ವೊಡಾಫೋನ್‌ನ ಹೊಸ ಪ್ಲಾನ್‌..! ಜಿಯೋ, ಏರ್‌ಟೆಲ್‌ಗೆ ಬಿಗ್‌ ಶಾಕ್‌..!

ವೊಡಾಫೋನ್ ಆಫರ್ ನಲ್ಲಿ ಏನೇನಿದೆ?

ಹೊಸ 597 ರುಪಾಯಿಯ ವೊಡಾಫೋನ್ ರೀಚಾರ್ಜ್ ಪ್ಲಾನ್ ನಲ್ಲಿ 10ಜಿಬಿ 4ಜಿ ಡಾಟಾ, 100 ಎಸ್ಎಂಎಸ್ ಗಳು ಪ್ರತಿ ದಿನ, ಅನಿಯಮಿತ ಲೋಕಲ್ ಕಾಲ್, ಎಸ್ ಟಿಡಿ, ಮತ್ತು ಭಾರತದಾದ್ಯಂತ ರೋಮಿಂಗ್ ಕರೆಗಳು ಉಚಿತವಾಗಿರುತ್ತದೆ. ಸ್ಮಾರ್ಟ್ ಫೋನ್ ಬಳಕೆದಾರರಿಗೆ ಇದರ ವ್ಯಾಲಿಡಿಟಿಯು 112 ದಿನಗಳಾಗಿದೆ ಮತ್ತು ಫೀಚರ್ ಫೋನ್ ಗಳಿಗೆ ಇದರ ವ್ಯಾಲಿಡಿಟಿಯು 168 ದಿನಗಳಾಗಿರುತ್ತದೆ.

ಇದಿಷ್ಟನ್ನು ಹೊರತು ಪಡಿಸಿ ವೊಡಾಫೋನ್ ನಲ್ಲಿ 250 ಮಿನಿಟ್ಸ್ ಪ್ರತಿ ದಿನ ಅನಿಯಮಿತ FUP ಕರೆಗಳನ್ನು ಮಾಡಲು ಅವಕಶವಿದೆ. 1,000 ನಿಮಿಷ ಪ್ರತಿ ವಾರಕ್ಕೆ ಮತ್ತು 100 ಯೂನಿಕ್ ನಂಬರ್ ಗಳಿಗೆ ವ್ಯಾಲಿಡಿಟಿ ಸಮಯದಲ್ಲಿ ಕರೆಗಳನ್ನು ಮಾಡಬಹುದು.ಭಾರತದಾದ್ಯಂತ 4ಜಿ ಸರ್ಕಲ್ ಗಳಲ್ಲಿ ಈ ಪ್ಲಾನ್ ವ್ಯಾಲಿಡ್ ಆಗಿರುತ್ತದೆ ಮತ್ತು ವೆಬ್ ಸೈಟ್ ಮತ್ತು ಆಪ್ ಗಳಲ್ಲಿ ಲೈವ್ ಆಗಿರುತ್ತದೆ.

ಏರ್ ಟೆಲ್ ಆಫರ್ ನಲ್ಲಿ ಏನಿದೆ?

ಎಸ್ಎಂಎಸ್ ಪ್ರತಿದಿನ ಉಚಿತ, ಯಾವುದೇ FUP ಇಲ್ಲದೆ 168 ದಿನಗಳವರೆಗೆ ಅನಿಯಮಿತ ಕರೆಗಳನ್ನು ಸ್ಮಾರ್ಟ್ ಫೋನ್ ಬಳಕೆದಾರರಿಗೆ ಆಫರ್ ಮಾಡುತ್ತದೆ. ಈ ಏರ್ ಟೆಲ್ ರೀಚಾರ್ಜ್ ಆಫರ್ ನ ಬೆಲೆ 597 ರುಪಾಯಿಗಳು. ಫೀಚರ್ ಫೋನ್ ಗಳಿಗೆ ಹೆಚ್ಚಿನ ವ್ಯಾಲಿಡಿಟಿಯನ್ನು ನೀಡುತ್ತದೆಯಾ ಅಥವಾ ಇಲ್ಲವಾ ಎಂಬ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ. ಆದರೆ ಈ ಪ್ಲಾನ್ ಕೆಲವು ನಿರ್ಧಿಷ್ಟ ಆಯ್ಕೆಯ ಪ್ರದೇಶಗಳಲ್ಲಿ ಮಾತ್ರ ಲಭ್ಯವಿದೆ.

