2015: ಸೆಲ್ಫಿಗೆ ಪ್ರಾಣ ತೆತ್ತವರಲ್ಲಿ ಭಾರತೀಯರೇ ಅಧಿಕ

ಭಾರತೀಯರು ಅರ್ಧದಷ್ಟು

ಪ್ರಪಂಚದಾದ್ಯಂತ ಸೆಲ್ಫಿ ಫೋಟೋ ತೆಗೆಯಲು ಹೋಗಿ ಸಾವಿಗೀಡಾದವರ ಒಟ್ಟು ಸಂಖ್ಯೆಯಲ್ಲಿ ಅರ್ಧದಷ್ಟು ಸಂಖ್ಯೆ ಭಾರತೀಯರೇ ಇದ್ದಾರೆ ಎಂದು ವಾಷಿಂಗ್ಟನ್‌ ಪೋಸ್ಟ್‌ ವರದಿ ಮಾಡಿದೆ.

27 ಜನರು

ಕಳೆದ ವರ್ಷ ಸೆಲ್ಫಿ ತೆಗೆಯಲು ಹೋಗಿ ಪ್ರಾಣ ಕಳೆದುಕೊಂಡವರ ಸಂಖ್ಯೆ ಸುಮಾರು 27 ಜನರು ಎಂದು ವಾಷಿಂಗ್ಟನ್‌ ಪೋಸ್ಟ್‌ ಹೇಳಿದೆ.

ಅಗ್ರಾದ ಮಥುರಾ

ಅಗ್ರಾದ ಮಥುರಾದಲ್ಲಿ ಕಳೆದ ವರ್ಷ 3 ಕಾಲೇಜು ವಿದ್ಯಾರ್ಥಿಗಳು ವೇಗವಾಗಿ ಚಲಿಸುತ್ತಿರುವ ರೈಲಿನ ಮುಂದೆ ಸೆಲ್ಫಿ ಫೋಟೋ ತೆಗೆದುಕೊಳ್ಳಲು ಹೋಗಿ ಪ್ರಾಣ ಕಳೆದುಕೊಂಡಿದ್ದಾರೆ.

7 ಹುಡುಗರು

ಕಳೆದ ಮಾರ್ಚ್‌ ತಿಂಗಳಿನಲ್ಲಿ 7 ಹುಡುಗರ ಗುಂಪೊಂದು ತಮ್ಮ ಗೆಳೆಯನ ಹುಟ್ಟುಹಬ್ಬದ ಆಚರಣೆಗೆಂದು ಹೊರ ಪ್ರದೇಶಕ್ಕೆ ಹೋಗಿ ನದಿಯ ಮಧ್ಯದಲ್ಲಿ ದೋಣಿಯಲ್ಲಿ ಕುಳಿತು ಸೆಲ್ಫಿ ತೆಗೆಯಲು ಹೋಗಿ ದೋಣಿ ಮಗುಚಿಕೊಂಡು ಏಳು ಹುಡುಗರು ಸಹ ಪ್ರಾಣ ಕಳೆದುಕೊಂಡಿದ್ದಾರೆ.

ಜಪಾನ್‌ ಪ್ರವಾಸಿ

2015ರ ಸೆಪ್ಟೆಂಬರ್‌ ತಿಂಗಳಿನಲ್ಲಿ ತಾಜ್‌ಮಹಲ್‌ನ ಅತ್ಯಂತ ಎತ್ತರದ ಮೆಟ್ಟಿಲುಗಳ ಮೇಲೆ ನಿಂತು ಸೆಲ್ಫಿ ತೆಗೆದುಕೊಳ್ಳುವ ವೇಳೆ ಕಾಲು ಜಾರಿ ಬಿದ್ದು ಜಪಾನ್‌ ಪ್ರವಾಸಿಗನೊಬ್ಬ ಮೃತಪಟ್ಟಿದ್ದನು.

ಇಂಜಿನಿಯರಿಂಗ್‌ ವಿದ್ಯಾರ್ಥಿ

ತಮಿಳುನಾಡಿನ ಇಂಜಿನಿಯರಿಂಗ್‌ ವಿದ್ಯಾರ್ಥಿಯೊಬ್ಬ ನಮಕ್ಕಲ್‌ ಪ್ರದೇಶದಲ್ಲಿ ಬಂಡೆಯ ಮೇಲೆ ನಿಂತು ಫೋಟೋ ತೆಗೆಯಲು ಹೋಗಿ 60 ಅಡಿ ಆಳದ ಕೊರಕಲು ಒಳಗೆ ಬಿದ್ದು ಮೃತಪಟ್ಟಿದ್ದನು.

ಸಾವುಗಳು 2016ರಲ್ಲೂ ಸಹ ಹೆಚ್ಚಿವೆ

ಸೆಲ್ಫಿಗೆ ಸಂಬಂಧ ಪಟ್ಟ ಸಾವುಗಳು 2016ರಲ್ಲೂ ಸಹ ಹೆಚ್ಚಿದ್ದು, ಮುಂಬೈ ಪೊಲೀಸರು 16 ಸೆಲ್ಫಿ ರಹಿತ ವಲಯಗಳನ್ನಾಗಿ ಗುರುತಿಸಿ ಪ್ರಕಟಗೊಳಿಸಿದ್ದಾರೆ.

ರಜೆ ದಿನಗಳು

ರಜೆ ದಿನಗಳು ಬಂತೆಂದರೆ ಪ್ರವಾಸಕ್ಕೆ, ಟ್ರಕ್ಕಿಂಗ್‌ ಎಂದು ಹೊರಡುವ ಎಲ್ಲರೂ ಸಹ ಇನ್ನು ಮುಂದಾದರು ಸೆಲ್ಫಿ ಫೋಟೋ ತೆಗೆದುಕೊಳ್ಳುವ ಮುನ್ನ ಜಾಗರೂಕತೆ ವಹಿಸಬೇಕಾಗಿದೆ.

ಗಿಜ್‌ಬಾಟ್‌