Related Articles
ರಿಲಯನ್ಸ್ ಮಾಲೀಕತ್ವದ ಜಿಯೋ ದೇಶದ ಮಾರುಕಟ್ಟೆಯಲ್ಲಿ ಬೆಳೆಯುತ್ತಿರುವ ವೇಗವನ್ನು ಸಹಿಸದ ಇತರೆ ಟೆಲಿಕಾಂ ಕಂಪನಿಗಳು ಜಿಯೋಗೆ ಕರೆ ಸಂಪರ್ಕಿಸದೆ, ಕಾಲ್ ಡ್ರಾಪ್‌ ಮಾಡುತ್ತಿದ್ದವು. ಆದರೆ ಇಂದಿನ ದಿನದಲ್ಲಿ ಈ ಪರಿಸ್ಥಿತಿ ಸುಧಾರಿಸಿದ್ದು, ಜಿಯೋ ಜೊತೆಗೆ ಏರ್‌ಟೆಲ್, ವೊಡೋಪೋನ್ ಮತ್ತು ಐಡಿಯಾ ಕಂಪನಿಗಳು ಕರೆ ಸಂಪರ್ಕ ಸುಧಾರಿಸಿದೆ ಎಂದಿದೆ.
ಓದಿರಿ: 7,800mAh ಬ್ಯಾಟರಿ ಸಾಮಾರ್ಥ್ಯದ ಆಸಸ್ ಜೆನ್‌ಪಾಡ್ 3ಎಸ್ 10 ಟ್ಯಾಬ್ಲೆಟ್
ಕಾಲ್ ಡ್ರಾಪ್‌ ಸಮಸ್ಯೆಯಿಂದಾಗಿ ಜಿಯೋ ಇಂದ ಯಾವುದೇ ನೆಟ್‌ವರ್ಕ್ ಕರೆ ಮಾಡಿದರು ಕನೆಕ್ಟ್ ಆಗದೆ ತುಂಬ ಸಮಸ್ಯೆ ಎದುರಿಸಬೇಕಾಗಿತ್ತು. ಆದರೆ ಸದ್ಯದ ಪರಿಸ್ಥಿತಿಯಲ್ಲಿ ಈ ಸಮಸ್ಯೆ ನಿವಾರಣೆಯಾಗಿದೆ ಎಂದು ಟ್ರಾಯ್‌ ಅಧ್ಯಕ್ಷ ಆರ್‌.ಎಸ್. ಶರ್ಮ ತಿಳಿಸಿದ್ದಾರೆ.
ಈ ಮೊದಲು ಜಿಯೋಯಿಂದ 1000 ಕರೆಗಳನ್ನು ಮಾಡಿದರೆ ಅದರಲ್ಲಿ 175 ಕರೆಗಳು ಡ್ರಾಪ್‌ ಆಗುತ್ತಿದ್ದವು. ಆದರೆ ಇದು ಈ ದಿನಗಳಲ್ಲಿ ಕಡಿಮೆಯಾಗಿದ್ದು, 1000 ಕರೆಗಳಲ್ಲಿ ಕೇವಲ 5 ಕರೆಗಳು ಮಾತ್ರ ಡ್ರಾಪ್‌ ಆಗುತ್ತಿವೆ ಎಂದು ಅವರು ತಿಳಿಸಿದ್ದಾರೆ.
ಓದಿರಿ: ಮತ್ತೆ ಮಾರುಕಟ್ಟೆಗೆ ಬರಲಿದೆ ನೋಕಿಯಾ 1100...!!!!
ಜಿಯೋ ಈ ಕುರಿತು ದೂರು ನೀಡಿದ ಹಿನ್ನಲೆಯಲ್ಲಿ ಟ್ರಾಯ್‌ ಏರ್‌ಟೆಲ್, ಐಡಿಯಾ ಮತ್ತು ವೊಡೋಪೋನ್ ಕಂಪನಿಗಳಿಗೆ ತಮ್ಮ ಸೇವೆಯನ್ನು ಹೆಚ್ಚಿಸುವಂತೆ ಎಚ್ಚರಿಕೆಯನ್ನು ನೀಡಿತ್ತು. ಈ ಹಿನ್ನಲೆಯಲ್ಲಿ ಈ ಟೆಲಿಕಾಮ್ ಕಂಪನಿಗಳು ತಮ್ಮ ಸೇವೆಯನ್ನು ವೃದ್ಧಿಸಿದ್ದು, ಇನ್ನುಮುಂದೆ ಯಾವುದೇ ತೊಂದರೆ ಇಲ್ಲದೇ ಕೆರೆ ಮಾಡಬಹುದಾಗಿದೆ.
