಾಕಿಂಗ್‌ಗೆ ಇಮೇಲ್‌ ಮೂಲಕ ಒಳಗಾಗಿರುವ ಬಗ್ಗೆ ಆರೋಪಿಗಳು ಹೇಳಿದ್ದಾರೆ.