ಜಿಯೋಯಿಂದಾಗಿ ಟೆಲಿಕಾಂ ಎಷ್ಟೆಲ್ಲಾ ಬದಲಾಗಿದೆ?..ಇಲ್ಲಿದೆ ಅಂಕಿಅಂಶಗಳು!!

1. ಮೊಬೈಲ್ ಡೇಟಾ ಬಳಕೆ:

ವಿಶ್ವದಲ್ಲೇ ಅತ್ಯಂತ ಕಡಿಮೆ ಡೇಟಾ ಬಳಕೆ ರಾಷ್ಟ್ರಗಳ ಸಾಲಿನಲ್ಲಿದ್ದ ಭಾರತ ಇಂದು ವಿಶ್ವದಲ್ಲಿಯೇ ಹೆಚ್ಚು ಡೇಟಾ ಬಳಕೆ ಮಾಡುತ್ತಿದೆ ಎಂದರೆ ಅದಕ್ಕೆ ಕಾರಣ ಜಿಯೋ.!! ಆಗಸ್ಟ್ 2016ರಲ್ಲಿ 1 ಜಿಬಿ ಡೇಟಾಗೆ 250 ರೂ.ಗೂ ಹೆಚ್ಚು ಪಾವತಿಸುವಾಗ ತಿಂಗಳಿಗೆ 20 ಕೋಟಿ ಜಿಬಿ ಬಳಕೆ ಮಾಡುತ್ತಿದ್ದರೆ, ಇಂದು ತಿಂಗಳಿಗೆ 150 ಕೋಟಿ ಜಿಬಿಗೂ ಹೆಚ್ಚು ಡೇಟಾ ಬಳಕೆಯಾಗುತ್ತಿದೆ.!!

2 ಬಳಕೆದಾರರಿಂದ ಸರಾಸರಿ ಆದಾಯ!?

2016 ಆಗಸ್ಟ್ ತಿಂಗಳಿನಲ್ಲಿ ಟೆಲಿಕಾಂ ಆದಾಯ ಪ್ರತಿವ್ಯಕ್ತಿಯಿಂದ ಸರಾಸರಿ 180 ರೂ. ಆಗಿದ್ದರೆ ಆಗಸ್ಟ್ 2017 ರಲ್ಲಿ ಪ್ರತಿವ್ಯಕ್ತಿಯಿಂದ ಟೆಲಿಕಾಂಗೆ ಕೇವಲ 68 ರೂಪಾಯಿಗಳು ಲಭ್ಯವಾಗುತ್ತಿದೆ.!! ಕೇವಲ ಒಂದು ವರ್ಷದಲ್ಲಿ ಮೂರನೇ ಎರಡು ಭಾಗದಷ್ಟು ಹಣ ಗ್ರಾಹಕರಲ್ಲಿಯೇ ಉಳಿದಿದೆ.!!

3 4ಜಿ ಫೋನ್ ಸಂಖ್ಯೆ ಹೆಚ್ಚಳ!!

ಜಿಯೋ ಬರುವುದಕ್ಕಿಂತ ಮುಂಚೆ ಭಾರತದಲ್ಲಿ 4G ಫೋನ್ ಖರೀದಿಸುವವರ ಸಂಖ್ಯೆ ಬಹಳ ಕಡಿಮೆ ಇತ್ತು. ಆದರೆ, ಜಿಯೋ ನೀಡಿದ ಉಚಿತ ಸೇವೆಗೆ 4G ಪೋನ್‌ಗಳು ಬಿಸಿತುಪ್ಪದಂತೆ ಖರ್ಚಾಗಿದ್ದು, 2016ರ ಪ್ರಥಮ ತ್ರೈಮಾಸಿಕದಲ್ಲಿ ಶೇ.66 ಬೆಳವಣಿಗೆ ಹೊಂದಿದ್ದ 4ಜಿ ಫೋನ್ ಮಾರಾಟ ದರ 2017ರ ಪ್ರಥಮ ತ್ರೈಮಾಸಿಕದ ವೇಳೆಗೆ ಶೇ.95ರಷ್ಟಾಗಿತ್ತು.!!

4 ಪಾತಾಳಕ್ಕಿಳಿದ ಪೋಸ್ಟ್‌ಪೇಡ್ ಗ್ರಾಹಕರು!!

ಜಿಯೋ ಟೆಲಿಕಾಂಗೆ ಬಂದ ನಂತರ ಇತರ ಟೆಲಿಕಾಂ ಕಂಪೆನಿಗಳ ಪೋಸ್ಟ್‌ಪೇಡ್ ಗ್ರಾಹಕರ ಸಂಖ್ಯೆ ಪಾತಾಳಕ್ಕಿಳಿದಿದೆ.! 500 ರುಪಾಯಿಗಳಿಂದ 250 ರೂ. ವರೆಗೆ ಪೋಸ್ಟ್ಪೇಡ್ ಬೆಲೆ ಇಳಿದರೂ ಸಹ ಕೋಟಿಗಳ ಲೆಕ್ಕದಲ್ಲಿದ್ದ ಪೋಸ್ಟ್‌ಪೇಡ್ ಬಳಕೆದಾರರ ಸಂಖ್ಯೆ ಇದೀಗ ಲಕ್ಷಗಳಿಗೆ ಇಳಿದಿದೆ ಎನ್ನಲಾಗಿದೆ.!!

ಒಂದಕ್ಕಿಂತ ಹೆಚ್ಚು ಜಿಯೋ ಉಚಿತ ಫೋನ್ ಬುಕ್ ಮಾಡುವುದು ಹೇಗೆ?

5 ಮುರಿದ ಏಕಸ್ವಾಮ್ಯತೆ!!

ಜಿಯೋ ಬರುವುದಕ್ಕೂ ಮೊದಲು ಏರ್‌ಟೆಲ್ ಆಡಿಸಿದಂತೆ ಇತರ ಟೆಲಿಕಾಂಗಳು ಆಡುತ್ತಿದ್ದವು. ಆದರೆ, ಜಿಯೋ ಬಂದನಂತರ ಜಿಯೋ ಆಡಿಸಿದಂತೆ ಇತರ ಟೆಲಿಕಾಂಗಳು ಆಡುತ್ತಿವೆ.!! ಇಲ್ಲಿಯವರೆಗೂ ರಾಜನಂತಿದ್ದ ಏರ್‌ಟೆಲ್ ಇದೀಗ ಜಿಯೋಗೆ ಸೆಡ್ಡುಹೊಡೆಯಲು ಸಾಧ್ಯವಾಗದೇ ಸೋಲು ಒಪ್ಪಿಕೊಂಡಿದೆ.!!

ಓದಿರಿ: