ಜಿಯೋ ಪ್ರೈಮ್ ಬಳಕೆದಾರರಿಗೆ ಟ್ರಾಯ್ ನೀಡಿದೆ ಸಿಹಿ ಸುದ್ದಿ

ಜಿಯೋ ದೇಶದಲ್ಲಿ ಅತೀ ವೇಗದ 4G :

ಆದರೆ ಸದ್ಯ ಜಿಯೋ ದೇಶದಲ್ಲಿ ಅತೀ ವೇಗದ 4G ಡೌನ್‌ಲೋಡ್ ಸೇವೆಯನ್ನು ನೀಡುತ್ತಿದೆ ಎಂದು ಟ್ರಾಯ್ ಬಿಡುಗಡೆ ಮಾಡಿರುವ ಮಾರ್ಚ್ ತಿಂಗಳ ಡೇಟಾ ಮಾಹಿತಿಯಲ್ಲಿ ತಿಳಿದು ಬಂದಿದೆ. ಭಾರತದಲ್ಲಿ ಜಿಯೋ 4G ನೆಟ್‌ವರ್ಕ್ 16.487 Mbps ಡೌನ್‌ಲೋಡ್ ವೇಗವನ್ನು ಹೊಂದಿದೆ ಎನ್ನಲಾಗಿದೆ.

ಜಿಯೋದಲ್ಲಿ 16.487 Mbps ಡೌನ್‌ಲೋಡ್ ವೇಗ:

ಟ್ರಾಯ್ ಮೈಸ್ಪಿಡ್ ಆಪ್ ನಲ್ಲಿ ತೋರಿಸಿರುವಂತೆ ರಿಲಯನ್ಸ್ ಮಾಲೀಕತ್ವದ ಜಿಯೋ ಟೆಲಿಕಾಮ್ ವಲಯದಲ್ಲಿ ವೇಗದ 4G ಮೊಬೈಲ್ ಡೌನ್‌ಲೋಡ್ ಸೇವೆಯನ್ನು ನೀಡುತ್ತಿದೆ. ಜಿಯೋ 16.487 Mbps ಡೌನ್‌ಲೋಡ್ ವೇಗವನ್ನು ಹೊಂದುವ ಮೂಲಕ ಮೊದಲನೇ ಸ್ಥಾನದಲ್ಲಿದೆ.

ಐಡಿಯಾಕ್ಕೆ ಎರಡನೇ ಸ್ಥಾನ:

ಇನ್ನು ಸರ್‌ಪ್ರೈಸ್ ಎನ್ನುವಂತೆ ಐಡಿಯಾ ಎರಡನೇ ಸ್ಥಾನದಲ್ಲಿದ್ದು, 12.092 Mbps ಡೌನ್‌ಲೋಡ್ ವೇಗವನ್ನು ಹೊಂದಿದೆ ಎನ್ನಲಾಗಿದೆ. ಈ ಮೂಲಕ ಏರ್‌ಟೆಲ್ ಮತ್ತು ವೋಡೊಪೋನ್ ಹಿಂದಿಕ್ಕಿದೆ.

ನಂತರದ ಸ್ಥಾನದಲ್ಲಿದೆ ಏರ್‌ಟೆಲ್-ವೋಡೊಪೋನ್:

ಇಷ್ಟು ದಿನ ವೇಗದ 4G ನೆಟ್‌ವರ್ಕ್ ಎನ್ನುತ್ತಿದ್ದ ಏರ್‌ಟೆಲ್ ಮೂರನೇ ಸ್ಥಾನವನ್ನು ಪಡೆದುಕೊಂಡಿದ್ದು, 10.439 Mbps ಡೌನ್‌ಲೋಡ್ ಸ್ಪೀಡ್ ಹೊಂದಿದೆ ಎನ್ನಲಾಗಿದೆ. ಉಳಿದಂತೆ ನಾಲ್ಕನೇ ಸ್ಥಾನದಲ್ಲಿದೆ ವೋಡೊಪೋನ್ 7.933 Mbps ವೇಗದಲ್ಲಿ ಡೌನ್‌ಲೋಡ್ ಮಾಡಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

ಆಪ್‌ಲೋಡ್ ವೇಗ ಹೇಗಿದೆ:

4G ಆಪ್‌ಲೋಡ್ ವೇಗದಲ್ಲಿ ಜಿಯೋ ಹಿಂದೆ ಬಿದ್ದಿದೆ. ಇದರಲ್ಲಿ ಐಡಿಯಾ ಮೊದಲ ಸ್ಥಾನದಲ್ಲಿದೆ. ಇದರ ವೇಗ 6.536Mbps ಇದೆ. ನಂತರದ ಎರಡನೇ ಸ್ಥಾನದಲ್ಲಿರುವ ವೋಡೊಪೋನ್ 5.429Mbps ವೇಗವನ್ನು ಹೊಂದಿದೆ. ಮೂರನೇ ಸ್ಥಾನದಲ್ಲಿ ಏರ್‌ಟೆಲ್ ಇದ್ದು, 4.455Mbps ವೇಗದಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಜಿಯೋ ನಾಲ್ಕನೇ ಸ್ಥಾನದಲ್ಲಿದ್ದು, 3.581Mbps ವೇಗದಲ್ಲಿ ಆಪ್‌ಲೋಡ್ ಮಾಡುತ್ತಿದೆ.