'ಬಿಎಸ್ಎನ್ಎಲ್'ನಿಂದ ಇತಿಹಾಸದಲ್ಲೇ ಯಾರೂ ನೀಡದ ಮೊಟ್ಟ ಮೊದಲ ಭರ್ಜರಿ ಆಫರ್!!

ಜಿಯೋ vS ಬಿಎಸ್ಎನ್ಎಲ್

ಜಿಯೋ ಎಫೆಕ್ಟ್ ಬಿಎಸ್​ಎನ್​ಎಲ್​ ಗ್ರಾಹಕರ ಮೇಲೂ ಹೆಚ್ಚು ಪ್ರಭಾವ ಬೀರಿತ್ತು. ಹಾಗಾಗಿ, ಬಳಕೆದಾರರನ್ನು ಉಳಿಸಿಕೊಳ್ಳಲು ಜಿಯೋದೊಂದಿಗೆ ಬಿಎಸ್​ಎನ್​ಲ್​ ಪೈಪೋಟಿಗೆ ಇಳಿದಿದೆ. ​ಅದರಂತೆ ತನ್ನ ಜನಪ್ರಿಯ ಪ್ಲಾನ್​ನಲ್ಲಿ ಭಾರೀ ಬದಲಾವಣೆ ಮಾಡುವ ಮೂಲಕ ಜಿಯೋ ಹಾಗೂ ಇತರೆ ಕಂಪೆನಿಗಳಿಗೆ ಸೆಡ್ಡು ಹೊಡೆಯಲು ಸಕಲ ತಯಾರಿಯಲ್ಲಿದೆ ಬಿಎಸ್​ಎನ್​ಎಲ್.

ಜಿಯೋಗಿಂತ ಮೂರು ಪಟ್ಟು ಡೇಟಾ

ಇದೇ ಮೊದಲ ಬಾರಿಗೆ ಟೆಲಿಕಾಂ ಕಂಪೆನಿಯೊಂದು ಜಿಯೋ ನೀಡುತ್ತಿರುವ ಆಫರ್ ಬೆಲೆಯಲ್ಲೇ ಜಿಯೋಗಿಂತ ಮೂರು ಪಟ್ಟು ಡೇಟಾ ನೀಡಿ ಗಮನಸೆಳೆದಿದೆ. 399 ರೂ.ಗಳಿಗೆ ಜಿಯೋ ಪ್ರತಿದಿನ 1.5GB ಡೇಟಾ ಮತ್ತು ಅನಿಯಮಿತ ಕರೆ ಹಾಗೂ 100 ಎಸ್​ಎಂಎಸ್​ಗಳನ್ನು ನೀಡುತ್ತಿದ್ದರೆ, ಬಿಎಸ್‌ಎನ್‌ಎಲ್ ಇದಕ್ಕಿಂತ ಮೂರು ಪಟ್ಟು ಹೆಚ್ಚು ಡೇಟಾ ನೀಡಿ ಗಮನಸೆಳೆದಿದೆ.

399 ರೂ.ಗೆ 237GB ಡೇಟಾ

ಬಿಎಸ್​ಎನ್​ಎಲ್​ ಈ ಹಿಂದೆ ಪ್ರಸ್ತುತಪಡಿಸಿದ 399 ರೂ.ನ ಪ್ಲಾನ್​ನಲ್ಲಿ ಭಾರೀ ಬದಲಾವಣೆ ತಂದಿದ್ದು, ಈ ಹಿಂದೆ 399 ರೂ.ಯೋಜನೆಯಲ್ಲಿ ಪ್ರತಿದಿನ​ 1GB ಡೇಟಾ ಮಾತ್ರ ನೀಡುತ್ತಿತ್ತು. ಆದರೆ ಈಗ ತನ್ನ ಡೇಟಾ ಪ್ಲಾನ್ ಬದಲಿಸಿರುವ ಬಿಎಸ್​ಎನ್​ಎಲ್,​ ಇನ್ಮುಂದೆ ಪ್ರತಿದಿನ 3.21GB ಡೇಟಾ ಒದಗಿಸಲಿದೆ. ಇದರಿಂದ 399 ರೂ.ಗಳಿಗೆ ಒಟ್ಟು 237.54GB ಡೇಟಾ ಗ್ರಾಹಕರಿಗೆ ಲಭ್ಯವಿದೆ.

ಜನವರಿ 31ರ ವರೆಗೆ ಆಫರ್!

ಬಿಎಸ್​ಎನ್​ಎಲ್‌ನ ಬದಲಾದ 399 ರೂ.ಪ್ಲಾನ್ ಇದೇ ಜನವರಿ 31ರ ವರೆಗೆ ಮಾತ್ರ ಲಭ್ಯವಿದೆ. ಈ ಆಫರ್‌ನಲ್ಲಿ 399 ರೂ.ಗಳಿಗೆ 74 ದಿನಗಳ ವ್ಯಾಲಿಡಿಟಿಯಲ್ಲಿ ಪ್ರತಿದಿನ 3.21GB ಡೇಟಾ, ಉಚಿತ ಕರೆ, ಎಸ್‌ಎಂಎಸ್‌ ಸೇರಿದಂತೆ ಗ್ರಾಹಕರಿಗೆ ಒಟ್ಟು 237.54 ಜಿಬಿ ಡೇಟಾ ನೀಡುತ್ತಿದೆ. ಇದು ಇತಿಹಾಸದಲ್ಲೇ ಯಾರೂ ನೀಡದ ಅತ್ಯುತ್ತಮ ಡೇಟಾ ರೀಚಾರ್ಜ್ ಪ್ಲಾನ್ ಕೂಡ ಆಗಿದೆ.

4G ತರುವ ಮೊದಲೇ ಯುದ್ದ ಶುರು!!

2019ರ ಆರಂಭದಲ್ಲೇ ಮೊದಲ ಹಂತದಲ್ಲಿ ಕರ್ನಾಟಕ, ಗುಜರಾತ್, ಮಧ್ಯಪ್ರದೇಶ, ಛತ್ತೀಸ್​ಗಢ, ಗೋವಾ, ತಮಿಳುನಾಡು, ಆಂಧ್ರಪ್ರದೇಶ, ಕೇರಳ ಮತ್ತು ಮಹಾರಾಷ್ಟ್ರದಲ್ಲಿ 4G ಸೇವೆಯನ್ನು ಪ್ರಾರಂಭಿಸುವುದಾಗಿ ಬಿಎಸ್​ಎನ್​ಎಲ್ ತಿಳಿಸಿದೆ. ಹಾಗಾಗಿ. 4G ಸೇವೆ ನೀಡುವ ಮೊದಲೇ ಗ್ರಾಹಕರನ್ನು ಆಕರ್ಷಿಸುವ ಸಲುವಾಗಿ ಇಂತಹದೊಂದು ಭರ್ಜರಿ ಆಫರ್ ನೀಡುತ್ತಿದೆ ಎಂದು ಹೇಳಲಾಗಿದೆ.