4ಜಿ ಡೌನ್​ಲೋಡ್​ ಸ್ಪೀಡ್‌ನಲ್ಲಿ ಭಾರತಕ್ಕೆ ಕೊನೆ ಸ್ಥಾನ!..ಪಾಕಿಸ್ತಾನದಲ್ಲಿಯೇ ಹೆಚ್ಚು ಸ್ಪೀಡ್!!

ಸಮೀಕ್ಷೆ ನಡೆದದ್ದು ಹೇಗೆ?

ಪ್ರಪಂಚದಾದ್ಯಂತ 77 ದೇಶಗಳಲ್ಲಿ 4G ಲಭ್ಯತೆ ಮತ್ತು 4G ವೇಗವನ್ನು ಹೋಲಿಸಲು 3.8 ದಶಲಕ್ಷ ಸ್ಮಾರ್ಟ್ಫೋನ್ ಮತ್ತು ಇತರ ಮೊಬೈಲ್ ಸಾಧನ ಬಳಕೆದಾರರಿಂದ ಮಾಹಿತಿ ಸಂಗ್ರಹಿಸಲಾಗಿದೆ. 50 ಬಿಲಿಯನ್‌ಗಿಂತಲೂ ಹೆಚ್ಚಿನ ಮಾಪನಗಳನ್ನು ಲೆಕ್ಕಹಾಕಿ ಈ ಸಮೀಕ್ಷೆ ನಡೆಸಲಾಗಿದೆ ಎಂದು ಓಪನ್ ಸಿಗ್ನಲ್ ಹೇಳಿದೆ

ಭಾರತದಲ್ಲಿ 4G ಡೌನ್​ಲೋಡ್​ ಸ್ಪೀಡ್!!

ನೀವು ನಂಬಿದರೆ ನಂಬಿ ಬಿಟ್ಟರೆ ಬಿಡಿ ಭಾರತದಲ್ಲಿನ ಸರಾಸರಿ 4ಜಿ ಡೌನ್​ಲೋಡ್​ ಸ್ಪೀಡ್​ 6.1 ಎಂಬಿಪಿಎಸ್ ಮಾತ್ರ.!! ಇದು ಜಾಗತಿಕ ಸರಾಸರಿಯಾದ 16.6 ಎಂಬಿಪಿಎಸ್​ಗಿಂತಲೂ 10 ಎಂಬಿಪಿಎಸ್​ ಕಡಿಮೆ ಇರುವುದರಿಂದ 77 ರಾಷ್ಟ್ರಗಳಲ್ಲಿ ಭಾರತ ಕೊನೆಯ ಸ್ಥಾನವನ್ನು ಪಡೆಯಲು ಕಾರಣವಾಗಿದೆ.!!

ಭಾರತದಲ್ಲಿ ಜಿಯೋ ಬೆಸ್ಟ್!!

ಭಾರತದಲ್ಲಿ ಶೇ. 84 ಬಾರಿ 4ಜಿ ನೆಟ್​ವರ್ಕ್​ ಸಮರ್ಪಕವಾಗಿ ಕಾರ್ಯ ನಿರ್ವಹಿಸುವುದಿಲ್ಲ. ದೇಶದಲ್ಲಿ 4 ಜಿ ಸೇವೆ ನೀಡುತ್ತಿರುವ ಕಂಪನಿಗಳಲ್ಲಿ ರಿಲಯನ್ಸ್​ ಜಿಯೋ ಅತ್ಯಂತ ವೇಗದ ಇಂಟರ್​ನೆಟ್ ಸೇವೆ ಒದಗಿಸುತ್ತಿದೆ. ಉಳಿದ ಕಂಪನಿಗಳ ಇಂಟರ್​ನೆಟ್​ ಸ್ಪೀಡ್​ ಹೆಚ್ಚಿಲ್ಲ ಎಂದು ವರದಿ ತಿಳಿಸಿದೆ.

ಹೆಚ್ಚು ಸ್ಪೀಡ್ ಡೇಟಾ ನೀಡುತ್ತಿರುವ ದೇಶಗಳು!!

ವಿಶ್ವದಲ್ಲೇ ಅತ್ಯಂತ ಹೆಚ್ಚು ಡೌನ್​ಲೋಡ್​ ಸ್ಪೀಡ್​ ಕಲ್ಪಿಸುತ್ತಿರುವ ದೇಶ ಎಂಬ ಖ್ಯಾತಿಗೆ ಸಿಂಗಾಪುರ ಪಾತ್ರವಾಗಿದೆ. ಇಲ್ಲಿ 4ಜಿ ಡೌನ್​ಲೋಡ್​ ಸ್ಪೀಡ್​ 46.64 ಎಂಬಿಪಿಎಸ್​ ಇದೆ.! ಇನ್ನು ಸ್ಥಿರತೆಯಲ್ಲಿ ದಕ್ಷಿಣ ಕೊರಿಯಾ ಮೊದಲಿದ್ದರೆ, ನಾರ್ವೆ, ಹಂಗೇರಿ ಮತ್ತು ನೆದರ್​ಲೆಂಡ್ ದೇಶಗಳು ನಂತರದ ಸ್ಥಾನ ಪಡೆದಿವೆ.!!

ಟೆಲಿಕಾಂ ಕಂಪೆನಿಗಳ ಸುಳ್ಳು!!

ದೇಶದ ಪ್ರತಿಯೊಬ್ಬರಿಗೂ ಅತ್ಯಂತ ವೇಗದ 4 ಜಿ ಸೇವೆ ಒದಗಿಸುತ್ತಿರುವುದಾಗಿ ಭಾರತದ ಟೆಲಿಕಾಂ ಸೇವಾ ಕಂಪನಿಗಳು ಹೇಳಿಕೊಳ್ಳುತ್ತಿವೆ. ಆದರೆ, ಜಿಯೋ ಬಿಟ್ಟರೆ ಇನ್ನಾವ ಟೆಲಿಕಾಂ ಕಂಪೆನಿಗಳು ಕೂಡ ಸರಿಯಾದ 4G ವೇಗದ ಡೇಟಾವನ್ನು ಒದಗಿಸಲು ವಿಫಲವಾಗಿವೆ.!!