ವೊಡಾಫೋನ್ ಮತ್ತು ಏರ್ ಟೆಲ್ ನ ಈ ಆಫರ್ ಗಳನ್ನು ನೋಡಿದರೆ ಜಿಯೋ 999 ರುಪಾಯಿ ರೀಚಾರ್ಜ್ ಪ್ಲಾನ್ ಜೊತೆ ಈ ಎರಡೂ ಟೆಲಿಕಾಂ ಆಪರೇಟರ್ ಗಳು ಸ್ಪರ್ಧೆ ನೀಡುವ ಉದ್ದೇಶವನ್ನು ಹೊಂದಿದ್ದಾರೆ ಎಂಬುದು ಸ್ಪಷ್ಟವಾಗುತ್ತದೆ.

ಜಿಯೋ ಆಫರ್ ನಲ್ಲಿ ಏನಿದೆ?

ಜಿಯೋ 999 ರುಪಾಯಿ ರೀಚಾರ್ಜ್ ಪ್ಲಾನ್ ನಲ್ಲಿ ಅನಿಯಮಿತ ವಾಯ್ಸ್ ಕಾಲಿಂಗ್, 100 ಎಸ್ ಎಂಎಸ್ ಗಳು ಪ್ರತಿದಿನ ಉಚಿತವಾಗಿ ನೀಡುತ್ತದೆ. ಆದರೆ ಜಿಯೋ ಪ್ಲಾನ್ 90 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ. ಆದರೆ 60ಜಿಬಿ 4ಜಿ ಡಾಟಾವನ್ನು ನೀಡುತ್ತದೆ. ಜಿಯೋ ಪ್ಲಾನ್ ಎಲ್ಲಾ ಮಾರುಕಟ್ಟೆಗಳಲ್ಲೂ ಲಭ್ಯವಿದೆ.

ಒಂದು ವೇಳೆ ನೀವು ಕಡಿಮೆ ಬೆಲೆಯ ಯಾವುದಾದರೂ ಪ್ಲಾನ್ ಬಗ್ಗೆ ಹುಡುಕಾಡುತ್ತಿದ್ದರೆ ಇತ್ತೀಚೆಗೆ ಬಿಡುಗಡೆಗೊಂಡಿರುವ 159 ರುಪಾಯಿ ರಿಚಾರ್ಜ್ ಪ್ಲಾನ್ ಲಭ್ಯವಿದೆ. ಇದು 28 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ. 28ಜಿಬಿ ಡಾಟಾ, ಅನಿಯಮಿತ ವಾಯ್ಸ್ ಕರೆಗಳು , 100 ಎಸ್ ಎಂಎಸ್ ಪ್ರತಿದಿನ ಉಚಿತವಾಗಿ ವ್ಯಾಲಿಡಿಟಿ ಇರುವವರೆಗೆ ಲಭ್ಯವಿರುತ್ತದೆ.28ಜಿಬಿ ಡಾಟಾ ಬೆನಿಫಿಟ್ 28 ದಿನಗಳಿಗೆ ಲಭ್ಯವಾಗುತ್ತದೆ ಅಂದರೆ ಪ್ರತಿದಿನ 1ಜಿಬಿ ಡಾಟಾ ಉಚಿತವಾಗಿ ಜಿಯೋ ಪ್ಲಾನ್ ನಲ್ಲಿ ಸಿಗುತ್ತದೆ.

ವೊಡಾಫೋನ್ ಎಸ್ಎಂಎಸ್ ಪ್ಯಾಕ್ ವಿಭಿನ್ನ

ವೊಡಾಫೋನ್ ವಿಭಿನ್ನ ಎಸ್ಎಂಎಸ್ ಬೆನಿಫಿಟ್ ಗಳನ್ನು ವಿಭಿನ್ನ ಸೈಕಲ್ ನಲ್ಲಿ ನೀಡುತ್ತದೆ. ಕೆಲವು ಕಡೆ ಇದು 100 ಎಸ್ ಎಂಎಸ್ ಪ್ರತಿದಿನ ಉಚಿತ ಎಂದು ಕೊಟ್ಟರೆ, ಇನ್ನು ಕೆಲವು ಕಡೆ ಸಂಪೂರ್ಣ ಪ್ಲಾನ್ ನಲ್ಲಿ 100 ಎಸ್ಎಂಎಸ್ ಉಚಿತವೆಂಬ ಆಫರ್ ಇದೆ. ಕೆಲವು ಆಫರ್ ಗಳಲ್ಲಿ ಎಸ್ ಎಂಎಸ್ ಬೆನಿಫಿಟ್ ಇರುವುದೇ ಇಲ್ಲ.